អ្នកគ្រូ ឆេន សុខណេត​ បាននិយាយយ៉ាងដូច្នោះថា “បានជាខ្ញុំចូលរួមយុទ្ធនាការ១សែនអំណាន ដោយសារតែចង់ចូលរួមជួយលើកស្ទួយទៅដល់ការអាន ហើយម្យ៉ាងវិញទៀតការអានអាចជួយកាត់បន្ថយភាពស្រ្តេស អាចជួយឲ្យយើងកាន់តែមានការអភិវឌ្ឍន៍គំនិតថ្មីៗ អ្វីដែលកាន់តែពិសេសនោះគឺយើងមានភាពងាយស្រួលអាចអានប្រលោមលោក ឬអត្ថបទផ្សេងៗបានដោយគ្រាន់តែមានទូរសព្ទដៃ”។

បន្ថែមពីនេះទៀតសោទ គ្រូបង្រៀននៅភ្នំពេញរូបនេះ បានបញ្ចាក់យ៉ាងច្បាស់ៗថា យុទ្ធនាការ១សែនអំណាន មានអត្ថប្រយោជន៍សម្រាប់រូបនាង និងអ្នករួមអាជីពដទៃទៀតដូចជា ជួយជម្រុញឲ្យយើងចូលចិត្តការអានជាជាងចំណាយពេលអត់ប្រយោជន៍នៅពេលទំនេរ អាចជួយឲ្យយើងមានគំនិតថ្មីៗដើម្បីអភិវឌ្ឍន៍ខ្លួនឲ្យកាន់តែប្រសើរឡើងជាងមុន មានគំនិតច្រើននៅក្នុងការដោះស្រាយបញ្ហាពេលជួបបញ្ហាផ្សេងៗ ហើយអ្វីដែលកាន់តែពិសេសថែមទៀតនោះ ដូចទៅនឹងពាក្យមួយឃ្លាដែលតែងនិយាយ “អានច្រើនចេះក៏ច្រើន។

ជាចុងក្រោយ​ អ្នកគ្រូ​ ឆេន សុខណេត​ បានបញ្ចាក់ពីចំណង់ចំណូលចិត្តដែលរូបនាងនិយមចូលចិត្តការអាននៅលើវេបសាយ ម៉ីសន សុធារី ឬជាសៀវភៅថា នាងមានទម្លាប់អានសាច់រឿងបែបប្រលោមលោកមនោសញ្ចេតនា និងអត្ថបទលើកទឹកចិត្តផ្សេងៗ។ ដែលទាំងនោះ ជាជំនួយផ្នែកស្មារតីយ៉ាងច្រើនដល់នាងក្នុងនាមជាគ្រូនបង្រៀនមួយរូបផងដែរ៕

កញ្ញា គ្រាប់ជី

ចុចអាន៖ម៉ុល នូវ៉ែល ៖ យុទ្ធនាការ១សែនអំណាន ជាឱកាសដ៏វិសេស សម្រាប់អ្នកចូលចិត្តការអានឥតគិតថ្លៃ

ជាល់ សាំងគួយ បាននិយាយយ៉ាងដូច្នោះថា “បានជា​ប្អូនចូលរួម​យុទ្ធការ១សែនអំណាន​នេះ ​ព្រោះ​ប្អូន​ស្រឡាញ់​ការអាន ហើយការអានធ្វើ​ឱ្យ​បង្កើនចំណេះដឹង និងចង់​ឱ្យប្រជាជនកម្ពុជាងាក​មក​រក​ការអាន​ដូចប្អូនដែរ ដូចនេះ​ចូល​ផ្ដើម​ពី​យើង​មុនគេ “។

លើសពីនេះថែមទៀត កម្មការនីរូបនេះបានបញ្ចាក់ថែមទៀតថា យុទ្ធការ១សែនអំណានបានផ្តល់ប្រយោជន៍ជាច្រើន ទី១ អាចធ្វើឲ្យរូបនាងបាត់អផ្សុក ទី២ តម្លៃអប់រំក្នុងរឿងឱ្យយើងចេះគិតបាន​វែងឆ្ងាយ​ ទោះ​យើង​ស្ថិត​ក្នុងជីវភាព​បែបណាក៏​ដោយ វាប្រៀបដូចមិត្តល្អមួយដែលពុំអាចខ្វះបានឡើយ។

ជាមួយគ្នានេះផងដែរ ជាល់ សាំងគួយ  ក៏បានបញ្ចាក់ពីចំណង់ចំណូលចិត្តដែលខ្លួននាងនិយមចូលចិត្តអានលើវេបសាយរបស់អ្នកនិពន្ធ ម៉ីសន សុធារី ថា នាងពេញចិត្តខ្លាំងគឺរឿង​មាន​តម្លៃ​អប់រំ​ពី​ជីវិត​ស្ដែងពីជីវភាព​ប្រចាំថ្ងៃ។ ក្រោយបានអានហើយ ធ្វើឲ្យនាងមានការគិតបានល្អប្រសើរជាងមុន និងជាប្រទីបជួយបំភ្លឺផ្លូវនៅពេលណាដែលយើងមានចំណុចខ្វះខាតត្រង់កន្លែងណាមួយ។

លើសពីនេះទៀត​ កម្មការិនី ជាល់ សាំងគួយ ក៏បានផ្ដែផ្ដាំដល់កម្មការិនីផ្សេងទៀត សុទ្ធតែអាចមានសិទ្ធទទួលបានការអានដោយឥតគិតថ្លៃនេះដូចគ្នាផងដែរ៕

កញ្ញា គ្រាប់ជី

ចុចអាន៖ម៉ុល នូវ៉ែល ៖ យុទ្ធនាការ១សែនអំណាន ជាឱកាសដ៏វិសេស សម្រាប់អ្នកចូលចិត្តការអានឥតគិតថ្លៃ

កម្មការិនី ដែលបំពេញការងារនៅទីក្រុងភ្នំពេញរូបនេះ បានផ្ដល់​បទសម្ភាសន៍​តាមរយៈ​ប្រព័ន្ធ​តេលេក្រាម​ថា​ “នាង​ខ្ញុំយល់​ឃើញថា យុទ្ធនាការ១សែនអំណាន គឺពិតជាពិសេសនិងល្អសម្រាប់នាងខ្ញុំ ​ក្នុងការជួយ​ពង្រឹង​ការអាន​ឱ្យ​កាន់តែប្រសើរជាងមុន ហើយយុទ្ធនាការនេះ​ជា​ឱកាស​ដ៏​វិសេស​មែនទែន​សម្រាប់​បងប្អូន​ដែល​និយម​ចូលចិត្តអាន”។

ក្នុងនោះ​ផងដែរ ម៉ុល នូវ៉ែល ក៏សូមថ្លែងអំណរគុណ​ ដល់អ្នកនិពន្ធម៉ីសន សុធារី ​ដែល​បាន​បង្កើត​យុទ្ធនាការ១​សែន​អំណាន​ ដែល​ជាយុទ្ធនាការសំបូរ​ទៅ​ដោយ​រឿង​ចម្រុះ​ មិនថា​ជាប្រភេទ​ប្រលោមលោក​ បែប ​Action, ​ស៊ើបអង្កេត,​ ស្នេហា​ , លើក​ទឹកចិត្ត សុទ្ធ​តែមាន​នៅ​លើមាតិកា meysansotheary ទាំងអស់។

យ៉ាងណាមិញ នៅចុងក្រោយនេះដែរ ​កម្មការិនី នូវ៉ែល ក៏សូមផ្ដាំផ្ញើរ​ទៅកាន់អ្នកអានផ្សេងទៀត ជាពិសេស​មិន​ថា​កម្មករ​ ឬ​កម្មការិនី​សុទ្ធតែ​ទទួល​បាន​នូវ​សិទ្ធ​ពិសេស ​ដោយ​អាន​មិន​គិត​ថ្លៃ​លើ​វេបសាយឌីជីថលមួយនេះ​បាន​យ៉ាងងាយ។ ហើយនាង​ក៏​បន្តជួយ​ជំរុញ​ការ​អាន​ឱ្យ​កាន់តែទូលំទូលាយជាងនេះ សម្រាប់​មិត្តភ័ក្ដិ​ជា​កម្មការិនី​ដូចគ្នា និង​បងប្អូន​ក្រុមគ្រួសារ​ផងដែរ៕

កញ្ញា គ្រាប់ជី

ចុចអាន៖កម្មការិនី សូ ស្រីម៉ិច ប្រាប់គោលបំណង ៣ធំៗ ក្នុងការសម្រេចចិត្តចូលរួម យុទ្ធនាការ១សែនអំណាន

តាមរយៈ​បទសម្ភាសន៍​ជាមួយ​ក្រុមការងារ​កម្មការិនី​សូ ស្រីម៉ិច បាន​បញ្ជាក់​ឲ្យដឹងថា ​​”មូលហេតុទីមួយ ដែលធ្វើ​ឱ្យខ្ញុំ​សម្រេចចិត្តចូលរួម​ក្នុងយុទ្ធនាការ១សែនអំណាន ដោយសារ​ខ្ញុំចូលចិត្តអានសៀវភៅ នៅពេលដែលខ្ញុំមិន​សប្បាយចិត្ត សៀវភៅ​អាច​ជួយខ្ញុំ​បានច្រើន ធ្វើ​ឱ្យ​ខ្ញុំ​ចេះគិតពិចារណា ពីជីវិតនៅ​ក្នុង​សង្គម​បច្ចុប្បន្ន”។

ជាមួយគ្នានេះ​ដែរ​​ ​ស្រីម៉ិច បាននិយាយអំពីចំណុចបន្ទាប់ទៀតថា កម្មវិធី​នេះ​ផ្ដល់​អត្ថប្រយោជន៍​បាន​ច្រើន​ណាស់ដល់អ្នកអាន ដូចជា ធ្វើឱ្យ​យើង​យល់ដឹង​បានច្រើន​មានគំនិត​ថ្មីៗ​សំរាប់​យើងគិត​ពិចារណា ពេល​ដែល​យើង​ឯកា​សៀវភៅ​គឺ​ដូចជាមិត្ត​របស់​យើងចឹង ហើយវា​ឱ្យ​យើង​មាន​អារម្មណ៍​ស្ងប់​មាន​គំនិត​បញ្ញា​នឹង​ស្មារតី​រឹងមាំ។

ស្របពេលដែលចំណុចទី៣ កម្មការិនី សូ ស្រីម៉ិច បានបញ្ចាក់បន្កថែមទៀតថា នាង​មានទម្លាប់​ចូលចិត្ត​អាន​សៀវភៅ​បែប​មនោសញ្ចេតនា ស្នេហា បែប​បែកបាក់​ព្រាត់ប្រាស​គ្នា​យ៉ាងណា ប៉ុន្តែនៅចុង​បញ្ចប់​គឺ​នៅ​តែ​បាន​ជួប​គ្នា​វិញ​ គឺ​តែងតែ​កាន់​អាន​មិន​ជិនណាយ​នោះទេ។

ក្នុង​ពេល​ដែល​ឥលូវ​នេះ ​នាង​ក៏​ក្លាយ​ជា​សមាជិក​ក្រុម​អាន​មិន​គិត​ថ្លៃ​លើវេបសាយ meysansotheary​ វាជា​ឱកាស​ដ៏​កម្រ​មួយ ដែលនាងទទួលបានក្នុងយុទ្ធនាការ១សែនអំណានរបស់អ្នកនិពន្ធ ម៉ីសន សុធារី។

លើសពីនេះ ស្រម៉ិចក៏សូមផ្ដាំផ្ញើក្នុងនាមជាកម្មការិនីថា គ្រប់គ្នាសុទ្ធតែអាចទទួលបាននូវការអានដោយមិនគិតថ្លៃដូចនាងផងដែរ។ ដោយគ្រាន់តែធ្វើការទំនាក់ទំនងចុះឈ្មោះជាមួយក្រុមការងារ និងធ្វើតាមលក្ខន្តិកៈ​តែប៉ុណ្ណោះ៕

កញ្ញា គ្រាប់ជី

ចុចអាន៖កម្មការិនី ផាន់ រាំងសារ៉ន ប្រាប់ថា យុទ្ធនាការ១សែនអំណាន ផ្ដល់ឲ្យនូវរសជាតិប្រលោមលោកចម្រុះ

កម្មការិនីរូបនេះបានប្រាប់ថា មូលហេតុដែលនាងសម្រេចចិត្តចូលរួមយុទ្ធនាការ១សែនអំណាន​នេះដោយសារតែអាននៅក្នុង វេបសាយ meysansotheary មានប្រភេទរឿងជាច្រើនចម្រុះគ្នា មិនថា​ជាប្រភេទប្រលោមលោក​បែបមនោសញ្ចេតនា បែប​រន្ធត់ បែប​ស៊ើបអង្កេត ជាពិសេស​នោះ​គឺ​អត្ថបទ​ខ្លីៗ​បែប​លើកទឹកចិត្ត​ផងដែរ។

លើសពីនេះទៀតសោត ផាន់ រាំងសារ៉ន បាននិយាយបន្ថែមទៀត​មក​កាន់ក្រុម​ការងារ​យើង​ខ្ញុំ​ថា “ម្យ៉ាងវិញទៀតការ​អានតាមវេបសាយ​ ធ្វើឲ្យ​នាង​មានភាព​ងាយស្រួលក្នុងការអាន ​ខ្ញុំ​អាច​អាន​បាន​គ្រប់​ពេល​ដែល​ខ្ញុំចង់អាន មិនថាពេលកំពុងជិះឡានក្រុង​ទៅធ្វើការ ឬពេលសម្រាកបាយថ្ងៃត្រង់ ក៏​អាច​អាន​បាន​ដោយ​មិន​ចាំបាច់​ស្ពាយ​សៀវភៅ​តាមក៏បាន មាន​ត្រឹម​តែ​ទូរស័ព្ទ​មួយ​គ្រឿងគឺ​គ្រប់គ្រាន់​ហើយ ជា​ពិសេស​នោះ​ យើង​មិន​សូវ​ចំណាយ​លុយក្នុង​​ការ​ទិញ​សៀវភៅទៀតផង”។

នាងក៏បាននិយាយបន្ថែមថា យុទ្ធនាការ១សែនអំណាននេះ បានលើកស្ទួយការអានអោយកាន់តែទូលំទូលាយ។ ការអាន នាំឲ្យមនុស្សមានការគិតវិជ្ជមានកាន់តែច្រើន។ ការអានដែលធ្វើឲ្យមនុស្សមានគំនិតទូលាយ គិតបានច្រើនលើរឿងល្អៗ ខណៈពេលខ្លះយើងម្នាក់ៗរវល់ទុក្ខសោក ដោយភ្លេចនៅរឿងសំខាន់មួយ។ ហើយការអាន ជាប្រទីបបំភ្លឺផ្លូវទៅកាន់កន្លែងប្រសើរមួយលើសមុន។

ជាចុងក្រោយផងដែរ កម្មការិនី ផាន់ រាំងសារ៉ន បានបញ្ជាក់ចុងក្រោយពីចំណង់ចំណូលចិត្តផ្ទាល់ខ្លួនរបស់នាងថាសម្រាប់ខ្ញុំ ខ្ញុំចូលចិត្តអានអត្ថបទបែបលើកទឹកចិត្ត និងប្រលោមលោកបែបមនោសញ្ចេតនានៅលើវេបសាយ ម៉ីសនសុធារីដែលជាវេបឌីជីថលចម្រុះសាច់រឿងនិងអត្ថបទជាច្រើនផងដែរ៕

កញ្ញា គ្រាប់ជី

តាមរយៈ បទសម្ភាសន៍ ជាមួយក្រុមការងារ meysansotheary អ្នកគ្រូស្រីរូបនេះបាននិយាយយ៉ាង​ដូច្នោះ​ថា យុទ្ធនាការ ១សែនអំណាន គឺជាយុទ្ធនាការថ្មី ប្លែកដែលមិនធ្លាប់មាន ហើយរឹត​តែពិសេស គឺ​អំណានបែបឌីជីថល។ វាមានភាពងាយស្រួលក្នុងការអាន អានបានគ្រប់​ពេលវេលា គ្រប់ទីកន្លែង ដោយមិនពិបាក​ស្ពាយ​សៀវភៅ​តាមខ្លួន។

ក្នុងនោះផងដែរ អ្នកគ្រូ វត្តី ​បានបញ្ជាក់ទៀតថា ១សែនអំណាន គឺ​លើសពីមាតិកា រឿង​ប្រលោមលោក រឿង​ខ្លី រឿង​ព្រេងនិទាន ក៏មានមាតិកាចែករំលែកអំពីរបៀប​តែងនិពន្ធផងដែរ។ ដោយអ្នកគ្រូប្រាប់ថា រាល់ថ្ងៃនេះនាងក៏​ជា​សមាជិក​អំណាចឌីជីថល​មួយរូប​ដែរ ដូច្នេះនាង​ពិតជាចង់​បន្ត​សកម្មភាព​នេះ​ជាមួយ​មិត្តរួមអាជីពគ្រូបង្រៀន​ដទៃ​ទៀត ​សម្រាប់​រយៈពេល​មួយ​ឆ្នាំ​នេះ។

នៅក្នងបទសម្ភាសន៍ដដែលនេះ អ្នកគ្រូបាន​សង្កត់ធ្ងន់​ថា “ការអាន គឺជាសកម្មភាព​វិជ្ជមាន​មួយ ដែលត្រូវផ្សព្វផ្សាយឲ្យបាន​ទូលំទូលាយ។ ជាក់ស្ដែង គ្រូបង្រៀន គឺជាតួអង្គសំខាន់ក្នុង​ការ​បណ្ដុះ​ទម្លាប់​អានដល់​សិស្សានុសិស្ស។ ការបង្ហាញ​ពី​ទម្លាប់​ល្អ វាប្រាកដណាស់ថានឹង​ជះឥទ្ធិពល​ល្អ​ដល់​អ្នក​នៅជុំវិញខ្លួន។ ក្នុងនាម​ខ្ញុំជា​គ្រូបង្រៀន​ម្នាក់ ខ្ញុំសូមយក​ឱកាស​នេះ អំពាវនាវ​ដល់​លោកគ្រូ អ្នកគ្រូ សូម​អញ្ជើញ​ចូលរួម​យុទ្ធនាការ ១ សែន​អំណាន ដើម្បី​លើកកម្ពស់ និង​ចែករំលែក​វប្បធម៌​វិជ្ជមាន​នេះ​ដល់​អ្នក​នៅក្បែរខ្លួន និងក្មេងៗ​ជំនាន់​ក្រោយ។ ទម្លាប់​ល្អ ចាប់ផ្ដើម​ពី​យើងទាំងអស់​គ្នា”។

ជាចុងក្រោយ​អ្នកគ្រូ វត្តីក៏មិនភ្លេចបញ្ជាក់ពីចំណង់ចំណូលចិត្តអានសៀវភៅថា ខ្លួនគឺជា​ចៃប្រលោមលោក(ហ្វេន)​ម្នាក់​ផង​ដែរ​ ប៉ុន្តែ នាង​មិនអាច​អានគ្រប់ប្រភេទរឿងនោះទេ។ ក្នុងនោះ​មានរឿង ២ ប្រភេទ​ដែល​នាង​ចូល​ចិត្តអាន គឺ​ប្រលោមលោក​មនោសញ្ចេតនា និង ស៊ើបអង្កេត។ រឿងពីរប្រភេទនេះ​អាចឲ្យអ្នកគ្រូ​អាន​បាន​ច្រើន​ម៉ោង​ដោយ​មិន​ធុញទ្រាន់ បើកាន់សៀវភៅអានវិញ កាន់​មិនងាយ​ដាក់ចុះ​តែម្ដង៕

កញ្ញា គ្រាប់ជី

ចុចអាន៖យុទ្ធនាការ១សែនអំណាន ធ្វើឲ្យគ្រូបង្រៀនស្រីម្នាក់បង្ហាញការយល់ឃើញប្លែកគេ

យ៉ាងណាមិញ​លោក ម៉ក់ ខេមរិន្រ្ទ ដែលជាគ្រូបង្រៀននៃ​អនុវិទ្យាល័យ​ភូមិ​គំរូ បានបង្ហាញ​ការ​យល់ឃើញ​របស់​លោក​បន្ទាប់ពី​ចូលរួម​យុទ្ធនាការ​អំណាន​មួយ​នេះ​ថា “បានជាខ្ញុំចូលរួម ក្នុងយុទ្ធនាការ១សែនអំណាននេះ ព្រោះដោយសារខ្ញុំចង់ ក្លាយ​ជាផ្នែក​មួយ​នៃ​សមាជិក​អ្នកអានរបស់ meysansotheary.com ដែលជា​បណ្ដុំ​មាតិកា​ដ៏​ល្អ​សម្រាប់​អ្នកចូលចិត្ត​អាន​ប្រលោមលោក អត្ថបទ​លើកទឹកចិត្ត និង​ការអប់រំ! ម៉្យាងខ្ញុំក៏​ជាហ្វេន​ប្រលោមលោក​ម្នាក់​របស់អ្នកគ្រូ ម៉ីសន សុធារី តាំងតែពីដើម! នេះជាឱកាសពិសេស​សម្រាប់ខ្ញុំក្នុងការ​ដែល​អាច​អាន​នូវ​សាច់​រឿង​ល្អៗ​របស់​អ្នកគ្រូ និង​ក្រុម​អ្នកនិពន្ធ​ផ្សេងៗ​ទៀតមក​ពី​គ្រប់ទិសទី​ដោយ​សេរី”។

បន្ថែម​ពី​នេះ​ គ្រូបង្រៀន ម៉ក់ ខេមរិន្រ្ទ បាន​បញ្ចេញ​យោបល់​មួយ​ថា ​យុទ្ធនាការ១សែនអំណាន មានអត្ថប្រយោជន៍សម្រាប់លោក​និងអ្នករួមអាជីពដូចជា អាច​អានប្រលោមលោក​ក្នុងវេបសាយ meysansotheary.com បានដោយសេរី ក្នុងរយៈ​ពេល​មួយ​ឆ្នាំ, អាច​បន្ធូរ​នូវ​អារម្មណ៍​តានតឹង​ពេល​ស្មុគស្មាញ, អាច​ទទួល​បាន​ចំណេះដឹង​ល្អ និង​ការ​លើក​ទឹកចិត្តល្អៗ​ពីមាតិកាផ្សេងៗ សម្រាប់យកមកចែករំលែក​ដល់​សិស្សានុសិស្ស​ក្នុង​សាលា​ផងដែរ។ មិន​តែ​ប៉ុណ្ណោះ ក្នុង​នាមលោក​ក៏ជាអ្នកដែលធ្លាប់ដាក់ស្នាដៃរបស់ខ្លួនក្នុងវេបសាយមួយនេះ ហើយ​​គិតថាវាជាឱកាស​ដ៏ល្អដែលរូបលោកផ្ទាល់​អាចបង្ហាញ​នូវស្នាដៃ​របស់​ខ្លួន​ឱ្យ​ទៅ​ដល់​សមាជិក​ផ្សេង​ទៀត​ដែល​បាន​ចូលរួម​ក្នុងយុទ្ធនាការ ១សែនអំណាន នេះផងដែរ។

យ៉ាងណាមិញ លោក ម៉ក់ ខេមរិន្រ្ទ បាន​បង្ហាញ​ពី​ចំណង់ចំណូលចិត្ត​ផ្ទាល់ខ្លួន​នូវ​សាច់រឿង​ដែល​​និយម​ចូលចិត្ត​អានជាង​គេ​គឺ​ប្រភេទ​រឿង ស៊ើបអង្កេត មនោសញ្ចេតនា និង​ប្រភេទ​បែប​ជំនឿ អរូបី រន្ធត់។ តួយ៉ាង​មានរឿង រូប​ខ្មៅ​ស្រអាប់, កិច្ចសន្យា​ស្នេហា​យើង, ​ស្រឡាញ់​បង​ជ្រៅ​ជាង​សមុទ្រ និង អណ្ដូង​ខាងលិច ជាដើម។

សូមរម្លឹកដែរថាលោក ម៉ក់ ខេមរិន្រ្ទ មិនត្រឹម​ជាគ្រូបង្រៀន​ប៉ុណ្ណោះ​ទេ ​ក្នុង​នោះ​ផង​ដែរ​ លោក​ក៏ជាអ្នកនិពន្ធប្រលោមលោកនាមប៉ាកកា ជលធី នៅ​លើវេបសាយ ម៉ីសន សុធារី ខណៈដែលស្នាដៃរបស់លោកមានដូចជា នរណាកំណត់?,  រឿង ៤៨ម៉ោងបំបែកក្ដីឃាតកម្ម, កូន​ប្រសា​ពេទ្យ, ផ្សង​ស្នេហ៍​ក្បែរ​ដែន​សីមា និងរឿងចុងក្រោយ ព្រាយគោកចំបក់៕

កញ្ញា គ្រាប់ជី

ចុចអាន៖ប្រលោមលោកភ័យរន្ធត់ព្រឺព្រួចរបស់អ្នកនិពន្ធ ម៉ក់ ខេមរិន្ទ្រ ចេញផ្សាយឆាប់ៗនេះក្នុងរដូវកាលទី៤ –

ហោ សុជាតា ដែលជាគ្រូបង្រៀនស្រីមួយរូបនៅរាជធានីភ្នំពេញ បានបង្ហាញទស្សនៈផ្ទាល់ខ្លួន បន្ទាប់ពីនាង បានចូលរួមយុទ្ធនាការ១សែនអំណាន ជាមួយក្រុមការងារ meysansotheary។

គ្រូបង្រៀនស្រីរូបនេះបាននិយាយយ៉ាងដូច្នោះថា “ដោយសារយុទ្ធនាការមួយសែនអំណាននេះគឺអាននៅក្នុងវេបសាយដែលសម្បូរទៅដោយអ្នកនិពន្ធជាច្រើនរូប ដែលបញ្ចេញនូវស្នាដៃទាំងថ្មីចាស់ជាច្រើន ថែមទាំងមានរឿងគ្រប់តថភាពរាប់រយចំណងជើង ដែលខ្ញុំអាចអានបានគ្រប់ពេល និងគ្រប់ទីកន្លែង ជាពិសេសមានភាពងាយស្រួលអាចអានបានច្រើនរឿងក្នុងពេលតែមួយ”។

លើសពីនេះ នាងនិយាយដោយបានសង្កត់ធ្ងន់លើចំណុចមួយថា “យុទ្ធនាការមួយសែនអំណាន មានអត្ថប្រយោជន៍ច្រើនសម្រាប់ខ្ញុំផ្ទាល់ និងអ្នកដទៃទៀតដូចជា មិនចំបាច់ត្រូវចំណាយថវិកាច្រើនក្នុងការទិញសៀវភៅអានច្រើនក្បាល ព្រោះចំណងជើងជាច្រើនរឿងមិនថាជាប្រភេទស៊ើបអង្កេត, រឿងខ្មោច, ស្នេហា, កំប្លែង, អប់រំសុទ្ធសឹងមានក្នុងវេបសាយ www.meysansotheary.com ទាំងអស់ មិនតែប៉ុណ្ណោះថែមទាំងជួយលើកស្ទួយវិស័យអំណានឲ្យកាន់តែរីកដុះដាលផងដែរ ព្រោះសម័យឥឡូវការអានលើអ៊ីនធើណេតមានការពេញនិយមខ្លាំង”។

ជាមួយគ្នានោះដែរ អ្នកគ្រូ ហោ សុជាតា បាននិយាយបន្ថែមចុងក្រោយថា នៅលើវេបសាយរបស់អ្នកនិពន្ធ ម៉ីសនសុធារី នាងនិយមចូលចិត្តប្រលោមលោកបែបអភិនីហារ, រន្ធត់ និងស្នេហា។ កាន់តែអានកាន់តែជក់ កាន់តែចង់អានមិនលោះពេលសោះ។

សូមបញ្ជាក់ដែរថា ហោ សុជាតា មិនត្រឹមតែជាគ្រូបង្រៀនម្នាក់ប៉ុណ្ណោះទេ ប៉ុន្តែឈ្មោះរបស់នាងក៏បង្ហាញវត្តមានក្នុងនាមអ្នកនិពន្ធ ដែលមាននាមប៉ាកកាចាស្មីន នៅលើវេបសាយ ម៉ីសន សុធារី ផងដែរ។ ចំណងជើងល្បីៗរបស់នាងមានដូចជា ជញ្ជីងជីវិត , កញ្ចក់ខ្មោចជាដើម៕

កញ្ញា គ្រាប់ជី

ចុចអាន៖គ្រូបង្រៀនម្នាក់នៅប៉ៃលិន បង្ហាញទស្សនៈថ្មីមួយ ក្រោយចូលរួមយុទ្ធនាការ១សែនអំណាន

តាមរយៈការផ្ដល់​បទសម្ភាសន៍​ជាមួយក្រុមការងារ meysansotheary.com គ្រូបង្រៀន​កម្រិត​មូលដ្ឋាន​រូបនេះបាន​និយាយថា“មូលហេតុ​ចម្បង ដែលខ្ញុំចង់ចូលរួមក្នុងយុទ្ធនាការមួយនេះ ព្រោះខ្ញុំ​យល់ឃើញថានេះ​ជា​សកម្មភាព​ដ៏​ប្រពៃមួ​យ​ដែលអាចជួយ​ផ្សព្វផ្សាយ​និង​លើកកម្ពស់​ការអាននៅ​ក្នុងប្រទេសយើងឱ្យ​កាន់តែទូលំទូលាយតាម​រយ:ប្រព័ន្ធ​អ៊ីនធឺណិត​ឥតដែនកំណត់នា​ពេលបច្ចុប្បន្ននេះ”។

លើសពីនេះទៅទៀត​លោកក៏បាននិយាយ​បន្ថែម​ទៀត​ថា វាក៏ជាឱកាសដ៏ពិសេសមួយដែល​កម្រ​មានផងដែរ ​សម្រាប់​គ្រូបង្រៀន​ទូទៅ​ដែលអាច​ចូលរួម​បានដោយឥតបង់ថ្លៃបែបនេះ។ គ្រូបង្រៀន​ដែល​ចូលចិត្ត​អាន​ម្នាក់ ​អាចបង្រៀន​សិស្សរា​ប់រយនាក់​ទៀត​ឱ្យ​ចូលចិត្ត​អាន​បានដូចគ្នា​ តាម​រយ:ការណែនាំនិង​បង្ហាញជា​គំរូ​ដ៏​ប្រសើរនៃការអាន​ទៅ​កាន់​ពួកគេ។

បន្ថែមពីនេះទៀត ជារៀងរាល់ថ្ងៃគ្រូ​​ អន បូរិទ្ធិ តែង​ចំណាយ​ពេល១០ទៅ២០នាទីដើម្បី​អានជាប្រចាំ។ លោកប្រាប់ទៀតថា ចូលចិត្តអានសៀវភៅ បែបចំណេះដឹង​ទូទៅ បែប​លោក ទស្សនៈ និង ប្រលោមលោកផ្សេងៗ ហើយសាច់រឿង​ដែលចូលចិត្តអានបំផុតនោះ​គឺប្រលោមលោកបែបមនោសញ្ជេតនានិង បែប​ភ័យរន្ធត់។

ក្នុងនោះលោកគ្រូ អន បូរិទ្ធិ បញ្ជាក់ក្នុងន័យផ្ដាំផ្ញើថា “ប្រសិនបើខ្ញុំ ឬក៏អ្នករួម​អាជីព​ដទៃទៀតបានចូលរួមក្នុងយុទ្ធនាការ ១សែនអំណាននេះ​ពិតមែន ខ្ញុំយល់​ឃើញថាពួកយើង​ប្រាកដ​ជា​ទទួលបាន​នូវប្រយោជន៍ជាច្រើន​អំពីសកម្មភាពដ៏​មានតម្លៃមួយ​នេះ។ ពួកយើង​អាចកាត់បន្ថយ​បានមួយផ្នែកនៃប្រាក់ដែល​ត្រូវ​ចំណាយ​លើ​ការ​ទិញ​សៀវភៅ​ឬ​សេវាកម្មអំណានផ្សេងៗនៅតាមទីផ្សារ ហើយមួយវិញ​ទៀតយើងក៏​អាច​ទទួល​បាននូវការ​អាន​មួយ​ដ៏​ទាន់​សម័យ​លើ​បណ្តាញ​គេហទំពរ័​ដ៏​ល្បីល្បាញ​ដែល​មាន​មាតិការ​ល្អៗ​ពី​អ្នកនិពន្ធ​ដែលមាន​បទពិសោធន៍​ច្បាស់លាស់ ចំណេះដឹងថ្មីៗរាប់រយពាន់ជម្រើស​ថែម​ទៀតផង។ ទាំងអស់​នេះហើយដែល​ជាគុណតម្លៃ​ពិតប្រាកដ​ដែល​អ្នក​អាន​ប៉ង​ប្រាថ្នា​ទទួល​បាន”។

ជាចុងក្រោយ លោកគ្រូបង្រៀនកម្រិតមូលដ្ឋាននៃអនុវិទ្យាល័យបរយ៉ាខា ក្នុងខេត្តប៉ៃលិនរូបនេះបានបង្ហាញអារម្មណ៍សប្បាយនិងលាយឡំក្ដីរំភើបថា ពួ​កយើងពិតជាមាន​ក្តី​សោមនស្ស​និង​ស្ងើចសរសើរ​មែនទែន​​ ចំពោះ​អ្នកនិពន្ធ ម៉ីសន សុធារី ក៏ដូចជា​ឯកឧត្ដម ឧត្ដមសេនីយ៍ឯក ឌី វិជ្ជា និង​លោកជំទាវ ដែលបានបង្កើត​និង​ជ្រោមជ្រែង​ឱ្យ​មាននូវ​យុទ្ធនាការ​ដ៏​ធំមិនធ្លាប់មានមួយនេះឱ្យកើតឡើងមក។

អរគុណ​កាដូ​ដ៏មានតម្លៃសម្រាប់គ្រូបង្រៀនប្រទេសយើង៕