កន្លងមក អ្នកនិពន្ធ មុីសន សុធារី ក៏បានចងក្រងនូវសៀវភៅជំរុញថាមពលចិត្តប៉ុន្មានចំណងជើង ក្នុងកាលៈទេសៈសំខាន់មួយចំនួនផងដែរ ខណៈក្នុងចំណោមនោះ ក្រុមការងារ MST សូមលើកយកតែសៀវភៅជាប់កំណត់ត្រាលក់ដាច់បំផុត ៣ ចំណងជើងខាងក្រោមនេះ៖

១. និយាយដូចអ្នកដឹកនាំ
សៀវភៅពេញដោយការជំរុញសក្តានុពលក្នុងភាពជាអ្នកដឹកនាំមួយក្បាលនេះ បានជាប់កំណត់ត្រាលក់ដាច់បំផុត ក្នុងឆ្នាំ២០២៥។ “ភាពជាអ្នកដឹកនាំ និងការនិយាយឱ្យមានចរន្តបំផុសទឹកចិត្តឈានទៅរកការផ្លាស់ប្តូរ មិនមែនជាលក្ខណៈសម្បត្តិពីកំណើតនៃបុគ្គលទេ តែជាជំនាញដែលត្រូវរៀន ទាមទារការអនុវត្ត ការយល់ដឹងពីចំណុចខ្លាំងខ្សោយខ្លួនឯង ក៏ដូចជាភាពក្លាហានក្នុងការវិនិយោគកែលម្អរបៀបទំនាក់ទំនង ឱ្យកាន់តែមានប្រសិទ្ធភាពថែមជានិច្ច”។

២. ធ្វើឱ្យអស់ពីសមត្ថភាព
«ធ្វើឱ្យអស់ពីសមត្ថភាព» ជាចំណងជើងនៃក្របសៀវភៅជំរុញទឹកចិត្ត របស់អ្នកនិពន្ធ មុីសន សុធាវី ក្នុងកំណត់ត្រាលក់ដាច់ក្នុងឆ្នាំ២០២៤ បោះពុម្ពផ្សាយដោយ «តម្រា»។ តាមរយៈអត្ថន័យដ៏មានសក្តានុពលដល់ដំណើរជីវិត ពីសៀវភៅត្រៀមចេញក្បាលនេះ អ្នកនិពន្ធបានរំលេចពីកត្តាមួយចំនួន ដែលបានពង្វក់ចិត្តគំនិតយុវវ័យឱ្យជឿស្លុងលើអ្វីដែលថា “នាំទៅរកភាពជោគជ័យ” ។ អ្នកនិពន្ធ មានចេតនាចម្បងក្នុងការជំរុញទស្សនៈរបស់អ្នកអាន ដើម្បីជួយស្វែងរកគុណតម្លៃរបស់បុគ្គល ឈានឆ្ពោះទៅភាពជោគជ័យ តាមរយៈជំនាញទន់ដែលជាជំនាញធំ និងចាំបាច់…។

៣. ការឈឺចាប់
សៀវភៅកម្រាស់ប្រមាណជាង ៣០០ទំព័រនេះ ជាស្នាដៃរបស់អ្នកនិពន្ធ ម៉ីសន សុធារី ដែលដាក់បង្ហាញលើកទីផ្សារអនឡាញកាលខែមេសា ឆ្នាំ២០២១ ​ពោលគឺអំឡុងពេលនៃវិបត្តិជំងឺកូវីដបានរាត្បាតកម្ពុជា ប៉ុន្តែមានការគាំទ្រអានច្រើនបំផុត និងត្រូវបានគេចាត់ទុកជាសៀវភៅដែលជួយអាចជួយបន្សាបទុក្ខព្រួយបានមួយភាគធំ។

អ្នកនិពន្ធដ៏មានកេរ៍ឈ្មោះ កំពុងមមារញឹកក្នុងការចេញផ្សាយនូវសៀវភៅដ៏មានឥទ្ធិពលចំនួនពីរនៅក្នុងឆ្នាំ ២០២៥នេះ មានចំណងជើងទី១ «និយាយដូចអ្នកដឹកនាំ» Speak As a Leader ដែលជាការណែនាំបង្ហាញឱ្យគ្រប់គ្នាអាចនិយាយចេញពីបេះដូង មិនមែននិយាយដោយការស្អប់ ឬចោទប្រកាន់បន្ទោសគ្នា។ «ចំណាយពេលលើក្រុមដែលយើងស្អប់ យើងភ្លេចក្រុមដែលកំពុងត្រូវការយើង ហើយស្រលាញ់យើង!» អ្នកនិពន្ធបានបញ្ជាក់បែបនេះ។

សៀវភៅនេះ អ្នកនិពន្ធ ម៉ីសន សុធារី សង្ឃឹមថា នឹងជួយជំរុញទឹកចិត្តមនុស្សជំនាន់ថ្មី ឱ្យប្រើសំឡេងរបស់ពួកគេដោយមានគោលបំណងច្បាស់ ជាពិសេសនៅលើប្រព័ន្ធផ្សព្វផ្សាយសង្គម មិនមែនគ្រាន់តែបញ្ចេញសំឡេងខ្លួនឯងជាសាធារណៈនោះទេ តែចូលរួមបង្កើតជាឥទ្ធិពលវិជ្ជមាន។

ចំណែកឯ សៀវភៅទីពីររបស់អ្នកនិពន្ធ មានចំណងជើងថា “បើអ្នកធ្លាក់ដល់ចំណុចសូន្យ” ដែលនឹងមកដល់ដើមខែមិថុនា អាចបើកកក់ក្រោយចូលឆ្នាំខ្មែររួច។ អ្នកនិពន្ធបានរៀបរាប់ថា «ខ្ញុំពិតជាសរសេរព្រោះ Care ព្រោះខ្ញុំយល់ ហើយខ្ញុំបានគិតពីពាក្យពេចន៍មួយចំនួនអំពីការយល់ចិត្តនេះ នៅពេលខ្លួនឯងដេកលើគ្រែវះកាត់ ហើយផ្សែងថ្នាំសន្លប់កំពុងតែហុយមកបញ្ចប់គំនិតទាំងអស់របស់ខ្ញុំ!»។

អ្នកនិពន្ធ ដែលតែងតែធ្វើអ្វីៗគិតដល់សង្គមនិងមនុស្សជំនាន់ក្រោយម្នាក់នេះ បានលើកឡើងទៀតថា “សៀវភៅទាំងពីរមិនមែនសម្រាប់រកលុយទេ ព្រោះយើងដឹងហើយអំពីទីផ្សារសៀវភៅនៅកម្ពុជាបច្ចុប្បន្ន តែខ្ញុំគិតថា អ្នកដែលមានអារម្មណ៍ថា ជីវិតខ្លួនខូចខាត ទេពកោសល្យនិងការព្យាយាមផ្នែកអាជីពត្រូវបានជាន់ឈ្លី ខ្ញុំចង់ឱ្យពួកគេអានពីជីវិតរបស់ខ្ញុំ មើលឃើញការពិតនៅពីក្រោយភាពរឹងមាំរបស់ខ្ញុំ ហើយហោចណាស់ ខ្ញុំនៅអាចបញ្ចេញសៀវភៅមួយដែលពិត មិនចម្លង មិនមែនចេះតែនិយាយ ហើយជាពាក្យពេចន៍នៃមនុស្សម្នាក់ដែលនៅតំណាក់កាលណា ក៏នៅតែចង់ផ្តល់នូវកម្លាំងចិត្ត យកសំណេរជាការព្យាបាល ជាជាងការបោះបង់ចោល”។

«ខ្ញុំជឿថា គ្រប់គ្នាយល់! សៀវភៅនេះមិនផ្សាយដើម្បីធ្វើជាអ្នកមានទេ តែការបោះពុម្ពនេះ ចំពេលណាស់ គឺពេលដែលកម្ពុជាត្រូវការថាមពលថ្មី ក្តីសង្ឃឹមថ្មី និងសំឡេងយល់ចិត្តមួយថ្មី មិនបោកប្រាស់ មិនចេះតែនិយាយ ហើយចាំបាច់ណាស់ សម្រាប់អ្នកដែលកំពុងលំបាកខ្លាំង ក្នុងការងើបមកដើរឡើងវិញបានសារជាថ្មី! »។

សម្រាប់ព័ត៌មានលម្អិត ទំនាក់ទំនង Telegram: RaksmeyMeth

ក្នុងការចាប់ផ្តើម អ្នកស្រីបាននិទានប្រភេទរឿងគួរឱ្យចង់ដឹងមានចំណងជើងថា «កូនប្រសាស្រីនៃគ្រួសារវ៉ាង» ដែលនាំទស្សនិកជនចូលទៅជ្រៅដល់ក្នុងបេះដូង នូវអាថ៌កំបាំងខ្មៅងងឹតរបស់គ្រួសារចិនបុរាណមួយ។

នេះជារឿងមួយក្នុងចំណោមរឿងនិទានចិន ៨ចំណងជើង ដែលនឹងនិទានចេញពីការតាក់តែងរបស់អ្នកស្រី ម៉ីសន សុធារី ផ្ទាល់ ឱ្យឈ្មោះថា «និទានចិនទាំង៨» ។

រឿងកូនប្រសារស្រីផ្ទះត្រកូលវ៉ាងនេះ នាំមកដំបូងដោយតួអង្គនាង ម៉ី ឡាន នារីវ័យក្មេង ម្នាក់បានចូលផ្សារក្នុងភូមិដ៏អ៊ូអរជាមួយអ្នកបម្រើមិនចេះនិយាយស្តីម្នាក់។

ក្រោពីសំឡេងរបស់អាជីវករស្រែកពពាយនាយ និងក្លិនក្រអូបនៃអាហារតាមដងផ្លូវអណ្តែតលើអាកាសនោះ ម៉ី ឡាន បានជួបនឹងអ្នកសុំទានវ័យចំណាស់ ជិតក្លោងទ្វារ។ សម្លៀកបំពាក់រហែករបស់គាត់ រាងកាយសោះកក្រោះប្រឡាក់ប្រឡូស មុខជ្រីវជ្រួញពោរពេញដោយទុក្ខព្រួយដ៏អាថ៌កំបាំង។ ដោយក្តីមេត្តា ម៉ី ឡាន ផ្តល់ប្រាក់ខ្លះដល់គាត់ ដោយសង្ឃឹមថានឹងសម្រាលទុក្ខលំបាករបស់គាត់។ ទោះជាយ៉ាងណាក៏ដោយ ជំនួសឱ្យការទទួលយកអំណោយសប្បុរសរបស់នាង អ្នកសុំទានបានលូកចូលទៅក្នុងអាវ ហើយហុចមកឱ្យនាងវិញនូវត្បូងថ្មដែលឆ្លាក់យ៉ាងស្រស់ស្អាតមួយ។

សំឡេងគាត់ធ្វើឱ្យនាងពិភាល់៖ «យកទៅអ្នកស្រីតូច! ការពារខ្លួន! ជីវិតនិង ផ្លូវខាងមុខមិនរលូនទេ!»
ជាមួយការងឿងឆ្ងល់ ម៉ី ឡាន ក៏ទទួលយកជាមួយសមានចិត្តដឹងគុណដោយមិនដឹងខ្លួនថា ជោគវាសនាដ៏អាក្រក់ដែលលាក់បង្កប់នៅក្នុងគ្រួសារវ៉ាងរបស់នាងជាអ្វីទាំងអស់។

នៅពេលនាងត្រលប់មកផ្ទះវិញ ការផ្លាស់ប្តូរដ៏គួរឱ្យភ័យខ្លាចចាប់ផ្តើម ហើយអ្នកស្តាប់នឹងបានស្រាយអាថ៌កំបាំងដែលលាក់ទុកយ៉ាងជិតច្រើនជំនាន់មកហើយក្នុងរបស់គ្រួសារប្តីនាង។
«គេថា អ្នកណាក្តី រៀបការចូលគ្រួសារនេះ តែងតែស្លាប់ បាត់ខ្លួន ឬជំងឺយាយីណាកូន!» សំណោកម្តាយចាស់ពីស្រុកកំណើតនៅតែលាន់រងំមក ទោះនាងយល់ថា ស្វាមីនាងនិងអ្នកផ្ទះមិនកំណាចដូចជាជាក្យចចាមអារាមក្តី។

តស់ មកសាកស្លុងជាមួយភាពប៉ិនប្រសប់ក្នុងការនិទានរឿងផ្ទាល់ៗគ្មានអត្ថបទ របស់អ្នកនិពន្ធ ម៉ី សនសុធារី ដែលចែងចាំងនៅក្នុងការងារចុងក្រោយនេះ បង្កប់គ្រប់ប្រយោគ ពិរោះ លាយឡំអាថ៌កំបាំង ភាពស្រពិចស្រពិល នៃលំនាំសាច់រឿងពិបាកទាយដឹង ក៏ដូចជាមកត្រងត្រាប់យកខ្លឹមសារវប្បធម៌ដ៏ជ្រាលជ្រៅមួយគួរឱ្យចង់ស្វែងយល់ ។

ចូល YouTube @meysansothearyOfficial នឹងទទួលបានបទពិសោធន៍នៃអារម្មណ៍រីករាយជុំគ្រួសារស្តាប់រឿងនិទាន ដោយអ្នកស្រី ម៉ីសន សុធារី ផ្ទាល់ ។

សម្រាប់ការសាកសួរ ព័ត៌មានបន្ថែម សូមទាក់ទង Telegram : https://t.me/mstwriterallseason / t.me/RaksmeyMeth

តាមរយៈសៀវភៅជំរុញទឹកចិត្តមួយក្បាលនេះ អ្នកនិពន្ធបានរំលេចពីជំនាញទន់ ចំណេះដឹងសំខាន់ៗ ក៏ដូចជាការចែករំលែក និងទស្សនៈ ដែលសុទ្ធសឹងតែមានសក្តានុពលដល់ដំណើរជីវិត មិនថាការសម្រេចចិត្ត ឬកិច្ចការអ្វីមួយ។ ទន្ទឹមនេះ អ្នកនិពន្ធ ក៏មានចេតនាក្នុងការជំរុញទស្សនៈរបស់អ្នកអាន ដើម្បីជួយស្វែងរកគុណតម្លៃរបស់បុគ្គល ឈានឆ្ពោះទៅភាពជោគជ័យផងដែរ។

គួរជម្រាបថា សម្រាប់អ្នកដែលមានបំណងចង់បាន សៀវភៅជំរុញទឹកចិត្តថ្មីរបស់អ្នកនិពន្ធ មុីសន សុធារី មួយក្បាលនេះ អាចធ្វើការកក់ តាមរយៈផេកអ្នកនិពន្ធផ្ទាល់ ចាប់ពីថ្ងៃប្រកាសនេះ ពោលគឺចាប់ពីថ្ងៃទី០២ ខែកុម្ភៈ ឆ្នាំ២០៤ រហូតដល់ថ្ងៃបិទទទួលការកក់៕

តាមរយៈអត្ថន័យដ៏មានសក្តានុពលដល់ដំណើរជីវិត ពីសៀវភៅត្រៀមចេញក្បាលនេះ អ្នកនិពន្ធបានរំលេចពីកត្តាមួយចំនួន ដែលបាននិងកំពុងពង្វក់ចិត្តគំនិតយុវវ័យ ឱ្យជឿស្លុងលើអ្វីដែលថា “នាំទៅរកភាពជោគជ័យ” ដោយរៀបរាប់ថា “ជំនាញទន់ជាជំនាញធំ និងចាំបាច់ ហើយការសិក្សាបន្ថែមជានិច្ច ជាសិល្បៈនៃការរស់នៅ របស់ជនដែលមានផ្នត់គំនិតស៊ីវិល័យ បានជាយើងឃើញបុគ្គលឆ្លៀតឱកាសមួយចំនួន ប្រើថ្វីមាត់លេងប៉ាហ៊ី បោកប្រាស់សិស្ស-និស្សិត ដែលស្រេកឃ្លានជំនាញទន់ ហើយទៅបង់ប្រាក់អង្គុយស្តាប់ ថែមទាំងខ្លះដើរតាម ដល់ចាញ់បោកអស់ស្រែចម្ការឪពុកម្តាយផងក៏មាន”។

ពាក់ព័ន្ធនឹងការលើកឡើងនេះ អ្នកនិពន្ធ ក៏បានគូសបញ្ជាក់ ពីភាពខុសគ្នាខ្លាំង រវាងអ្នកដែលនិយាយបានល្អ និងអ្នកដែលដឹកនាំបានល្អ ដូច្នេះថា “បុគ្គលលក់សម្តីនៅសាធារណៈ មិនប្រាកដថាជាមេដឹកនាំល្អទេ។ ទ្រឹស្តីនឹងការអនុវត្ត គួរដើរទន្ទឹមគ្នា តែចៃដន្យអី មនុស្សដែលពូកែអនុវត្តភាគច្រើនមិនពូកែអួតបង្ហាញ។ ដូចនេះ អ្នកអាន គួរចេះកត់សម្គាល់ភាពខុសគ្នា រវាងអ្នកដែលនិយាយបានល្អលើឆាក និងអ្នកដែលអាចមានឥទ្ធិពលពិតប្រាកដ លើផ្នត់គំនិតវិជ្ជមានរបស់យើង មុនពេលសម្រេចចិត្តយកអ្នកណាម្នាក់ជាគ្រូឬដើរតាម”។

លើសពីនេះ អ្នកនិពន្ធ មានចេតនាចម្បងក្នុងការជំរុញទស្សនៈរបស់អ្នកអាន ដើម្បីជួយស្វែងរកគុណតម្លៃរបស់បុគ្គល ឈានឆ្ពោះទៅភាពជោគជ័យ ដោយបង្ហាញទស្សនៈផ្ទាល់ខ្លួនថា “សម្រាប់ខ្ញុំ សំខាន់ណាស់ក្នុងការស្វែងរកតុល្យភាព រវាងមហិច្ឆតា និងការផ្តោតអារម្មណ៍។ ព្រោះការផ្តោតអារម្មណ៍ ជាសិល្បៈមួយដ៏មាន​សារៈសំខាន់ លើគ្រប់បែបផែនអាជីពវិជ្ជាជីវៈ។ នៅពេលអារម្មណ៍ហោះហើរ យើង​អាចទាញខ្លួនឯងមកវិញ​ គឺ​កំពុង​ធ្វើបានល្អបំផុតក្នុងការ​ឆ្ពោះទៅរកភាពជោគជ័យ តាមរយៈការ​បង្កើនប្រសិទ្ធភាព និងកែលម្អលទ្ធផល​ការងារ រួមទាំងកសាងបុគ្គលិកលក្ខណៈរឹងមាំឱ្យយើងខ្លួនឯង” ដែលនេះជាផ្នែកមួយនៃសៀវភៅ «ធ្វើឱ្យអស់ពីសមត្ថភាព»។

ជាក់ស្តែង សូម្បីតែសហគ្រិនជោគជ័យ និងក្រុមហ៊ុនយក្សក្នុងឧស្សាហកម្មពិភពលោក ​ដូចជាលោក Warren Buffet លោក​ Steve Jobs សេដ្ឋី Bill Gates ក៏ជាបុគ្គលដែលសង្កត់ធ្ងន់លើសារៈសំខាន់ នៃការផ្តោតលើរឿងតែមួយ ក្នុងពេលនីមួយៗផងដែរ។ សេដ្ឋី Bill Gates និយាយថា «ប្រសិនបុគ្គលផ្តោតបានល្អលើរឿងអ្វីតែមួយ យើង​អាចលះបង់ពេលវេលា ធនធាន និងថាមពលទាំងអស់ធ្វើជាម្ចាស់លើគម្រោងការនោះ ហើយជោគជ័យក៏មាន​ភាគរយច្រើន»។

គួរបញ្ជាក់ថា ខែក្រោយនេះ ពោលគឺអំឡុងខែកុម្ភៈ ឆ្នាំ២០២៤ សៀវភៅជំរុញទឹកចិត្តថ្មីរបស់អ្នកនិពន្ធ មុីសន សុធារី «ធ្វើឱ្យអស់ពីសមត្ថភាព» នឹងទទួលការបញ្ជាទិញហើយ។ សម្រាប់អ្នកចង់បានសៀវភៅនេះ អាចទំនាក់ទំនងក្រុមការងារអ្នកនិពន្ធផ្ទាល់ ឬតាមរយៈផេកតម្រា នៅថ្ងៃដែលប្រកាសទទួលការកក់បាន៕

ក្នុងចំណោមនោះ កញ្ញា ទឹម សុភាព អាចចាត់ទុកបានថា ជាអ្នកគាំទ្រមួយរូប ដែលតែងចំណាយ​ពេលវេលា ផ្ញើសារបង្ហាញពីចំណាប់អារម្មណ៍ផ្ទាល់ខ្លួន មកកាន់អ្នកនិពន្ធ។ ថ្មីៗនេះដែរ កញ្ញាក៏បានលើកជាសំណូមពរមួយ ផងដែរ ដោយចង់មើលឃើញ កម្ពុជា មានសាច់រឿងពាក់ព័ន្ធនឹងវិស័យច្បាប់ និងការដោះស្រាយក្តី មិនថាជា ប្រលោមលោក ឬផលិតជាភាពយន្ត តាមរយៈស្នាដៃនិពន្ធ មុីសន សុធារី ។

តាមរយៈសំណេរដែលផ្ញើមកកាន់ ក្រុមការងារអ្នកនិពន្ធ មុីសន សុធារី កញ្ញា ទឹម សុភាព បានរៀបរាប់ថា “ខ្ញុំពិតជាភ្ញាក់ផ្អើល និងកោតសរសើរចំពោះស្នាដៃនីមួយៗណាស់ ជាពិសេសរឿងអធិរាជបេះដូង។ ខ្ញុំសរសេរសារទៅនេះ ព្រោះមានសំណូមពរមួយ ដែលសង្ឃឹមថា ថ្ងៃណាមួយ បងអាចនឹងសរសេររឿងនេះ (ទោះបីសង្ឃឹមបន្ដិចបន្ដួច ក៏ត្រូវតែសំណូមពរ) គឺរឿងពាក់ព័ន្ធនឹងវិស័យច្បាប់ ចៅក្រម មេធាវី និងការដោះស្រាយរឿងក្ដី។”។

អ្នកគាំទ្ររូបនេះ បន្តថា ក្រៅពីប្រលោមលោក រឿងប្រភេទនេះ គួរតែមានថតជាខ្សែភាគយន្ដចាក់ផ្សាយទៀត កាន់តែប្រសើរ។ កញ្ញាលើកឡើងបែបនេះ ក៏ព្រោះតែយល់ឃើញថា ភាគយន្ដខ្មែរភាគច្រើន មិនបានចាក់បញ្ចាំង អំពីខ្សែភាគយន្ដពាក់ព័ន្ធនឹងវិស័យច្បាប់ ក៏ដូចជាការដោះស្រាយក្តីប៉ុន្មានឡើយ។

បើតាមកញ្ញា ទឹម សុភាព ថ្វីបើនេះគ្រាន់តែជាសំណូមពរ ប៉ុន្ដែបើសិនជាការសំណូមពរអាចទៅរួចមែន វាគឺជារឿងមួយដ៏គួរឱ្យត្រេកអរ សម្រាប់កញ្ញាផ្ទាល់។ ម្យ៉ាង ក្នុងនាមជាអ្នករៀនច្បាប់ និងបម្រើការ ក្នុងវិស័យច្បាប់ស្រាប់ផង កញ្ញាពិតជាចង់មើលរឿងខ្មែរប្រភេទនេះ ត្រូវបានផលិត។

គួររំលឹកថា អធិរាជបេះដូង ជាសាច់រឿងប្រលោមលោកមួយ ដែលរៀបរាប់ពី និស្សិតខ្មែរ ២រូប បានជួបគ្នា នៅប្រទេសតួកគី ទីក្រុងអុីស្តង់ប៊ុល ក្នុងពេលដែលស្ថានភាពនៅទីនោះ កំពុងមានកូបកម្មកើតឡើង និងរឿងរ៉ាវ ជាច្រើនផ្សេងទៀត។ ប្រលោមលោកដ៏ល្បីជាង ៩០០ទំព័រនេះ (២ភាគ) ជាស្នាដៃនិពន្ធរបស់ អ្នកនិពន្ធ មុីសន សុធារី ក្នុងឆ្នាំ២០១៧ ហើយបច្ចុប្បន្ន រឿងនេះ កំពុងទទួលបានការចាប់អារម្មណ៍ខ្លាំង ពីមិត្តអ្នកអាន ទាំងក្នុងវេបសាយ meysansotheary.com និងសៀវភៅ ៕