រឿង សុំទោសសង្សារ ព្រីមៀម

ស្នេហាមួយដែលមានន័យសម្រាប់ជីវិត….

អ្នកណាខ្លះជឿលើឧបនិស្ស័យ?

សម្រាប់ខ្ញុំ កាលពីមុននិស្ស័យអាចថា ជារឿងប្រឌិតបំភាន់ភ្នែកនៅក្នុងសៀវភៅប្រលោមលោកមនុស្សវ័យជំទង់… រហូតដល់ថ្ងៃមួយដែលរឿងនេះបានកើតឡើងចំពោះខ្ញុំផ្ទាល់ទើបខ្ញុំ…

នារីនេះកូនអ្នកមានអីមើលទៅដូចកណ្ដុរលង់ទឹកស្បែកជើងក៏គ្មាន មុខមើលទៅខ្លាចៗអីចឹង។

ខាងលីនខំញញឹមបន្លប់ភាពស្រឡាំងកាំងរបស់ខ្លួន ព្រោះនាងមិនធ្លាប់ដឹងទេថាមានមនុស្សមករស់នៅក្នុងផ្ទះតូចមួយបែបនេះ ទោះបីនាងប្រឹងបង្ហាញស្នាមញញឹមលើបបូរមាត់ក្រហមរបស់នាងប៉ុន្តែមិនាមិនអាចទប់កែវភ្នែកដែលមានសំណួរជាច្រើនអណ្តែតត្រសែតមកជាបន្តបន្ទាប់ឡើង ស្រីតូចនៅឈរទ្រមឹងដកភ្នែកពីស្រីស្អាតមើលមកបងវិញម្ដង។ សុខៈងក់ក្បាលចង់ប្រាប់ថាឥឡូវចូលក្នុងសិនមិនបាច់និយាយអ្វីច្រើនទេ នាងយល់ការណ៍ក៏អញ្ញើញភ្ញៀវចូលក្នុងផ្ទះ។

នៅពេលលីនចូលទៅដល់ក្នុងផ្ទះនេះមានបន្ទប់ទទួលភ្ញៀវតូច មានសាឡុងមួយចាស់ និងមានតុបាយមួយនៅក្បែរនោះគឺចង្អៀតមែនទែន ដើរស្រួលមិនស្រួលអាចប៉ះទាំងសាឡុងប៉ះទាំងតុ។

មើលពីនេះទៅលីនឃើញមានទ្វារបន្ទប់ពីរទៀតហើយនៅក្នុងទ្វារបន្ទប់ចំហមួយនោះនាងមានអារម្មណ៍ថាជាបន្ទប់ខាងស្រី ដោយសារឃើញមានវាំងននបាំងពណ៌ផ្កាឈូកបន្ទាប់មកឃើញមានក្មេងស្រីអាយុប្រហែលដប់ឆ្នាំម្នាក់សក់វែងអន្លាយដើរចេញមក មិនទាន់បានអីផងស្រាប់តែក្មេងនេះបើកភ្នែកធំៗសម្លឹងនាងគ្រលួងៗ។

ស្ងាត់! ស្ងាត់ឈឹង! គ្មាននរណាម្នាក់និយាយអ្វីទេ….

ឆាប់ៗនេះ