“ហង្សៈ” ម្រមូលផ្ដុំដោយអ្នកនិពន្ធប្រុស-ស្រី សាងស្នាដៃក្នុងក្រុមតែមួយ

ហង្សៈជាក្រុមអ្នកនិពន្ធវ័យក្មេងដែលម្រមូលផ្ដុំទៅដោយយុវជន- យុវនារី បញ្ចេញស្នាដៃរួមគ្នាលើវេបសាយឌីជីថល​meysansotheary.com ហើយមកទល់ពេលនេះមានសមាជិក ១០ រូប។

ក្រុមហង្សៈបាន​បង្កើតឡើងនៅថ្ងៃ ២៧ ខែកញ្ញា ឆ្នាំ ២០២១ ក្រោមការបង្ហាត់បង្រៀន​ដោយ​អ្នកនិពន្ធ​ម៉ីសន សុធារី ក្នុងរដូវកាលទី១ ក្រោមប្រធានបទថ្មី «អ្នកនិពន្ធក្រៅសាលា» ព្រមទាំងបញ្ចេញបាននូវស្នាដៃរៀងៗខ្លួនក្រោយបញ្ចប់ការសិក្សា។

១ ជី សុធារី នាម​ប៉ាកកា ស្លឹកឈើជ្រុះ

រឿង “ស្នេហ៍មិត្ត” ជាស្នាដៃលើកដំបូងរបស់នាងដែលបានចូលសាកល្បងក្នុងការនិពន្ធ។ នាង​ក៏​សង្ឃឹម​ថា​រឿង​មួយ​នេះជា​កម្លាំងចិត្ត​ដែល​អាច​ធ្វើឲ្យ​កវីស្រីបន្តដើរទៅមុខ​បានលើវិស្ស័យមួយ​នេះបានផងដែរ។

២ ម៉ក់ ខេមរិន្រ្ទ នាម​ប៉ាកកា ជលធី

ស្នាដៃទីមួយរឿង “នរណាកំណត់?” ជាប្រភេទរឿងអប់រំជីវិតដែលកវីម៉ក់ ខេមរិន្រ្ទ បញ្ចេញសា្នដៃក្នុង​កម្មវិធី MST រដូវកាលទីមួយ។

៣ រ៉េត សុភ័ក្រ

ម្ចាស់ស្នាដៃ “និទ្ទេស​មិនល្អ” ដោយសារតែការចូលចិត្តអានសៀវភៅតាំងពីតូចមក វាបាន​ជំរុញ​ឲ្យរូបគេ​ក្លាយជា​មនុស្សម្នាក់​ចូលចិត្ត​សរសេរ​ហើយ​ចង់​កែប្រែ​ខ្លួនឯង​ពី​អ្នកអាន​ទៅ​ជា​អ្នក​សរសេរ។ កន្លង​សុភ័ក្រ​ធ្លាប់​សរសេរ​ជា​អត្ថបទ​បែប​លើកទឹកចិត្ត រឿងនិទានកុមារ ប្រលោមលោក និង​អត្ថបទ​ខ្លីៗ​បែប​អប់រំ​ជា​ច្រើន​ទៀត។

៤ គុង ឈឹងគិន នាម​ប៉ាកកាក វីជើងព្រៃ

គុង ឈឹងគិន ជាមិនត្រឹមជាម្ចាស់​ស្នាដៃ​ប្រលោមលោក “ទាហានស្រី” នោះទេ តែរូបគេក៏ជាកវី​ស្មូត​កំណាព្យ​យ៉ាង​ពីរោះ​រណ្ដំ​ម្នាក់​ផង​ដែរ។

៥ កូយ សុខគង់ នាម​ប៉ាកកា សីទន្ត

អ្នកនិពន្ធរូបនេះចូលចិត្តសរសេរតាំងពីចប់ថ្នាក់ទី១២ម្ល៉េះ ស្នាដៃធ្លាប់សរសេរពីមុនមាន ទ្រនំសុភមង្គល, ស្នាដៃដែលចេញផ្សាយលើកដំបូងគឺ “រឿងម្លិះ៧ទង” លើវេបសាយឌីជីថល ម៉ីសន សុធារី ។ ប្រលោមលោកខ្នាតខ្លី រឿងម្លិះ៧ទង ចង់បង្ហាញស្នាដៃក្នុងនាមជាកូនខ្មែរម្នាក់ដែលមានបំណងចង់លើកស្ទួយវិស័យអក្សរសិល្ប៍ជាតិឲ្យបានខ្ពង់ខ្ពស់ឡើង ឯសាច់រឿងនេះទៀតសោតនិយាយពី ការតស៊ូរវាងសភាវៈអាក្រក់ហើយនិងសភាវៈល្អ កត្តញ្ញូជាឫសគល់នៃកុសលធម៌ ។

៦ ហោ សុជាតា នាម​ប៉ាកកា​ ចាស្មីន

នាង​ចូលចិត្តសរសេររឿងតាំងពីនៅរៀននៅអនុវិទ្យាល័យ ​ពេលនោះ​សរសេរ​រឿង​កំប្លែង​ខ្លីៗ​ប៉ុណ្ណោះ។ ក្រោយ​មក​ទើប​រូប​គេ​មាន​ឱកាស​បញ្ចេញ​ស្នាដៃ​កម្មវិធី MST Writer ទី ១ ក្រោម​ចំណងជើង​ថា​ “កញ្ចាក់​ខ្មោច”។

៧ អុឹង ឆាយលី នាមប៉ាកកា អ្នកនិពន្ធ គំនិតខ្ចី 

ប្រលោមលោក ក្បាលគីបជាសា្នដៃទី៤ របស់កវីក្មេងខ្ចីអុឹង ឆាយលី ក្នុងកម្មវិធី MST writer រដូវកាលទី១ ។

៨ រត្ន ឆារ៉ានន់ នាម​ប៉ាកកា សុបិន

មិនត្រឹមជាម្ចាស់ស្នាដៃរឿង “វិប្បដិសារី” នោះទេតែ រត្ន័ ឆារ៉ានន់ ដែលទទួលបាន​ជោគជ័យចូលក្នុងកម្រិតប្រលោមលោក Premium ដំបូងគេសម្រាប់អ្នកអាននៅ meysansotheary.com ក្រោមចំណងជើងថា «ភូមិគ្រឹះដែលខ្ញុំធ្វើការ»។

៩ វិញ ស៊ីណាត

វិញ ស៊ីណាត ជាកវីស្រករក្រោយនៃម្ចាស់ស្នាដៃរឿង “ស្នេហ៍ដំបូង”។

១០ ឡាត ឡង់ឌីនាម​ ប៉ាកកា ឡាត ឡង់ឌី

ម្ចាស់រឿង “បេះដូងកាមេរ៉ា” បញ្ចាក់យ៉ាងដូច្នោះថា នេះ​គឺស្នាដៃដំបូងបង្អស់របស់នាង ដែល​ចាត់ទុកជា​ការ​សាកល្បង​សមត្ថភាព​របស់​ខ្លួនឯង​លើ​ការ​តែង​និពន្ធ​៕

កញ្ញា គ្រាប់ជី

ចុចអាន៖អ្នកនិពន្ធវ័យក្មេង ១០ រូប ប្រមូលផ្ដុំគ្នាបញ្ចេញស្នាដៃក្នុងក្រុម “ឥន្ទ្រីយ៍”