Menu

រឿង៖ ម៉ានីយ៉ា

ម៉ោងពីររំលងអធ្រាត្រ គេបើកឡានបែកពីពួកម៉ាកចេញពីក្លឹបមក....គេជិះទាំងស្រវឹងស្រឿងៗ ស្រាប់តែទេសកាលអីឡានមកឈប់ង៉ឺតនៅមុខផ្ទះរបស់សិទ្ធិធ្វើឱ្យគេដឹងខ្លួនមកវិញភ័យញ័រចំប្រប់។
«ខ្ញុំមិនជឿទេតារា! ឯងដឹងថាខ្ញុំជិតការ ឯងចង់មកបំបែកខ្ញុំ! ព្រោះឯងច្រណែនខ្ញុំដែលបានមនុស្សស្រីល្អដូចអាយ៉ា! ច្រើនឆ្នាំហើយឯងនៅមិនចោលគំនិតចង់បានម៉ានីយ៉ាទៀត! ឯងបង្ខំយកមនុស្សដែលមិនស្រលាញ់ឯង តើមានន័យទេ?»
«ស្រីស្អាតយកវាទៅប្រើត្រូវប្រយ័ត្ន វាគ្មានក្លិនគ្មានពណ៌ តែវាខ្លាចស្លឹកឈើពណ៌បៃតងណាស់ បើវាប៉ះកាលណា វាបញ្ចេញជាតិពុលរបស់វាឱ្យឃើញមិនខាន! ត្រូវប្រយ័ត្ន!»
«ក្មេងស្រីនោះរត់ចោលផ្ទះ?» «ត្រូវហើយ! វាខឹងពុកវាដែលប្រុងរៀបការប្រពន្ធក្រោយ!» «ចុះម៉េចក៏លោកនាយកដឹងថានាងមកសាកលវិទ្យាល័យ! ពេលនេះវ៉ាកង!?» «មានគេឃើញនាងក្រវែលម្ដុំនេះឱ្យដំណឹងទៅប៉ានាង! គាត់នាំគ្នាមករកតែរកមិនឃើញក៏តេមកឱ្យយើងជួយរកមើលខ្លាចនាងពួនក្នុងថ្នាក់ ព្រោះនាងគ្មានញាតិឯណាទេ! សួរគ្រប់មិត្តភក្ដិក៏អត់ដឹង! ប៉ានាងអ្នកធំផង!»
......នាឡិកាបង្ហាញម៉ោង១២យប់ហើយ..... នាងទើបបានក្រោកឡើងយឺតៗពីអាងត្រាំខ្លួន។ ដោយទម្រេតទៅលើប៉ៅអ៊ីបង្អែកនៅមុខរានហាលជាន់ទីមួយ។ នាងទាញរ៉ូបវែងពណ៌កុលាបដ៏ទន់រលោងមកស្រោបកាយពីក្រៅ។ វាគ្មានលក្ខណៈកាន់ទុក្ខអ្វីសម្រាប់បញ្ឆោតភ្នែកអ្នកផងទៀតនោះឡើយ។
តារាដើរមួយៗចូលមកទាំងទឹកមុខម៉ឺងម៉ាត់ធ្វើឱ្យម៉ានីយ៉ាភ័យថយទៅផ្អែករកដើមឈើ។ «ព្រោះខ្ញុំគ្មានថ្ងៃឱ្យនាងក្លាយជាប្រពន្ធអាសិទ្ធិទេម៉ានីយ៉ា!» គេនិយាយច្បាស់ៗ។ «ឈប់មានះទៅតារា! កាលនៅរៀនក៏អ៊ីចឹង ឥឡូវក៏អ៊ីចឹងមិនចោលមារយាទទ្រុស្តមិត្តសោះ?»
«តែគ្នាបានទៅសួរលេខាឯងនិងកូនចៅឯងហើយ! គ្មានអ្នកធ្លាប់ឃើញអ្នកនាងភីតាទៅរកឯងទេ!» ដល់ពេលដែលម៉ានីយ៉ាធ្វើមុខង៉េមង៉ាម។ ក្នុងរវាងពីរនាក់នេះច្បាស់ជាមានម្នាក់ដែលនិយាយពាក្យមិនពិត។ នាងមិនអាចរកម្នាក់នោះឃើញក្នុងចំណោមពួកគេដាច់ខាត
ម៉ានីយ៉ាងឿងឆ្ងល់នាងចងចិញ្ចើម៖ «ហួសចិត្តអីទៅៗស្នេហាជារឿងធម្មតាតើ! គេស្រលាញ់មនុស្សម្នាក់ស្មោះ តារាឯងហួសចិត្ត?» «តែវាទៅធ្វើឡប់ៗ វាចង់ស្រលាញ់តែស្រីអ្នកមាន អាហ្នឹងតាំងពីក្មេងមកមិនកែចរិតអាយ៉ាឯងហៅវាថាពូគីង្គក់ចង់ស៊ីសាច់ក្ងានហើយ វានៅមិនដឹងខ្លួនទៀត»
មេឃងងឹតហើយ.... ជាពេលដែលមានីយ៉ាប្រមូលអារម្មណ៍ត្រលប់មករកការពិតក្នុងពេលបច្ចុប្បន្នវិញ។ យូរណាស់ហើយសិទ្ធិនៅតែមិនបានបង្ហាញខ្លួននៅឡើយទេ។ នាងរេភ្នែកមើលជុំវិញសួន។ ក្រៅពីក្រុមអ្នកហាត់ប្រាណ នាងឃើញគូស្នេហ៍ជាច្រើនអង្គុយក្បែរៗម៉ូតូរបស់ពួកគេ ហើយសាសងវាចាផ្អែមល្ហែម។ សាជាថ្មី នាងញញឹមត្រេកអររីករាយជំនួសពួកគេ។
ខែធ្នូ ឆ្នាំ២០០៦ មេឃត្រជាក់ដល់ឆ្អឹង....មិនចម្លែកទេព្រោះនេះជាខែរងា។ ....វាប្រាកដណាស់ ថាយុវវ័យដែលគ្មានគូនឹងកណ្ដោចកណ្ដែងបំផុតនៅក្នុងខែនេះ.....ប៉ុន្តែ....មិនមែនទាំងអស់ទេ....
បន្ថែមទៀត

Meysansotheary © 2024.