ឈុតប្រលោមលោកមនោសញ្ចេតនាទាំងនេះ កំពុងអង្រួនបេះដូងយុវវ័យខ្លាំង ទាំងនៅលើប្រព័ន្ធផ្សព្វផ្សាយ meysansotheary (សមាជិកព្រីមៀម ទើបអានបាន) និងឈុតសៀវភៅ។ ថ្ងៃចុងក្រោយនៃពិព័រណ៍សៀវភៅកម្ពុជាលើកទី១០នេះ ឈុតប្រលោមលោកល្បីៗទាំងនេះ ដូចជារឿង ស្រលាញ់បងជ្រៅជាងសមុទ្រ សល់ ១៥ឈុត; រៀបការសងគំនុំ សល់ ៥ឈុត និងកិច្ចសន្យាស្នេហាយើងសល់ប្រមាណ ២០ឈុត ប៉ុណ្ណោះ។

គួរឱ្យដឹងដែរថា ក្នុងអំឡុងពិព័រណ៍សៀវភៅកម្ពុជាលើកទី១០នេះ​ សម្រាប់អ្នកដែលទៅទិញនៅស្តង់លេខ ២៦ ផ្ទាល់ ក៏ដូចជាអ្នកចង់ចុះឈ្មោះជាសមាជិកព្រីមៀម អានប្រលោមលោកនៅប្រព័ន្ធផ្សព្វផ្សាយ meysansotheary.com នឹងទទួលបានតម្លៃពិសេសផងដែរ៕

“ល្បាក់សា” ជាចំណងដៃថ្មីសម្រាប់អ្នកគាំទ្ររបស់អ្នកនិពន្ធ មុីសន សុធារី ដែលរៀបរាប់ពីរឿងរ៉ាវនៃអបិយជំនឿ ព្រលឹងវិញ្ញាណ អាគម និងពោពេញដោយអាថ៌កំបាំងខ្មៅងងឹត កំពុងទទួលបានការគាំទ្រខ្លាំងពីសំណាក់អ្នកអាន ហើយក៏ទទួលបានការកក់ច្រើនផងដែរតាមរយៈក្រុមការងារអ្នកនិពន្ធ មុីសន សុធារី ។

ទន្ទឹមនេះ “សំណុំឯកសារ Z22” រឿងបំបែកក្តីដ៏កក្រើក ទទួលបានការអានច្រើនបំផុតល់ើប្រព័ន្ធអនឡាញ ក៏មានវត្តមាន លើកទី១ ក្នុងឱកាសពិព័រណ៍សៀវភៅកម្ពុជាឆ្នាំ២០២៣ ស្តង់លេខ ២៦ ផងដែរ។ មិនថាការអានលើប្រព័ន្ធអនឡាញ ឬទិញផ្ទាល់ ក្តីស៊ើបអង្កេតមួយនេះ មានអ្នកអានច្រើនបំផុត។

គួរជម្រាបដែរថា ក្រៅពីរឿងទាំងពីរនេះ លំដាប់រងដែលលក់ដាច់ខ្លាំងដែរនោះ គឺរឿង «ម៉ោង១២អធ្រាត្រ នៅសង្កាត់លេខ១» និង «អណ្តូងខាងលិច» ។

សម្រាប់អ្នកគាំទ្រភាគនិទាន ពេជ្រ បណ្ឌិត និង សុភាប្រុស សុទ្ធតែដឹងថាហើយថា ឈ្មោះទាំងពីរនេះ ជានាមប៉ាកការបស់អ្នកនិពន្ធ មុីសន សុធារី ដែលប្រើលើការបែកចែកអត្តសញ្ញាណឱ្យដាច់រាល់រឿងដែលអ្នកនិពន្ធរូបនេះ តាក់តែងឡើង។ សុភាប្រុស គឺតំណាងឱ្យរឿងបែបអាថ៌កំបាំងស៊ើបអង្កេត លើរឿងសំណុំក្តីជាច្រើនចំណងជើង ឯនាមប៉ាកកា ពេជ្រ បណ្ឌិត គឺតំណាងឱ្យរឿងរ៉ាវទាក់ទងនឹងអបិយជំនឿ រន្ធត់ និងអាគម ដែលទទួលបានការគាំទ្រខ្លាំងដូចគ្នា៕

ក្នុងវិស័យតែងនិពន្ធ លោក ស៊ុន វិជ័យចិត្រ អាចចាត់ទុកបានថា ជាយុវនិពន្ធមួយរូបដែលសកម្មភាពខ្លាំង ក្នុងការរួមចំណែកលើវិស័យមួយនេះ មិនថាការតែងនិពន្ធ ចូលរួមប្រកួតស្នាដៃតែងនិពន្ធ ពិសេសគឺជាអ្នកសកម្មក្នុងការគាំទ្រអ្នកនិពន្ធទៀតផង។

ដោយឡែកនៅឆ្នាំនេះ លោកក៏បាននាំយកស្នាដៃតែងនិពន្ធរបស់លោក ចំណងជើង «ស្នេហាមួយ» និង «ថ្ងៃស្អែកសម្រាប់យើង» ចូលរួមក្នុងព្រឹត្តិការណ៍ពិព័រណ៍សៀវភៅដ៏ធំ នៅឆ្នាំនេះផងដែរ។

គួរជម្រាបដែរថា យុវនិពន្ធរូបនេះ មានស្នាដៃតែងនិពន្ធជាច្រើនចំណងជើង បូករួមទាំងសៀវភៅ និងនៅលើប្រព័ន្ធផ្សព្វផ្សាយផ្សេងៗ ពិសេស យុវនិពន្ធរូបនេះមានស្នាដៃនិពន្ធជាច្រើនរសជាតិ នៅលើប្រព័ន្ធផ្សព្វផ្សាយ meysansotheary.com ៕

សូមជម្រាបថា ទន្ទឹមនឹងការបញ្ចុះតម្លៃសៀវភៅ ដើម្បីអបអរសាទរពិព័រណ៍សៀវភៅ និងជម្រុញដល់ការអាននៅកម្ពុជា អ្នកនិពន្ធ មុីសន សុធារី បាននាំយកឱកាសពិសេសធំ ២ ដល់សាធារណជន ដោយទី១ គឺឱកាសសម្រាប់​អ្នកក្លាយជាអ្នកនិពន្ធ និងទី២ សម្រាប់អ្នកដែលនិយមការអានប្រលោមលោក អាចចុះឈ្មោះអាន រឿងជាច្រើនចំណងជើង ជាមួយប្រព័ន្ធផ្សព្វផ្សាយ meysansotheary.com “កម្មវិធី ១សែនអំណាន” តាមរយៈក្រុមការងារ នៅទីតាំងស្តង់តម្រាលេខ ២៦ ។

គួរឱ្យដឹងដែរថា សម្រាប់បំណងនៃការបណ្តុះបណ្តាលលើជំនាញតែងនិពន្ធ ជាការចែករំលែកចំណេះជំនាញ និងរួមចំណែកលើកស្ទួយវិស័យតែងនិពន្ធនៅកម្ពុជា ឱ្យកាន់តែប្រសើរ។ ឯវគ្គបណ្តុះបណ្តាលនេះដែរ មិនមែនជាលើកទី១ឡើយ កន្លងមក អ្នកនិពន្ធរូបនេះ បានបណ្តុះបណ្តាលយុវនិពន្ធជាច្រើនជំនាន់មកហើយ ដោយក្នុងនោះ ភាគច្រើនជាម្ចាស់ជយលាភីពានរង្វាន់លើការតែងនិពន្ធ ក្នុងកម្មវិធីប្រឡងប្រជែងជាច្រើនកម្មវិធី។

ជាមួយគ្នានេះ អ្នកនិពន្ធ មុីសន សុធារី និងដៃគូសហការ ក៏បាននាំយកនូវការផ្តល់ជូនពិសេសផងដែរ ដល់សាធារណជន មានទាំងការដាក់នូវស្នាដៃថ្មីរបស់ខ្លួន និងការបញ្ចុះតម្លៃលើសៀវភៅជាច្រើនចំណងជើងផងដែរ។

គួរបញ្ជាក់ថា ពិព័រពណ៍សៀវភៅកម្ពុជាលើកទី១០ ឆ្នាំ២០២៣ អាចចាត់ទុកបានថា ជាព្រឹត្តិការណ៍ពិព័រណ៍សៀវភៅខ្នាតធំ លើកដំបូងរបស់កម្ពុជា ដែលប្រព្រឹត្តធ្វើឡើងរយៈពេល៤ថ្ងៃ ពោលគឺចាប់ពីថ្ងៃទី១៤ ដល់ថ្ងៃទី ១៧ ខែធ្នូ ឆ្នាំ២០២៣ ៕

លោក រ៉េត សុភ័ក្រ បានរៀបរាប់ថា លោកពិតជារំភើបរីករាយខ្លាំងណាស់ សម្រាប់ពិព័រណ៍សៀវភៅឆ្នាំនេះ ដោយតែឆ្នាំកន្លង លោកធ្លាប់តែជាអ្នកចូលរួមកម្មវិធីពិព័រណ៍ និងដើរទិញសៀវភៅអ្នកនិពន្ធផ្សេងៗ។ ប៉ុន្តែឆ្នាំនេះ លោកមានឱកាសបានក្លាយជាឈរលក់ស្នាដៃតែងនិពន្ធខ្លួនឯង ក្នុងព្រឹត្តិការណ៍ដ៏ធំនេះ។

លោករំពឹងថា ស្នាដៃតែងនិពន្ធ ដែលលោកសម្រិតសម្រាំងត្រៀមសម្រាប់ពិព័រណ៌សៀវភៅកម្ពុជាលលើកទី១០ ឆ្នាំនេះ មិនត្រឹមតែផ្តល់ជាការកម្សាន្តអារម្មណ៍ដល់អ្នកអានប៉ុណ្ណោះទេ តែក៏ជាការរួមចំណែកលើកស្ទួយអំណាននៅកម្ពុជាផងដែរ។

ឆ្លៀតក្នុងឱកាសនេះ លោកក៏បានថ្លែងអំណរគុណដល់អ្នកដែលតែងតែគាំទ្រស្នាដៃតែងនិពន្ធរបស់លោកកន្លងមក។ ក្នុងនាមជាអ្នកនិពន្ធ លោក រ៉េត សុភ័ក្រ ក៏បើកចិត្តទទួលយករាល់ការរិះគន់ស្ថាបនាពីសាធារណជនផងដែរ និងសន្យាធ្វើឱ្យស្នាដៃតែងនិពន្ធរបស់លោក កាន់តែរីកចម្រើនថែមទៀត។

គួរជម្រាបដែរថា យុវនិពន្ធរូបនេះ ​ធ្លាប់ជាអ្នក​សរសេរ​ជា​អត្ថបទ​បែប​លើកទឹកចិត្ត រឿងនិទានកុមារ ប្រលោមលោក និង​អត្ថបទ​ខ្លីៗ​បែប​អប់រំ​ជា​ច្រើន​ទៀត និងធ្លាប់ទទួលបានការបណ្តុះបណ្តាលពីអ្នកនិពន្ធ មុីសន សុធារី ក្នុងឆ្នាំ២០២១ ។ ដោយការស្រលាញ់លើផ្នែកតែងនិពន្ធ លោក រ៉េត សុភ័ក្រ បានបោះជំហានជាបន្តបន្ទាប់ក្នុងវិស័យតែងនិពន្ធ រហូតបានសម្រេចក្តីស្រមៃរបស់ខ្លួនមួយទៀត ពីអ្នកដើរទិញសៀវភៅថ្ងៃពិរណ៍ ទៅជាអ្នកឈរលក់ តំណាងស្នាដៃខ្លួនឯងវិញម្តង។

ពិព័រណ៍សៀវភៅកម្ពុជាលើកទី១០ ឆ្នាំ២០២៣ ធ្វើនៅទីតាំងធំជាងមុន ក្នុងបរិវេណសួនច្បារទល់មុខអគារ City Hall កោះពេជ្រ ដែលមានរយៈពេល៤ថ្ងៃ ពោលគឺចាប់ពីថ្ងៃទី១៤ ដល់ថ្ងៃទី ១៧ ខែធ្នូ ឆ្នាំ២០២៣ ស្អែកនេះ៕

ដើម្បីអបអរសាទរពិព័រណ៍សៀវភៅកម្ពុជា និងជម្រុញដល់ការអាននៅកម្ពុជា ឆ្នាំនេះ អ្នកនិពន្ធ មុីសន សុធារី និងដៃគូសហការ បានត្រៀមការផ្តល់ជូនពិសេសដល់សាធារណជន នៅស្តង់តម្រាលេខ ២៦ ជាមួយនឹងការផ្តល់ជូនពិសេសមិនធ្លាប់មាន ដោយការចែកជូនសៀវភៅ ដល់អ្នកគាំទ្រ និងការបញ្ចុះតម្លៃលើសៀវភៅជាច្រើនចំណងជើង សៀវភៅខ្លះនៅសល់ត្រឹមតែ ២ដុល្លារ ប៉ុណ្ណោះ ។

ចំណែកឯការចែកជូនអានតម្លៃ ២ដុល្លារ គឺផ្តល់ជូនតែប្រិយមិត្តដែលកក់ប្រាក់ មុនថ្ងៃពិព័រណ៍តែប៉ុណ្ណោះ ជាមួយតម្រា សូមកក់និងរក្សាវិក័យប័ត្រ ។ សម្រាប់ព័ត៌មានលម្អិត សូមទាក់ទងផ្ទាល់ទៅកាន់ផេក តម្រា

ខាងក្រោមនេះ ជាតម្លៃសៀវភៅ និងប្រលោមលោកពេញនិយមខ្លះៗ៖