ស្រលាញ់បងជ្រៅជាងសមុទ្រ បង្កប់នូវតម្លៃជីវិតមិនមែនប្រភេទម៉ាហ្វៀ​រ៉ូមេនស៍ទេ!

បញ្ជាក់ច្បាស់ៗ អ្នកនិពន្ធបានពន្យល់ថា ខ្សែរឿងនេះដំបូងឡើយហាក់ដូចជាតក់ក្រហល់ ឈុតឆាកបង្កើតបញ្ហា​ផ្ទួនៗ រហូតទាល់តែអ្នកអានមិនច្បាស់ពីតួអង្គឯកថា មានប៉ុន្មានគូ ប៉ុន្តែការលាតត្រដាងនៃតួអង្គនីមួយៗចាប់ផ្តើមឡើងរហ័សដែរទេ។

ក្នងប្រលោមលោកថ្មីបំផុត​របស់ខ្លួន ក្រោមចំណងជើងថា​ ស្រលាញ់បងជ្រៅជាងសមុទ្រនេះ​អ្នកនិពន្ធគូសបញ្ជាក់ថា តួអង្គ​ម្នាក់ៗ ចេញមកមានស្ពាយ​កំហុស​មួយជាមួយហេតុផលរៀងៗខ្លួន។ «បញ្ហា​នឹងជ្រៅ ហើយដែលខ្ញុំ​បានគូសបញ្ជាក់យ៉ាងច្បាស់ពីដំបូង គឺ​ទាក់ទិននឹងក្រុមមួយរកស៊ីមិនសូវត្រូវច្បាប់ ហើយស្អប់ប៉ូលីស។

«មិនមែន​ជា ខ្សែ Mafia Romance និងគ្មានឈុតរួមភេទទេ!​»

អ្នកនិពន្ធបន្ថែមទៀតថា ខ្ញុំឆ្លុះបញ្ចាំងអំពី​កាតព្វកិច្ចរបស់គ្រួសារនិង បេះដូង​។ មនុស្សចិញ្ចឹមជីវិតដោយឈាម​រត់ក្នុងបេះដូងពួកគេ ស្នេហាតែងតែមាន​កើតឡើង ទោះបីជាក្នុងទម្រង់ផ្សេងៗគ្នា។

បិសាចទឹកដែលនាង​ដាក់ងារ គេ​ជាតួប្រុសដែល​មាន​ទម្លាប់រស់នៅបេះដូងត្រជាក់ដូចទឹកកក។ គេមិនដឹងផងថា ស្នេហាចាំបាច់អីទៅ សម្រាប់ការរស់នៅរបស់មនុស្ស​​ប៉ុន្តែ នៅ​ថ្ងៃមួយដែលគេចេះស្រលាញ់ គេបានស្រលាញ់លើសពីមនុស្សប្រុសដទៃធ្លាប់ធ្វើ។

ការស្រលាញ់តែម្យ៉ាងមិនគ្រប់ទេ ដូចយូស៊ូស្រលាញ់ភណ្ឌរ៉ា ហើយចន្ទនីយ៉ាស្រលាញ់យូស៊ូ។ តម្លៃនៃការប្រយុទ្ធនិងស៊ូទ្រាំដើម្បីស្នេហា រវាងបុគ្គលដែលមានគម្លាតគ្នា ស្នេហាដែលមិនសមហេតុផល ការជំនៈចិត្ត​អាត្មានិយម​ ការលះបង់ ទាំងនេះជា​ចំណោទបង្កើតឡើងនូវលទ្ធផលចុងក្រោយសម្រាប់ជីវិតពួកគេ។

សម្រាប់ ការលះបង់យ៉ាងម៉ឺងម៉ាត់ពេក​ ជួនកាលអាចជាកំហុស ជាពិសេសចំពោះឥន្ត្រាដែលគិតគ្រួសារជាងខ្លួនឯង ​គិតមនុស្សដទៃជាសំខាន់​ អ្នកអានអាណិតគេ មិនជឿថា នៅក្រៅប្រលោមលោកនិងមានមនុស្ស​ប្រភេទនេះ ប៉ុន្តែ ក៏ជាកម្លាំងគួរឱ្យកោតសរសើរ​ជាស្មារតី​សុទិដ្ឋិនិយម ជា​កម្លាំង​រុញច្រាន​ដ៏​សំខាន់​មួយ​ក្នុង​ការ​បង្កើត និង​បំបែកវិញ្ញាសារក្នុងជីវិត ​។

សម្រាប់នីយ៉ា ឥន្ត្រាជាបុរសម្នាក់ពីដំបូងនាង​ស្អប់ខ្លាំង ចំពោះភាពចម្លែករបស់គេ និងការរស់នៅឯកោ ដែលផ្តាច់ការ។ គេមានមនុស្សស្រីជាច្រើនលើគ្រែរបស់គេ តែគេ​មាន​ក្រមសីលធម៌ រក្សាភាពស្មោះត្រង់អស់ពីសមត្ថភាពសម្រាប់នាង។
ដោយសារ​តែ​ការ​ជឿជាក់​ចំពោះ​ភាព​ស្មោះ​ត្រង់​ក្នុង​ខ្លួន គេ​បាន​ធ្វើ​សង្គ្រាម​ប្រឆាំង​នឹង​ចិត្តស្នេហា​​របស់​គេលើសង្សារប្អូនប្រុស​ ដូច្នេះហើយ​បានជាគេ​​លះបង់​សេចក្ដី​ស្រឡាញ់ដំបូង​​ក្នុង​ជីវិត​នេះ​ឱ្យទៅយូស៊ូ រហូតដល់ថ្ងៃមួយដែលគេបានឃើញថា យូស៊ូស្រលាញ់ខ្លួនឯងជាងស្រលាញ់នីយ៉ា…..

អត្ថបទក្រោយទៀត នឹង​ពន្យល់ពី​របៀប​ដែលអ្នកនិពន្ធកសាងចរិតជាកំពូលបុរសឱ្យតួប្រុស…

ចុចអានក្នុងរឿង ស្រលាញ់បងជ្រៅជាងសមុទ្រ​ (Premiumចាប់ពី វគ្គទីបីឡើង)

អត្ថបទ គន្លឹះបង្កើត Action Scene ក្នុងប្រលោមលោក