ការវិនិយោគ ឬបណ្តាក់ទុនក្នុងពិភពបញ្ញា និយាយជារួមភាសាខ្មែរ ហៅថា «ការងារតែងនិពន្ធ» គឺជាអ្វីដែលកំពុងពេញនិយម និងជំរុញទឹកចិត្តក្នុងមជ្ឈដ្ឋានទូទៅ។
ការគិតបែបវេទមន្តនៃចលនាគំនិតដែលពេញលេញទៅដោយសេរីភាព និងគុណតម្លៃ គឺជាអាជីពដែលមនុស្សជំនាន់ក្រោយរំភើបក្នុងការចាប់យក ព្រោះអាចជួយឲ្យពួកគេបានបញ្ចេញទស្សនៈប្រកបដោយសិល្បៈច្នៃប្រឌិត ក៏ដូចជាបង្ហាញនូវសមត្ថភាពពិត កម្រិតនៃការស្រាវជ្រាវ និងទេពកោសល្យរបស់ខ្លួន។
មនុស្សជាច្រើនដែលខ្ញុំជួប និយាយថា គេចង់ក្លាយជាអ្នកនិពន្ធ ហោចណាស់ក៏និយាយថា ខ្ញុំចង់មានសៀវភៅមួយដែលសរសេរអំពីអ្វីម្យ៉ាងចែករំលែកដល់មនុស្សជំនាន់ក្រោយ ឬអ្នកទីបីដែលនិយាយថា ក្នុងមួយជីវិតយើង គួរបានសរសេរសៀវភៅមួយទុក។
