រឿងទំនុកភ្លេងស្នេហ៍ ជាស្នាដៃថ្មីចុងក្រោយមួយទៀត​របស់​អ្នក​និពន្ធ​ ​ដែល​ពណ៌នា​អំពី​ទិដ្ឋភាព​តស៊ូ​យ៉ាង​ស្វិត​ស្វាញ​​របស់​អង្គលក្ខិណា ជាកវីនិពន្ធទំនុកភ្លេងសាមញ្ញធម្មតា ដែលខ្នះខ្នែងខំប្រឹងដើរនៅលើវិថីសិល្បៈដោយគោលបំណងបញ្ចេញ​ឱ្យអស់នូវសក្តានុពល​របស់នាង​ ដើម្បីវិស័យតន្ត្រីនៅកម្ពុជា។

មិនខុសពីស្នាដៃកន្លងមកទេ ទំនុកភ្លេងស្នេហ៍បានទាក់ទាញប្រិយមិត្តអ្នកអានជាច្រើន នៅលើវេបសាយផ្លូវការរបស់អ្នកនិពន្ធ​ម៉ីសន សុធារី​ ព្រមទាំង​ទន្ទឹង​រង់ចាំនូវ​ការចេញផ្សាយជាបន្តបន្ទាប់​ថែមទៀតផង។

អស់រយៈពេល​ជាច្រើនខែរួចមក​ ទីបំផុត​ប្រលោម​លោក​​មួយ​នេះ​​អាច​ចេញផ្សាយភាគបញ្ចប់របស់ខ្លួនជាស្ថាពរ។ សេច​ក្តី​សង្ឃឹម រំភើប ផ្លូវទៅ​កាន់ជោគជ័យ​​នៃឧស្សាហកម្មតន្រ្តីនិងការ​ប្រជែង​​កក្រើក រំពើក រួមទាំង​ការខកចិត្ត សង្ស័យ បានកំដរអារម្មណ៍​ប្រិយ​មិត្ត​ឱ្យ​ចូលរួមជាមួយ​គ្នា​ក្នុងដំណើររបស់តួអង្គជាច្រើនទៀតនៅក្នុងពិភពសិល្បៈក្នុងទីក្រុងទំនើបស៊ីវិល័យ មិនថា​សក្តាវណ្ណ ឯកនគរ ពិស្តារ​ ឬជេន្នី ដែលសុទ្ធសឹងតែជាតួអង្គដែលបានបង្រៀននូវមេរៀនជាច្រើនដល់អ្នកអាន តោងជាគំនិតពិចារណាយ៉ាងជ្រាល​ជ្រៅ​។

​​ជាក់ស្តែងនៅពេលនេះ ពិតជាមានមិត្តអ្នកអានជាច្រើនដែលចង់ដឹងជាខ្លាំង​ថាតើនៅចុងក្រោយ ជោគវាសនារបស់តួអង្គទាំងអស់​នោះ​ នឹងទៅជាយ៉ាងណា។ ដូច្នេះ​សូមកុំភ្លេច ចូលអានទាំងអស់គ្នានៅលើវេបសាយ meysansotheary.com នៅម៉ោង ៨យប់នេះ។

ចុចអានរឿង​ទំនុកភ្លេងស្នេហ៍

ចុចអាន​ប្រលោមលោកល្បីៗផ្សេងទៀត​ ​

នៅក្នុងប្រលោមលោកថ្មីចុងក្រោយនេះ ការរុករករបស់អ្នកនិពន្ធអំពីអាថ៌កំបាំង ទំនាស់ និងរឿងអាស្រូវ នៃឧស្សាហកម្មតន្ត្រី និងផលប៉ះពាល់លើជនទេពកោសល្យវ័យក្មេង កំពុងរំលឹកឡើងពីស្នាដៃប្រលោមលោកសង្គមដ៏ប្រណីត និងកក្រើរំពើករបស់គាត់ នៅក្នុងប្រលោមលោក «រឿងស្រទន់មន្តស្នេហ៍» កាលពីឆ្នាំ២០២៤។

ពេលនេះ អ្នកស្រីម៉ីសន សុធារី បាននាំអ្នកអានឱ្យធ្វើដំណើរទៅក្នុងឧស្សាហកម្មដ៏មានឥទ្ធិពល គឺពិភពតែងនិពន្ធ និងតន្ត្រី តាមរយៈភាពល្បីល្បាញ កម្រិតសីលធម៌ គុណតម្លៃទាប អាត្មានិយម នៃមនុស្សមួយចំនួនក្នុងពិភពសិល្បៈ ដែលជារឿងរ៉ាវដ៏ជក់ចិត្តមួយពេញដោយមេរៀនជីវិតនិងការលើកទឹកចិត្ត។

សាច់រឿង និយាយអំពី យុវជនសក្កដា វណ្ណ តារាកំពុងរះ និងនាង អង្គ លក្ខិណា ដែលជាស្នេហាដ៏រឹងមាំក្នុងឧបសគ្គរាប់ពាន់អន្លើ។

ខណៈដែលពួកគេតស៊ូចូលមកក្នុងពិភពសិល្បៈដ៏ទាក់ទាញ និងគ្រោះថ្នាក់  ឧស្សាហកម្មតន្ត្រីបានលេបត្របាក់ចិត្តស្មោះរបស់ពួកគេ។ ប្រលោមលោកនេះគូសបង្ហាញឆៅៗ  និងរស់រវើកាអំពីទំនោរនៃការលះបង់ដើម្បីល្បី អំពើក្បត់គ្នា មិត្តភាព កេងចំណញ សង្គ្រាមសារព័ត៌មាននិងជាច្រើនទៀត នៅពីក្រោយភាពអស្ចារ្យលើឆាក។

 ដោយតែងតែផ្តល់ជូនអ្នកអាន នូវការស្វែងយល់អំពីអត្តសញ្ញាណខ្លួន កំណត់ថាមពលមហិច្ឆតា និងអត្ថន័យពិតនៃសេចក្តីស្រឡាញ់ ការនិទានរឿងជាមួយទេពកោសល្យដ៏សំបូរបែបរបស់អ្នកនិពន្ធ ម៉ី សនសុធារី រមែងផ្សារភ្ជាប់ជាមួយទស្សនៈវិជ្ជាដ៏ពិសេស ចំពោះអារម្មណ៍របស់មនុស្សពិត និងសង្គមដែលគេត្រូវច្បាំង។

គាត់បានចំណាយពេលវេលាដ៏មានតម្លៃ មមារញឹក មកបង្កើតបានជាសាច់រឿងជាង៥០០ទំព័រ ជាមួយនឹងប្រធានបទនៃបណ្តុះ សុចរិតភាព តម្លៃនៃកិត្តិនាម វិន័យសីលធម៌ការងារ។

អ្នកនិពន្ធ ម៉ី សនសុធារី បាននិយាយដោយប្រយោល តែជ្រៅ និងមានខ្លឹមសារ តាមរយៈបទនិពន្ធរឿង «ទំនុកភ្លេងស្នេហ៍» នេះទៅកាន់មនុស្សវ័យក្មេងនិងអ្នកទាំងឡាយណាដែលធ្លាប់ប្រឈមមុខនឹងបញ្ហានៃការរក្សាភាពស្មោះត្រង់ចំពោះខ្លួនឯងនៅក្នុងពិភពលោកដែលពោរពេញទៅដោយការល្បួង៕

ចូលតាមដានប្រលោមលោកដ៏បំផុសនិងថែទាំផ្នត់គំនិត មិនអាចបំភ្លេចបាននេះនៅ meysansotheary.com

https://www.meysansotheary.com/tom-nuk-pleng-sne