នៅក្រោមប្រធានបទថា វិថីជីវិតជាអ្នកនិពន្ធអាជីព កញ្ញា ទឹម ផល្លីនដា ដែលមាននាមប៉ាកាថា វិនិន្ទ្រា​​បានពេញចិត្ត​ក្នុងការ​លើកឡើងពីការពិតមួយនៃការប្រលូកអាជីពតែងនិពន្ធ​របស់នាង។

ម្ចាស់រឿង បាត់ខ្លួន២១ឆ្នាំ​ ដែលមាន​អ្នកអានយ៉ាងច្រើននិងរឿង ស៊ុមនា​បណ្តូលចិត្ត​ រូបនេះ​បាន​លើកឡើងថា ជីវិត​អ្នកនិពន្ធ​នៅក្នុងប្រទេសមួយដែល​ការអាន​នៅខ្សោយ នាង​ពិតជាលំបាកសម្រាប់ការសរសេរនិងឆ្ពោះទៅមុខ​ប៉ុន្តែនាងបានជ្រើសវិធីសម្រាប់លើកទឹកចិត្ត​ខ្លួនឯងដោយជឿលើទស្សនវិទ្យាសំខាន់របស់ក្រុម​MSTគឺ «អ្នកនិពន្ធមិនទាមទារ​ប៉ុន្តែផ្តល់ឱ្យ»។

«នៅអំឡុងពេលឡើងនិយាយហ្នឹងខ្ញុំមានអារម្មណ៍ទទួលបានការលើកទឹកចិត្តខ្លាំង! អារម្មណ៍មិនធ្លាប់មាន​ពីមុនមក! ចំពោះខ្ញុំផ្ទាល់យល់ខ្ញុំថាអ្នកនិពន្ធជាច្រើន​ទុកណាជាមានទស្សនៈនិយមខុសគ្នា តែពួកគាត់មានគំនិតដ៏មានតម្លៃជារួមគឺ លើកទឹកចិត្ត ហើយចែករំលែក នេះជាវប្បធម៌ដែលខ្ញុំពិតជារំភើបដែលចាប់ផ្តើមមាន​នៅក្នុងប្រទេសយើង! ទោះជាយើងអត់ធ្លាប់ស្គាល់គ្នាពីមុនមកក៏គ្រប់យ៉ាងឆាប់យល់ និងមានតម្លៃ!»

កញ្ញាសង្កត់ធ្ងន់ទៀតថា៖

 «សម្រាប់អាជីពនេះ​ដោយសារតែយើងបានគិតថា​នឹង​មាន​ឧបសគ្គ ការបាក់ទឹកចិត្តច្រើន ប៉ុន្តែ យើង​សម្រេចថា​តស៊ូ​នឹងអាជីពដែលយើងខ្លួនឯងកំណត់គុណតម្លៃ»

កញ្ញា អិន បូបូ អ្នកនិពន្ធនិងជាអ្នកគ្រប់គ្រង​គម្រោង MSTWriters

កញ្ញា ទឹម ផល្លីនដា ជាយុវនារីដែលមានឧបនិស្ស័យសុភាពរមទម្យ និងមាន​ការងារ​យ៉ាងឱហាតតស៊ូ ជាពិសេស​លើផ្នែកតែងនិពន្ធ។ នាង​តែងតែមាន​ស​ន្តានចិត្ត​បើកទូលាយ និងផ្តល់ការគោរព ទៅកាន់អ្នករួមអាជីព និង ទទួលខុសត្រូវចំពោះអ្នកអានរបស់ខ្លួន។

 នាង​បានដាក់ស្នាដៃដំបូងមកចូលរួមជាមួយកម្មវិធី MSTWritersរដូវកាលទីមួយ ​(ក្រុមអ្នកនិពន្ធម៉ីសន សុធារី) ដែលមាន​ប្រធានបទថា អ្នកនិពន្ធក្រៅសាលាក្រោមនាមប៉ាកាថា វិនិន្ទ្រា។

កញ្ញាុំមានយោបល់ផងដែរថា សម្រាប់អ្នកដែលចង់ក្លាយជាអ្នកនិពន្ធ​គប្បីហ៊ាន​បញ្ចេញស្នាដៃដើម្បីសិក្សា​និង​ទៅ​ទទួលការ​បណ្ដុះបណ្ដាល ជំហានដំបូងអំពីមូលដ្ឋានគ្រឹះនៃការសរសេរប្រលោមលោក មិនថាបង្ហាត់បង្រៀនដោយស្ថាប័នណាក្តី។

«សម្រួចអាជីពទាន់យើងនៅក្មេង»

ឥឡូវនេះលោកអ្នកអាចចូលរួមជាមួយនឹង MSTWriters រដូវកាលទីពីរដែលមានប្រធានបទថា អ្នកនិពន្ធបឹងជុំវិញបឹងទន្លេសាប ដែលសរសេរអំពីខេត្តទាំងប៉ុន្មាននៅជុំវិញបឹងទន្លេសាប ឬក៏ចូលរួមជាមួយនឹងអ្នកនិពន្ធ MSTរដូវកាលទីបី ដែលមាន​ប្រធានបទថា ដែននិរតីខ្លួនអ្នកផ្ទាល់ជាអ្នកនិពន្ធ ឬអ្នកចាប់ផ្ដើមតែងនិពន្ធដំបូង មកពីខេត្តក្រុង​ជុំវិញដែននិរតីនៃព្រះរាជាណាចក្រកម្ពុជា ឬក៏មកពីខេត្តក្រុងដទៃទៀតក៏អាចសរសេរអំពីដែននិរតីនៃព្រះរាជាណាចក្រកម្ពុជាមកចូលរួម​ដូចគ្នា។

«នៅអំឡុងពេលហ្នឹងខ្ញុំមានអារម្មណ៍ថា ចំពោះខ្ញុំផ្ទាល់ខ្ញុំថាស្រួលដកដង្ហើម! កន្លងមកយើងពិបាករកអ្នកយល់និងឱ្យតម្លៃអាជីពនេះ ! ជាមួយនឹងអ្នកចូលរួម ទោះជាយើងអត់ធ្លាប់ស្គាល់គ្នាពីមុនមកក៏ចេះតែបារម្ភ! អ្វីដែលខុសពីការរំពឹងទុកនោះ អ្នកនិពន្ធមកច្រើន ពួកគាត់ចិត្ត​ទូលាយជួយគ្នា លើកទឹកចិត្ត​គ្នា និងចែករំលែកពិតៗមិនក្លែងក្លាយ! »

កញ្ញា​បន្តទៀតថា ការកាត់ពីខេត្តកំពង់ចាម​មកដល់ពិតជាមិនស្តាយចិត្ត ព្រោះអ្នកចូលរួមជាអ្នកនិពន្ធឬស្រលាញ់ផ្នែកនេះ​ដូចគ្នា ដំបូង​នឹកស្មានដល់ថា ប្រហែលជាមានអ្នកចូលរួមតិចតួច ដឹងអីអត់កន្លែងអង្គុយ ម្នាក់ៗឈរដល់ម៉ោងជាង១២ ព្រោះជំនក់ចិត្ត​។

កញ្ញាសង្កត់ធ្ងន់ទៀតថា «សម្រាប់អាជីពនេះ​ដោយសារតែយើងបានជួបគ្នា បានស្គាល់គ្នា អាចរាប់អានគ្នាទៀតជាលើកដំបូងក្រោមប្រធានបទថាវិថីជីវិតឆ្ពោះទៅរកអាជីពដែលខ្ញុំមាន​អារម្មណ៍ថាទទួលបានការលើកទឺកចិត្ត​ខ្លាំង!»

កញ្ញា ហេង​អ៊ីឈងជាយុវនារីដែលស្រលាញ់និស្ស័យតែងនិពន្ធ។ នាង​បានដាក់ស្នាដៃដំបូងមកចូលរួមជាមួយកម្មវិធី MSTWritersរដូវកាលទីមួយ ​(ក្រុមអ្នកនិពន្ធម៉ីសន សុធារី) ដែលមាន​ប្រធានបទថា អ្នកនិពន្ធក្រៅសាលា។

ក្នុងចំណោមនោះ មានអ្នកនិពន្ធចំ​នួនបីក្រុមដែល មានឈ្មោះថា MSTឥន្ទ្រីយ៍ ហង្សៈ និងនាគា បានចូលរួមនៅក្នុងវគ្គបណ្ដុះបណ្ដាល ជំហានដំបូងអំពីមូលដ្ឋានគ្រឹះនៃការសរសេរប្រលោមលោក បង្ហាត់បង្រៀនតាមអនឡាញដោយអ្នកស្រី ម៉ីសនសុធារីផ្ទាល់។

ឥឡូវនេះលោកអ្នកអាចចូលរួមជាមួយនឹង MSTWriters រដូវកាលទីពីរដែលមានប្រធានបទថា អ្នកនិពន្ធបឹងជុំវិញបឹងទន្លេសាប ដែលសរសេរអំពីខេត្តទាំងប៉ុន្មាននៅជុំវិញបឹងទន្លេសាប ឬក៏ចូលរួមជាមួយនឹងអ្នកនិពន្ធ MSTរដូវកាលទីបី ដែលមាន​ប្រធានបទថា ដែននិរតីខ្លួនអ្នកផ្ទាល់ជាអ្នកនិពន្ ធឬអ្នកចាប់ផ្ដើមតែងនិពន្ធដំបូង មកពីខេត្តក្រុង​ជុំវិញដែននិរតីនៃព្រះរាជាណាចក្រកម្ពុជា ឬក៏មកពីខេត្តក្រុងដទៃទៀតក៏អាចសរសេរអំពីដែននិរតីនៃព្រះរាជាណាចក្រកម្ពុជាមកចូលរួម​ដូចគ្នា។

MST Writers (ក្រុមអ្នកនិពន្ធ ម៉ីសន សុធារី) រដូវកាលទីមួយដែលបានរើសយកនូវប្រធានបទថា អ្នកនិពន្ធក្រៅសាលាបាន ត្រូវចូលរួមដោយយុវវ័យជាច្រើនហើយមានប្រលោមលោករាប់រយចំណងជើង ចុចអាន ត្រូវបានបោះពុម្ពផ្សាយនៅលើ meysansotheary.com អាចចូលអាន​បាន​ដោយមិនគិតថ្លៃ សុទ្ធសឹងជាស្នាដៃរបស់អ្នកនិពន្ធថ្មីៗ។

នៅក្នុងបទសន្ទនាជាមួយក្រុមរបស់អ្នកនិពន្ធរូបនេះ ដែលមានគ្នា​ដប់នាក់ កញ្ញាបានលើកឡើងថា ឱកាសនៅក្នុងការជួបជាមួយអ្នកនិពន្ធផ្សេងៗ ទោះណាជា អ្នកនិពន្ធមានបទពិសោធខ្ពស់ អ្នកនិពន្ធថ្មីដូចគ្នា ឬក៏អ្នកដែលត្រៀមខ្លួនក្លាយជាអ្នកនិពន្ធសុទ្ធតែជាកត្តាជំរុញទឹកចិត្តឲ្យយើងស្គាល់ជាមួយនឹងមនុស្សដែល ចរិតដូចគ្នា ជាពិសេសយើងបានរៀនពីគ្នាទៅវិញទៅមកទាំងបរាជ័យនិងជោគជ័យ។

អ្នកនិពន្ធស្រី ឈ្មោះ ឆុង ធឿនដែលជាម្ចាស់ចំណងជើង ធ្លាប់ជាសង្សារកាលមុននាងស្លាប់ ក្នុងវគ្គ យុត្តិធម៌ បានលើកឡើងផងដែរថា នាងចង់ឲ្យមានការចូលរួមជាមួយនឹងកម្មវិធីបែបនេះច្រើនឡើង ទាំងខ្លួននាងផ្ទាល់ក៏ដូចជាយុវវ័យខ្មែរផ្សេងទៀត ដែលស្រឡាញ់ការអាននិងការតែងនិពន្ធ។ កញ្ញាបញ្ចេញ​ចំណាប់អារម្មណ៍ទៀតថា«ប្រកាសំខាន់ដែលខ្ញុំបានឃើញនៅក្នុង ពិធីនេះ គឺអ្នករៀបចំកម្មវិធីទាំងអស់សុទ្ធតែមិនមែនរៀបចំកម្មវិធីដើម្បីឡើងនិយាយខ្លួនឯងទេ! គ្រប់គ្នារៀបចំកម្មវិធីដើម្បីឲ្យភ្ញៀវបាននិយាយ! នេះគឺជាចរិតលក្ខណៈដ៏សំខាន់មួយបង្ហាញថាព្រឹត្តិការណ៍ដ៏រៀបចំឡើង ដើម្បីជាប្រយោជន៍របស់សង្គមពិតៗ មិនមែនសម្រាប់ក្រុមណាមួយហើយ ដែលយុវវ័យកម្ពុជាចង់ឃើញជាយូរមកហើយ! ខ្ញុំតែងសង្ឃឹមថា ក្រុមយើងនៅមានឱកាសចូលរួមបែបនេះ !ខ្ញុំកោតសរសើរចំពោះគ្នាយើងជាច្រើន ដែលបានធ្វើដំណើរមកពីខេត្តឆ្ងាយឆ្ងាយៗដើម្បីចូលរួមកម្មវិធីនេះ! »។

MST Writers (ក្រុមអ្នកនិពន្ធ ម៉ីសន សុធារី) រដូវកាលទីមួយដែលបានរើសយកនូវប្រធានបទថា អ្នកនិពន្ធក្រៅសាលាបាន ត្រូវចូលរួមដោយយុវវ័យជាច្រើនហើយមានប្រលោមលោករាប់រយចំណងជើង ចុចអាន ត្រូវបានបោះពុម្ពផ្សាយនៅលើ meysansotheary.com អាចចូលអាន​បាន​ដោយមិនគិតថ្លៃ សុទ្ធសឹងជាស្នាដៃរបស់អ្នកនិពន្ធថ្មីៗ។

ក្នុងចំណោមនោះ មានអ្នកនិពន្ធចំ​នួនបីក្រុមដែល មានឈ្មោះថា MSTឥន្ទ្រីយ៍ ហង្សៈ និងនាគា បានចូលរួមនៅក្នុងវគ្គបណ្ដុះបណ្ដាល ជំហានដំបូងអំពីមូលដ្ឋានគ្រឹះនៃការសរសេរប្រលោមលោក បង្ហាត់បង្រៀនតាមអនឡាញដោយអ្នកស្រី ម៉ីសនសុធារីផ្ទាល់។

ឥឡូវនេះលោកអ្នកអាចចូលរួមជាមួយនឹង MSTWriters រដូវកាលទីពីរដែលមានប្រធានបទថា អ្នកនិពន្ធបឹងជុំវិញបឹងទន្លេសាប ដែលសរសេរអំពីខេត្តទាំងប៉ុន្មាននៅជុំវិញបឹងទន្លេសាប ឬក៏ចូលរួមជាមួយនឹងអ្នកនិពន្ធ MSTរដូវកាលទីបី ដែលមាន​ប្រធានបទថា ដែននិរតីខ្លួនអ្នកផ្ទាល់ជាអ្នកនិពន្ ធឬអ្នកចាប់ផ្ដើមតែងនិពន្ធដំបូង មកពីខេត្តក្រុង​ជុំវិញដែននិរតីនៃព្រះរាជាណាចក្រកម្ពុជា ឬក៏មកពីខេត្តក្រុងដទៃទៀតក៏អាចសរសេរអំពីដែននិរតីនៃព្រះរាជាណាចក្រកម្ពុជាមកចូលរួម​ដូចគ្នា។

ចាប់តាំងពីថ្ងៃទី០១ ខែឧសភាមក ស្នាដៃថ្មីៗបានរំលេចខ្លួនលើគេហទំព័រផ្លូវការរបស់អ្នកនិពន្ធម៉ីសន សុធារី ក្រោមប្រធានបទ«អ្នកនិពន្ធជុំវិញបឹងទន្លេសាប»​។​ ទោះបីជាយ៉ាងណាក្តី មិនថាសាច់រឿងរបស់លោកអ្នកស្ថិតក្នុងរដូវកាលទី១ ឬទី២ក៏ដោយ ប្រសិនជាស្នាដៃនោះអាចទាក់ទាញចិត្តអ្នកអានរហូតស្ថិតក្នុងកំពូលមាតិកាទាំង១៥ប្រចាំខែ អ្នកនិពន្ធនៅតែអាចទទួលរង្វាន់លើកទឹកចិត្តជាបន្តបន្ទាប់។

ក្រឡេកមកមើលលទ្ធផលសម្រាប់ខែមេសានេះវិញ យើងខ្ញុំបានរកឃើញម្ចាស់ស្នាដៃដែលមានអ្នកចុចអាន រហូតអាចឈរនៅ Top 11 ជាមួយតួលេខយ៉ាងស្វិតស្វាញ។

អ្នកនិពន្ធ សុផុន ម្ចាស់រឿង ៧ឆ្នាំ ក្រោយយើងបែកគ្នា

សូមជម្រាបសួរម្ដងទៀត! ខ្ញុំបាទឈ្មោះសុផុន  ម្ចាស់ស្នាដៃរឿង «៧ឆ្នាំ  ក្រោយយើងបែកគ្នា»។ ខ្ញុំបាទពិតជាមានអារម្មណ៍រីករាយ និងភ្ញាក់ផ្អើលខ្លាំងណាស់ បន្ទាប់ពីទទួលដំណឹងថា  ស្នាដៃខ្លួនឯងបានជាប់ក្នុង Top 11 សម្រាប់ខែមេសាកន្លងទៅនេះ។ បើទោះបីជាមិនបានជាប់ក្នុង Top កំពូលៗដូចម្ចាស់ស្នាដៃពូកែៗដទៃទៀត  តែវាជារឿងដ៏ប្រសើរមួយក្នុងចំណោមមួយរយសម្រាប់រូបខ្ញុំផ្ទាល់។  អាចនិយាយបានថា  នេះជាលើកដំបូងបំផុត ដែលខ្ញុំអាចទទួលបានឱកាសល្អបំផុត  ហើយក៏ជាលើកទីមួយបំផុត ដែលខ្ញុំអាចទទួលប្រាក់រង្វាន់លើកទឹកចិត្តដែលរកបានពីស្នាដៃរបស់ខ្លួន។ យ៉ាងណាមិញ  ខ្ញុំបាទក៏សូមអរគុណដល់កម្មវិធី MST Writer រដូវកាលទីមួយ  ដែលបានជួយសម្របសម្រួលនិងផ្ដល់ឱកាសដល់រូបខ្ញុំ  និងអរគុណដល់ប្រិយមិត្តដែលចូលចិត្តស្នាដៃរឿង«៧ឆ្នាំ  ក្រោយយើង បែកគ្នា» ។ សុំផ្ញើក្ដីគោរពស្រឡាញ់មួយនេះ  ទុកក្នុងប្រអប់បេះដូងអ្នកទាំងអស់គ្នាផង!

ចុចអាន MST Writerដែលមានអ្នកចូលអានច្រើនជាងគេប្រចាំខែមីនា

អ្នកនិពន្ធ ជី សុធារ៉ា ម្ចាស់រឿង ស្នេហ៍មិត្ត

អ្នកនិពន្ធមានដើមកំណើតមកពីខេត្តកំពង់ស្ពឺរូបនេះ បានចេញផ្សាយស្នាដៃដំបូងរបស់ខ្លួនជាមួយកម្មវិធី MST Writer រដូវកាលទីមួយ ក្រោមចំណងជើងថា«ស្នេហ៍មិត្ត» ព្រមទាំងបានចូលរួមវគ្គបណ្ដុះបណ្ដាលជាមួយនឹងក្រុមហង្សៈថែមទៀតផង។ អស់រយៈពេលជាច្រើនខែកន្លងទៅ ប្រលោមលោកខ្លីរឿង ស្នេហ៍មិត្ត បានចូលក្នុងចំណាត់ថ្នាក់កំពូលទី១៤ ដែលធ្វើឱ្យអ្នកនិពន្ធរូបនេះសប្បាយចិត្តជាខ្លាំង។

ខាងក្រោមនេះជាចំណាប់អារម្មណ៍របស់អ្នកនិពន្ធរបស់យើង៖

ជាដំបូង នាងខ្ញុំសូមអរគុណដល់អ្នកគ្រូម៉ីសន សុធារី និងបងៗក្រុមការងារជាខ្លាំងដែលតែងតែបង្ហាត់បង្រៀន ថែមទាំងចែករំលែកចំណេះដឹងថ្មីៗជាច្រើនលើការតែងនិពន្ធ ពីព្រោះថាការតែងនិពន្ធមួយនេះខ្ញុំគ្រាន់តែចង់សាកល្បងស្នាដៃប៉ុននោះ ហើយខ្ញុំមិនដែលនឹកស្មានថាទទួលបានរង្វាន់លើកទឹកចិត្តបែបនេះពីមុនមកនោះនេះទេ។ ជាចុងក្រោយខ្ញុំក៏អរគុណដល់បងប្អូនដែលស្រឡាញ់ចូលចិត្តស្នាដៃរបស់ខ្ញុំ ហើយខ្ញុំសង្ឃឹមថានឹងមានរឿងថ្មីៗបន្តទៀតសម្រាប់បងប្អូនអ្នកអាន។

ដោយក្តីស្រឡាញ់ពីនាងខ្ញុំ សុធារ៉ា!

ចុចអាន MST Writerដែលមានអ្នកចូលអានច្រើនជាងគេប្រចាំខែកុម្ភៈ

១. អ្នកនិពន្ធឆោម សុពៅ និងអ្នកនិពន្ធស៊ុយ លីនប៉ាវ ម្ចាស់រឿង«បឹងអតីត»

«ជម្រាបសួរប្រិយមិត្តអ្នកអាន! ខ្ញុំបាទជាអ្នកនិពន្ធសៀវភៅ “បឹងអតីត” ខ្ញុំពិតជាសប្បាយរីករាយណាស់ដែលប្រិយមិត្តពេញចិត្តនិងចូលចិត្តអានរឿងរបស់ខ្ញុំ ទើបធ្វើឱ្យរឿងនេះទទួលបាន Top 11 ដែលមានអ្នកចូលអានច្រើនជាងគេប្រចាំខែកុម្ភៈ។ ថ្វីដ្បិតតែប្រលោមលោកនៅខ្មែរមួយចំណងជើងនេះធ្លាប់បានចេញផ្សាយជាសៀវភៅរួចម្ដងហើយដោយ«តម្រា» ប៉ុន្តែនៅពេលដាក់ផ្សាយនៅលើវេបសាយផ្លូវការ meysansotheary.com នៅតែទទួលបានការគាំទ្រពីសំណាក់ប្រិយមិត្តអ្នកអាន។ ខ្ញុំបាទឆោម សុពៅ មានតែពាក្យថាអរគុណនិងរំភើបឥតឧបមាដែលប្រិយមិត្តពេញចិត្តនិងចូលចិត្តការនិពន្ធរបស់ខ្ញុំ រួមជាមួយនិងលីនប៉ាវ។» ឆោម សុពៅ

«ជម្រាបសួរមិត្តអ្នកអានជាទីស្រឡាញ់! “បឹងអតីត” ជាប្រលោមលោកទី១របស់ខ្ញុំ ដែលត្រូវបានបោះពុម្ពផ្សាយ និងត្រូវបានចេញផ្សាយនៅលើគេហទំព័រ meysansotheary.com នាឆ្នាំ២០២២នេះថែមទៀត។ ខ្ញុំពិតជាមានអារម្មណ៍មិនខុសគ្នាពីសហនិពន្ធរបស់ខ្ញុំ(ពូ)ប៉ុន្មានឡើយ សូមអរគុណសម្រាប់ការគាំទ្រនាពេលកន្លងមកនេះ ហើយសង្ឃឹមថាស្នាដៃមួយនេះនឹងអាចបម្រើចំណីអារម្មណ៍របស់អ្នកអានទាំងអស់គ្នា។ ការគាំទ្ររបស់អ្នកទាំងអស់គ្នា ពិតជាកម្លាំងចិត្តដ៏ធំធេងសម្រាប់រូបខ្ញុំ» ស៊ុយ លីនប៉ាវ

២. អ្នកនិពន្ធម៉ក់ ខេមរិន្រ្ទ ម្ចាស់រឿង«៤៨ម៉ោងបំបែកក្ដីឃាតកម្ម»

សួស្ដីមិត្តអ្នកអានទាំងអស់គ្នា! ខ្ញុំបាទឈ្មោះ ម៉ក់ ខេមរិន្ទ្រ នាមប៉ាកកា ជលធី! ខ្ញុំពិតជាមានសេចក្តីរំភើបរីករាយណាស់ដែលស្នាដៃរឿងរបស់ខ្ញុំ «៤៨ម៉ោង បំបែកក្ដីឃាតកម្ម» បានឈរឈ្មោះនៅក្នុង Top 15 លើវេបសាយ meysansotheary.com ប្រចាំខែកុម្ភៈ។ ថ្វីបើខ្ញុំបានប្រឹងប្រែង និងសរសេរឡើងដោយក្ដីស្រឡាញ់ តែដោយសារវាជាសាច់រឿងបែបស៊ើបអង្កេតលើកទីមួយដែលខ្ញុំរៀនសរសេរ ហើយរយៈពេលក្នុងការស្រាវជ្រាវនិងសរសេរមានកំណត់ ខ្ញុំដឹងថាវាប្រាកដជាមានកន្លែងខ្វះចន្លោះដែលមិត្តអ្នកអានអាចរកឃើញក្នុងពេលអាន។ ដូច្នេះខ្ញុំពិតជារីករាយក្នុងការទទួលយកមតិកែលម្អ និងសុំឱ្យមានការណែនាំផ្សេងៗបន្ថែមពីអ្នកនិពន្ធរៀមច្បង ដើម្បីអាចឱ្យខ្ញុំបានរៀនសូត្របន្ថែម និងធ្វើឱ្យស្នាដៃក្រោយៗកាន់តែល្អប្រសើរ។ សូមអរគុណ!

គួរបញ្ជាក់ផងដែរថា កម្មវិធី MST Writer រដូវកាលទី២ នឹងចាប់ផ្តើមនាខែឧសភា ឆ្នាំ២០២២នេះ ក្រោមប្រធានបទ«អ្នកនិពន្ធជុំវិញបឹងទន្លសាប» សម្រាប់អ្នកដែលស្រឡាញ់វិស័យតែងនិពន្ធ អាចចាប់ផ្តើមរៀបចំស្នាដៃពីពេលនេះ ដើម្បីចូលរួមជាមួយយើងខ្ញុំនាខែឧសភាខាងមុខនេះ។

ព័ត៌មានលម្អិត ចុចអានលើតំណ

ចុចអាន MST Writerដែលមានអ្នកចូលអានច្រើនជាងគេប្រចាំខែមករា

សម្រាប់ខែមករានេះ ស្នាដៃនិពន្ធដែលបានឈរនៅក្នុងកំពូលមាតិកាប្រចាំខែ គឺបានទៅលើស្នាដៃក្រុមនាគា «សុបិនដើរ»។ នាគាបានបញ្ចប់ការបណ្ដុះបណ្ដាលរបស់ខ្លួនជាស្ថាពរជាមួយអ្នកនិពន្ធម៉ីសន សុធារី និងបានផ្សព្វផ្សាយជាផ្លូវការស្នាដៃរួមគ្នាកាលពីថ្ងៃទី៣០ ខែធ្នូ ឆ្នាំ២០២១។ ត្រឹមតែរយៈពេល១ខែប៉ុននោះ ស្នាដៃអ្នកនិពន្ធវ័យក្មេងមួយក្រុមនេះបានហក់ឡើងក្នុងមាតិកាកំពូលទី៩ ប្រចាំខែមករា។

ខាងក្រោមនេះជាចំណាប់អារម្មណ៍ផ្ទាល់របស់សមាជិកក្រុមនាគា៖

«នាងខ្ញុំជាសមាជិកមួយរូបនៅក្នុងក្រុមនាគា និងជាម្ចាស់ស្នាដៃរឿង “១AM” ផងដែរ។ ជាដំបូង ខ្ញុំសូមថ្លែងអំណរគុណដល់អ្នកគ្រូសម្រាប់ការបង្ហាត់បង្រៀននិងលើកទឹកចិត្ត ព្រមទាំងក្រុមការងារនៃ MST Writer ដែលបានជួយសម្របសម្រួល និងជ្រោមជ្រែងកន្លងមក ហើយក៏មិនអាចរំលងបាននូវការអរគុណទៅដល់មិត្តអ្នកអានដែលបានចូលចិត្ត និងគាំទ្រស្នាដៃរបស់ពួកយើងទាំងអស់គ្នា នេះពិតជាបទពិសោធនិងអនុស្សាវរីយ៍ដែលមិនងាយបំភ្លេចបានមួយ។» អេង ស៊ិនវិច្ឆិកា

«ជម្រាបសួរ! នាងខ្ញុំជាសមាជិកក្នុងក្រុមនាគា ដែលជាម្ចាស់រឿង “បន្តសុបិន”។ នាងខ្ញុំពិតជារីករាយណាស់ដែលរឿងរបស់ក្រុមពួកយើងបានជាប់ក្នុងចំណោមអ្នកចុចអានច្រើនជាងគេ ដែលទទួលបានចំណាត់ថ្នាក់លេខ៩។ នាងខ្ញុំសូមអរគុណដល់អ្នកគ្រូ ម៉ីសន សុធារី ដែលបានជួយបណ្ដុះបណ្ដាលពួកខ្ញុំបន្ថែមនូវរាល់ចំណុចខ្វះខាតក្នុងការតែងនិពន្ធ និងជាពិសេសសូមថ្លែងអំណរគុណដល់ប្រិយមិត្តអ្នកអានទាំងអស់ដែលបានជួយគាំទ្រស្នាដៃរបស់ខ្ញុំកន្លងមក។» ស៊ាម ស៊ិនវីរៈបូរមី

«ជម្រាបសួរប្រិយមិត្តអ្នកអានទាំងអស់គ្នា នាងខ្ញុំជាសមាជិកក្រុមនាគា ហើយក៏ជាម្ចាស់ស្នាដៃរឿង “យប់ថ្ងៃអាទិត្យ” ដែលបានបញ្ចប់ការសិក្សាវគ្គខ្លីជាមួយអ្នកគ្រូម៉ីសន សុធារី។ ក្នុងឱកាសនេះនាងខ្ញុំពិតជារំភើបក្រៃលែងដែលស្នាដៃក្រុមនាគារបស់យើងបានជាប់ក្នុង Top 9 ប្រចាំខែមករា។ ខ្ញុំមានតែពាក្យថាអរគុណសម្រាប់អ្នកអានទាំងអស់គ្នាដែលតែងតែគាំទ្រស្នាដៃអ្នកនិពន្ធវ័យក្មេងរបស់យើងកន្លងមក ហើយព្រមទាំងអរគុណទៅកាន់បងៗក្រុមការងារ ក៏ដូចជាអ្នកគ្រូម៉ីសន សុធារី ដែលបានចំណាយពេលដ៏មានតម្លៃក្នុងការបង្ហាត់បង្ហាញនិងបណ្ដុះបណ្ដាលដល់អ្នកនិពន្ធក្មេងខ្ចីដូចជារូបខ្ញុំក៏ដូចជាសមាជិកក្រុមដទៃទៀត។» ឈឿន អូនធំ

«ជាដំបូងខ្ញុំបាទសូមជម្រាបសួរដល់អ្នកគ្រូនិងបងៗក្រុម MST Writer ទាំងអស់។ ខ្ញុំបាទមាននាមប៉ាកកា “គ្រាប់ខ្សាច់” ជាសមាជិកក្រុមនាគានិងជាម្ចាស់ស្នាដៃ “រឿងអ្នកបន្តវេន” ខ្ញុំពិតជាសប្បាយរីករាយយ៉ាងខ្លាំងដែលបានចូលរួមក្នុងកម្មវិធី MST Writer រដូវកាលទី១នេះ សូមអរគុណដល់អ្នកគ្រូ ម៉ីសន សុធារី ដែលជួយបណ្តុះបណ្តាលដល់ក្រុមខ្ញុំ និងបងៗក្រុមMST Writer ទាំងអស់ដែលបានចែករំលែកនូវបទពិសោធល្អៗដល់ក្រុមខ្ញុំ និងរៀបចំដាក់ផ្សាយស្នាដៃរបស់សមាជិកគ្រប់គ្នា។ ជាចុងក្រោយសូមអរគុណដល់មិត្តអ្នកអានទាំងអស់ដែលតែងតែគាំទ្រស្នាដៃរបស់ពួកយើង។» លុយ ចំរើន

«នាងខ្ញុំជាសមាជិកម្នាក់មកពីក្រុមនាគា ក៏ជាម្ចាស់ស្នាដៃរឿង “ប្រអប់អថព្វ” សូមអរគុណយ៉ាងជ្រាលជ្រៅទៅដល់បងៗក្រុមការងារ MST Writer និងអ្នកគ្រូម៉ីសនសុធារី ដែលបានបណ្តុះបណ្តាលផ្នែកនិពន្ធនិងតាក់តែងរឿងដល់ខ្ញុំ ឱ្យបានយល់ដឹងពីវិធីតែងនិពន្ធកាន់តែច្បាស់ ដែលធ្វើឱ្យខ្ញុំបានទទួលនូវបទពិសោធល្អៗ មានឱកាសបានពិភាក្សាជាក្រុមនិងចងសម្ព័ន្ធមិត្ត ជាមួយអ្នកនិពន្ធដទៃ។ ម៉្យាងទៀត កម្មវិធីនេះបានផ្តល់ឱកាសឱ្យខ្ញុំបានដាក់ផ្សាយស្នាដៃទៅដល់អ្នកអានបន្ថែមទៀត។ បន្ថែមពីនេះខ្ញុំមានអារម្មណ៍រំភើបនិងសប្បាយរីករាយជាខ្លាំងដែលបានរួមចំណែកក្នុងការសរសេររឿងខ្លី។ បន្ទាប់ពីការដាក់រឿងស្នាដៃរបស់ក្រុមទាំងមូលក្រោមប្រធានបទតែមួយ បានជាប់ក្នុងចំណោម Top 9 ផងដែរ។ ខ្ញុំសូមជូនពរដល់អ្នកអាននិងក្រុមការងារទាំងអស់ឱ្យមានសុខភាពនិងជោគជ័យគ្រប់ភារកិច្ច។» អ៊ឹម អានដាដាណេត

«ជម្រាបសួរ នាងខ្ញុំមាននាមប៉ាកកា “កូនដំបងយក្ស” ជាម្ចាស់ស្នាដៃរឿង “លម្ហបេះដូង” និង “ផ្ទះB17”។ នាងខ្ញុំជាសមាជិកម្នាក់នៃក្រុមនាគារបស់កម្មវិធី MST Writer រដូវកាលទី១ ប្រធានបទ អ្នកនិពន្ធក្រៅសាលា ដែលទើបបញ្ចប់ទៅនាពេលកន្លងទៅ។ ខ្ញុំរីករាយណាស់ដែលបានដាក់ផ្សាយអត្ថបទនៅលើ meysansotheary.com និងបានទទួលនូវមតិយោបល់ណែនាំពីបងៗអ្នកសម្របសម្រួលនៅ MST writer។ តាមរយៈសាច់រឿងកន្លងមកដែលខ្ញុំបានប្រតិដ្ឋឡើងនេះ ខ្ញុំចង់ផ្តល់ឲ្យអ្នកអាននូវអ្វីដែលលើសពីការកម្សាន្តអារម្មណ៍។ នៅក្នុងកម្មវិធីដែរ ខ្ញុំបានទទួលការបណ្តុះបណ្តាលវគ្គតែងនិពន្ធខ្លីពីអ្នកគ្រូ ម៉ីសន សុធារី។ MST Writer ធ្វើឱ្យខ្ញុំមានទំនុកចិត្តក្នុងការសរសេរច្រើនឡើង ទោះបីស្នាដៃខ្ញុំនៅមានកម្រិតក្តី ប៉ុន្តែខ្ញុំបានដឹងថាខ្ញុំមិនបាននៅឯកោដូចកាលពីមុនទៀតទេ វាមិនមែនកិច្ចការដែលខុសគេខុសឯងឡើយ។ ខ្ញុំបានចួបបងៗជាអ្នកនិពន្ធ អាចសុំការណែនាំពីពួកគាត់។ ខ្ញុំសូមលើកទឹកចិត្តដល់អ្នកដែលគិតថាខ្លួនមានទេពកោសល្យផ្នែកនេះឱ្យសាកល្បងចាប់ផ្តើមធ្វើអ្វីដែលខ្លួនស្រឡាញ់។ វាមិនមែនជារឿងចម្លែកនិងគ្មានប្រយោជន៍ឡើយ។» ចាន់ ពុទ្ធី

«ជម្រាបសួរ! នាងខ្ញុំជាសមាជិកក្នុងក្រុមនាគា ហើយក៏ជាម្ចាស់ស្នាដៃរឿង “អាថ៌កំបាំងរាជដំណាក់” ។ នាងខ្ញុំពិតជាសប្បាយរីករាយខ្លាំងណាស់ដែលបានចូលរួមកម្មវិធី MST Writer ក្រោមប្រធានបទ អ្នកនិពន្ធក្រៅសាលា។ សូមអរគុណទៅដល់អ្នកគ្រូ ម៉ីសន សុធារី និងបងៗដែលបានបង្កើតកម្មវិធីនេះឡើង។ ជាមួយគ្នានេះនាងខ្ញុំក៏សូមអរគុណដល់សមាជិកក្រុមនាគា ដែលមានសាមគ្គីភាពល្អនិងចែករំលែកបទពិសោធជាច្រើនជាមួយគ្នា។ ជាចុងក្រោយគឺអរគុណអ្នកអានគ្រប់ៗគ្នាដែលបានគាំទ្រស្នាដៃយើងខ្ញុំរហូតទទួលបាន Top 9» ជាតិ បុលឡា

«ជម្រាបសួរ នាងខ្ញុំមាននាមប៉ាកកា​ “បក្សីតូច” ជាសមាជិកម្នាក់នៅក្នុងក្រុមនាគា ហើយក៏ជាម្ចាស់ស្នាដៃរឿង “ឧក្រិដ្ឋកម្ម7ថ្ងៃ”​ ផងដែរ។ នាងខ្ញុំពិតជារីករាយជាខ្លាំងដែលបានចូលរួមជាមួយនឹងកម្មវិធី MST Writer​​  រដូវកាលទី១  ហើយកាន់តែរីករាយបំផុតនោះគឺស្នាដៃរបស់នាគាទទួលបានការគាំទ្ររហូតទទួលបាន Top 9។ ដូច្នេះហើយខ្ញុំគ្មានអ្វីក្រៅពីអរគុណដល់ អ្នកគ្រូម៉ីសន សុធារី និងក្រុមការងារ MST Writer ដែលបានផ្ដល់ឱកាសនិងជួយបណ្ដុះបណ្ដាលដល់រូបនាងខ្ញុំ ហើយកាន់តែមិនភ្លេចនោះ គឺអរគុណដល់អ្នកទាំងអស់គ្នាចំពោះការស្រឡាញ់ចូលចិត្ត។ ការគាំទ្ររបស់អ្នកទាំងអស់គ្នាគឺជាកម្លាំង   ជម្រុញចិត្តដ៏ធំសម្រាប់ពួកយើង។» ដោយក្ដីគោរពស្រឡាញ់ពីនាងខ្ញុំ វុត រចនា “”បក្សីតូច””

ចុចអាន MST Writerដែលមានអ្នកចូលអានច្រើនជាងគេប្រចាំខែធ្នូ

១.ស្នាដៃក្រុមហង្សៈ «កុំសន្យានូវអ្វីដែលអ្នកមិនដឹងច្បាស់»

មិនខុសពីក្រុមឥន្រ្ទីយ៍ឡើយ បន្ទាប់ពីទទួលបានការបណ្ដុះបណ្ដាលរួចមក យុវនិពន្ធមកពីក្រុមហង្សៈបានដាក់ផ្សាយព្រមគ្នានូវស្នាដៃរបស់ខ្លួនកាលពីថ្ងៃទី១ ខែវិច្ឆិកា ក្រោមប្រធានបទដ៏ព្រឺព្រួច អមដោយការរំលេចចេញនូវបែបផែនពិសេសរៀង​ៗ​ខ្លួន។ ត្រឹមរយៈពេលមួយថ្ងៃដំបូងស្នាដៃរួមគ្នារបស់ហង្សៈបទទួលបានទិន្នន័យអ្នកអានល្អគួរឱ្យកត់សម្គាល់ រហូតមកដល់បំណាច់ខែធ្នូ ស្នាដៃក្រុមមួយនេះបានហក់ឡើងក្នុងមាតិកាកំពូលទី១០ ហើយខាងក្រោមនេះជាចំណាប់អារម្មណ៍របស់ក្រុមហង្សៈ​ជូនដល់អ្នកគាំទ្ររបស់ខ្លួន៖

«ខ្ញុំជាសមាជិកម្នាក់នៅក្រុមហង្សៈ ក៏ជាម្ចាស់ស្នាដៃ “៤៨ម៉ោងបំបែកក្ដីឃាតកម្ម” សូមអរគុណជាពិសេសចំពោះអ្នកគ្រូ ម៉ីសន សុធារី ដែលបានជួយបណ្ដុះបណ្ដាលដល់ក្រុមយើងខ្ញុំ ព្រមទាំងអរគុណដល់សមាជិកក្រុមហង្សៈនិងក្រុមការងារMSTទាំងអស់ ចំពោះការចែករំលែកបទពិសោធល្អៗនិងរៀបចំដាក់ផ្សាយស្នាដៃ។ ម៉្យាងទៀត សូមថ្លែងអំណរគុណដល់មិត្តអ្នកអានទាំងអស់ដែលតែងតែគាំទ្រនិងចូលអានស្នាដៃក្មេងខ្ចីរបស់ពួកយើង។ ខ្ញុំពិតជាសប្បាយរីករាយនិងជឿថាស្នាដៃមួយនេះប្រាកដជាមិនអាចឡើងចូលទៅក្នុង Top 10 បានទេបើគ្មានការចូលរួមរបស់សមាជិកក្រុម និងមិត្តអ្នកអានទាំងអស់គ្នា!» ម៉ក់​ ខេមរិន្រ្ទ

«ខ្ញុំបាទជាសមាជិកនៅក្នុងក្រុមហង្សៈព្រមទាំងជាម្ចាស់ស្នាដៃ “រឿងខោក្បាលគីប” និង “មាស៥ជី” សូមអរគុណដល់អ្នកគ្រូ ម៉ីសន សុធារី ដែលជួយបណ្តុះបណ្តាលផ្នែកតែងនិពន្ធដល់អ្នកនិពន្ធជំនាន់ក្រោយ ហើយក៏សូមអរគុណដល់ក្រុមការងារទាំងអស់ ដែលបានចែករំលែកបទពិសោធរួមទាំងការរៀបចំផ្សព្វផ្សាយស្នាដៃរបស់សមាជិក MST គ្រប់គ្នា។» អ៊ឹង ឆាយលី

«នាងខ្ញុំជាសមាជិកនៅក្នុងក្រុមហង្ស:ដែលបានបញ្ចប់ការបណ្ដុះបណ្ដាលពីអ្នកគ្រូ ម៉ីសន សុធារី ក្នុង MST Writer រដូវកាលទីមួយ។ នាងខ្ញុំពិតរំភើបមែនទែន នៅពេលដែលស្នាដៃមួយរបស់នាងខ្ញុំដែលបានដាក់សម្រាប់ការប្រឡងបញ្ចប់នៅក្រុមហង្ស: ទទួលបានការគាំទ្រពីមិត្តអ្នកអានគ្រប់រូប។ ជាពិសេសស្នាដៃរបស់ក្រុមទាំងមូលក្រោមប្រធានបទតែមួយ បានជាប់ក្នុងចំណោម Top 10។ នាងខ្ញុំពិតជាកោតសរសើរទាំងអ្នកនិពន្ធ ទាំងអ្នកនិយមចូលចិត្តអានប្រលោមលោកគ្រប់រូប។ ជាចុងក្រោយនាងខ្ញុំសូមអរគុណដល់អ្នកគ្រូ និងក្រុមការងារទាំងអស់ដែលបានជួយបង្ហាត់បង្ហាញអំពីការតែងនិពន្ធនេះកន្លងមក។» ឡង់ឌី

«ជាដំបូងនាងខ្ញុំសូមជម្រាបសួរដល់អ្នកគ្រូនិងបងៗក្រុមMST Writerទាំងអស់ នាងខ្ញុំជាសមាជិកម្នាក់ក្នុងក្រុមហង្សៈនិងជាម្ចាស់ស្នាដៃ “រឿងកាក់ខ្មោចហៅ” នាងខ្ញុំពិតជាសប្បាយរីករាយយ៉ាងខ្លាំងដែលបានចូលរួមក្នុងកម្មវិធី MST writer រដូវកាលទី១នេះ សូមអរគុណដល់អ្នកគ្រូ ម៉ីសន សុធារី ដែលជួយបណ្តុះបណ្តាលដល់ក្រុមយើងខ្ញុំ និងបងៗក្រុមMST writer ទាំងអស់ដែលបានចែករំលែកនូវបទពិសោធល្អៗដល់ពួកខ្ញុំ និងរៀបចំដាក់ផ្សាយស្នាដៃរបស់សមាជិកគ្រប់គ្នា មួយវិញទៀតសូមអរគុណដល់មិត្តអ្នកអានទាំងអស់ដែលតែងតែគាំទ្រស្នាដៃរបស់ពួកយើងផងដែរ។» ហោ សុជាតា

«ខ្ញុំបាទឈ្មោះជាម្ចាស់ស្នាដៃ “រឿងកោះមរណៈ” និង “សម្បថលោហិត” សូមអរគុណដល់អ្នកគ្រូ ម៉ីសន សុធារី ដែលជួយ​បណ្តុះ​បណ្តាលផ្នែកតែងនិពន្ធដល់អ្នកនិពន្ធដូចជាខ្ញុំនិងក្មេងៗជំនាន់ក្រោយផងដែរ។ ហើយក៏សូមអរគុណដល់ក្រុមការងារMST writer ទាំងអស់ដែលបានចែករំលែកបទពិសោធល្អៗ រួមទាំងការរៀបចំផ្សព្វផ្សាយស្នាដៃរបស់សមាជិក MST writer ទាំងអស់នៅលើវេបសាយគ្រប់ៗគ្នា ហើយក៏សូមអរគុណដល់មិត្តអ្នកអានទាំងអស់តែងតែគាំទ្រស្នាដៃពួកយើងទាំងអស់គ្នាកន្លងមក។» រ៉េត សុភ័ក្រ

«ជម្រាបសួរ! នាងខ្ញុំជាសមាជិកក្រុមហង្សៈនិងជាម្ចាស់ស្នាដៃ “រឿងលម្អមិត្តសម្លាញ់ខ្ញុំ” ផងដែរ។  នាងខ្ញុំពិតជាមានសេចក្តីសោមនស្សរីករាយយ៉ាងខ្លាំងដែលបានចូលរួមក្នុង MSTwriter រដូវកាលទី១នេះ និងសូមថ្លែងអំណរគុណយ៉ាងជ្រាលជ្រៅដល់អ្នកគ្រូ ម៉ីសន សុធារី ព្រមទាំងបងប្អូនក្រុមការងារទាំងអស់ដែលបានចំណាយពេលដ៏មានតម្លៃបង្ហាត់បង្រៀន និងផ្ដល់ឱកាសឱ្យខ្ញុំ ក៏ដូចជាបងប្អូនដែលស្រលាញ់ការតែងនិពន្ធទាំងអស់បានបញ្ចេញស្នាដៃរបស់ខ្លួន។ ជាចុងក្រោយសូមអរគុណដល់មិត្តអ្នកអានដែលតែងនៅជាមួយពួកយើងតាំងពីចាប់ផ្ដើមមក និងសូមឆ្លៀតឱកាសនេះជូនពរអ្នកគ្រូ បងប្អូន មានសុខភាពល្អ និងជោគជ័យគ្រប់ភារកិច្ច។» ជេន

២. អ្នកនិពន្ធ បូណា រ៉ូហ្សា នាមប៉ាកកា មីងអ៊ិ ម្ចាស់រឿង«ផ្កាយព្រះគ្រោះ»

ជម្រាបសួរអ្នកអានទាំងអស់គ្នា! រឿង«ផ្កាយព្រះគ្រោះ»នេះ ខ្ញុំសរសេរឡើងមកដោយផ្អែកតាមការស្រមើស្រមៃសុទ្ធសាធ។ នៅក្នុងកំឡុងពេលដែលសរសេររឿងនេះឡើង នាងខ្ញុំបានមានរឿងរកាំរកូសមួយចំនួនកើតឡើងនៅក្នុងបណ្ដាញសង្គម ជាហេតុធ្វើអោយដំណើរសាច់រឿងដែលគ្រោងទុកឡើងមកនោះត្រូវបានផ្លាស់ប្ដូរស្ទើរតែទាំងស្រុងទៅតាមអារម្មណ៍ប្រែប្រួលរបស់អ្នកសរសេរ។

នៅពេលដែលសរសេររឿងនេះចប់ ក៏ដូចជាបានចេញផ្សាយនេះហើយទៀត នាងខ្ញុំនៅតែមានអារម្មណ៍ថាមិនទាន់ពេញចិត្តនឹងដំណើររឿងនេះទាំងស្រុងឡើយ ដ្បិតអីវាដូចជាមានអារម្មណ៍ថាសរសេរមិនទាន់ដាក់មនោសញ្ចេតនាដល់ ក៏ដូចជាការរៀបរាប់ហេតុការណ៍មិនសូវបានក្បោះក្បាយ ប៉ុន្តែទុក្ខកង្វល់អស់នេះវាក៏ស្បើយបាត់ទៅតាមពេលវេលាដែលកន្លងផុតទៅ នៅពេលដឹងថារឿងផ្កាយព្រះគ្រោះក្លាយជា Top11 នោះនាងខ្ញុំរំភើបចិត្តសឹងតែស្រក់ទឹកភ្នែកព្រោះថាការដាក់ផ្សាយរឿងនៅលើគេហទំព័រ MST writer នេះខ្ញុំមិនដែលរំពឹងទុកថានឹងបានក្លាយជាTopអ្វីទេ គោលបំណងត្រឹមចង់ឱ្យអ្នកដែលនិយមចូលចិត្តអានរឿងនិងអ្នកដែលមានរសនិយមដូចជាខ្ញុំបានអានកម្សាន្តលែងតែប៉ុណ្ណោះ។

ជាចុងក្រោយ អ្នកសរសេរដ៏សែនខ្ចីគំនិតម្នាក់នេះសូមអរគុណដល់មិត្តអ្នកអានទាំងអស់គ្នាដែលបានចំណាយពេលវេលាដ៏មានតម្លៃមកអានរឿងនេះ ហើយក៏សង្ឃឹមថាបន្ទាប់ពីអានរឿងនេះហើយអ្នកទាំងអស់គ្នានឹងមានអារម្មណ៍កក់ក្ដៅ រំភើបជាមួយនឹងស្នេហារបស់លោកមេទ័ពប៉វិនដែលមានចំពោះសៀវស៊ីង ក៏ដូចជាជូនពរអោយអ្នកទាំងអស់គ្នាអាចរកបានប៉វិនរបស់ខ្លួនផងដែរ។

ស្រឡាញ់និងគោរពអ្នកទាំងអស់គ្នា។

មីងអ៊ិ

៣. អ្នកនិពន្ធ អឿន ស្រីនាង នាមប៉ាកកា ជូហ្វី ម្ចាស់រឿង«ស្រមោលស្នេហ៍»

សួស្តីមិត្តៗអ្នកអានទាំងអស់គ្នា! ខ្ញុំគឺ “ស្រីនាង” មាននាមប៉ាកកាថា “ជូហ្វី” ដែលបានដាក់ផ្សាយស្នាដៃចំនួន២ នៅក្នុង MST Writer ដែលរឿងទាំងពីរមានចំណងជើងថា “រឿង ស្រមោលស្នេហ៍” និង “រឿង ធ្លាប់ជាសង្សារកាលមុននាងស្លាប់ វគ្គខ្ចីរាងកាយ”។

ក្នុងអំឡុងពេលថ្មីៗនេះដែរ នាងខ្ញុំមានសេចក្តីរីករាយជាខ្លាំងដែរស្នាដៃមួយក្នុងចំណោមស្នាដៃទាំងពីរដែលខ្ញុំបានដាក់ផ្សាយនៅ MST Writer បានកើនឡើងចំនួនអ្នកចូលអានរហូតដល់ Top12 គឺ រឿងស្រមោលស្នេហ៍ ដែលធ្វើអោយនាងខ្ញុំទទួលបានប្រាក់ចំណូលមួយចំនួនជាការលើកទឹកចិត្តពីខាងក្រុមការងារ។ តាំងពីដើមមកខ្ញុំគ្មានបំណងដែលគិតឡើយ ថារឿងដែលខ្ញុំសរសេរអាចឡើងមកដល់ចំណុចនេះ ហើយវាក៏ធ្វើឱ្យខ្ញុំចំណាយពេលនិងកម្លាំងអស់ជាច្រើនដែរតែខ្ញុំក៏សប្បាយរីករាយជាខ្លាំងពេលដែលដឹងថាស្នាដៃរបស់នាងខ្ញុំពិតជាមានអ្នកនៅចាំគាំទ្រពិតមែន។

តាមពិតទៅខ្ញុំមិនសូវជាមានសង្ឃឹមឡើយថារឿងនេះនឹងបានឡើងដល់ចំណុចនេះដែរតែខ្ញុំក៏មិនបន្តបោះបង់វាចោលដោយងាយ​ៗដូចគ្នា។ ខ្ញុំតែងព្យាយាមផ្ញើសារទៅអ្នកស្គាល់គ្នាឱ្យជួយគាំទ្រសាច់រឿងរបស់ខ្ញុំហើយពេលទំនេរខ្ញុំក៏ឆ្លៀតពេលធ្វើជា Posterទូទៅដើម្បីផុសនៅលើបណ្តាញសង្គម Facebook ដើម្បីឱ្យរឿងនាងខ្ញុំកាន់តែមានអ្នកគាំទ្រ។ ជាក់ស្តែងនាងខ្ញុំតែងតែ Share ស្នាដៃនាងខ្ញុំបន្តម្តងហើយម្តងទៀតជារឿយៗដោយលាយឡំនិងការបរិយាយខ្លះៗដើម្បីទាក់ទាញចំណាប់អារម្មណ៏មិត្តៗអ្នកអាន។

ជាចុងក្រោយខ្ញុំសូមអរគុណទៅដល់អ្នកគ្រូនឹងក្រុមការងារទាំងអស់ នឹងសូមអរគុណទៅដល់មិត្តៗអ្នកអានទាំងអស់ដែលបានជួយគាំទ្រនឹងអានរឿងនាងខ្ញុំដែលបានដាក់ផ្សាយនៅលើវេបសាយ https://www.meysansotheary.com ។

សូមកុំបោះបង់ចោលក្តីសង្ឃឹមអោយសោះមិនថាវាមានភាគរយតិចយ៉ាងណាក៏ដោយ!

៤. អ្នកនិពន្ធ ស៊ាម ស៊ិនវីរៈបូរមី ម្ចាស់រឿង «បឹងអាគម»

សូមជម្រាបសួរ នាងខ្ញុំឈ្មោះ ស៊ាម ស៊ិនវីរៈបូរមី បានចូលរួមក្នុងកម្មវិធី MST writer រដូវកាលទី១ និងជាសមាជិកនៃក្រុម នាគា​។ ក្នុងរដូវកាលនេះ “រឿងបឹងអាគម” របស់នាងខ្ញុំទទួលបាន Top 13 និងទទួលបានប្រាក់រង្វាន់លើកទឹកចិត្តពីក្រុមការងារផងដែរ។ នាងខ្ញុំពិតជាមានសេចក្ដីរីករាយយ៉ាងខ្លាំងដែលសាច់រឿងដំបូងរបស់នាងខ្ញុំក្នុងកម្មវិធី MST Writer មានការគាំទ្ររហូតជាប់ចំណាត់ថ្នាក់បែបនេះ។ លើសពីប្រាក់រង្វាន់លើកទឹកចិត្ត ក្នុងពេលថ្មីៗនេះ នាងខ្ញុំក៏ទទួលបាននូវការរៀនវគ្គខ្លីដោយឥតគិតថ្លៃ ដោយមានការចែករំលែកបទពិសោធពីអ្នកគ្រូម៉ីសន សុធារី ផ្ទាល់។ ក្រោយពីបានសិក្សាវគ្គតែងនិពន្ធមួយ​រយៈ​នេះខ្ញុំសង្កេតឃើញថានាងខ្ញុំ និងសមាជិកក្នុងក្រុមពិតជាមានការអភិវឌ្ឍសមត្ថភាពផ្នែកសរសេរ និងនិពន្ធបានច្រើនជាងមុនមួយកម្រិតទៀត។

ជាចុងក្រោយនាងខ្ញុំសូមគោរពអរគុណដល់លោកឪពុក ស៊ាម សេងហំ និងអ្នកម្ដាយ អែប ធាវី ដែលតែងតែចាំជួយផ្ដល់កម្លាំងចិត្តដល់រូបកូន។ ហើយក៏សូមថ្លែងអំណរគុណដល់អ្នកគ្រូ ម៉ីសន សុធារី ដែលបានបង្កើតកម្មវិធីនេះឡើង និងសមាជិកក្រុមអ្នកនិពន្ធ MST Writer ទាំងអស់ដែលចូលរួមយ៉ាងសកម្មក្នុងកម្មវិធីសិក្សាវគ្គខ្លីអ្នកនិពន្ធក្រៅសាលានេះ ព្រមទាំងមិនភ្លេចអរគុណជាអនេកដល់ប្រិយមិត្តអ្នកអានទាំងអស់ដែលបានជួយគាំទ្រ និងបានបញ្ចេញជាមតិលើរឿងរបស់នាងខ្ញុំ។

៥. អ្នកនិពន្ធ ទឹម ផល្លីនដា​នាមប៉ាកកាវិនិទ្រា ម្ចាស់រឿង «បាត់ខ្លួន២១ឆ្នាំ»

សួស្ដីមិត្តអ្នកអានទាំងអស់គ្នា! នាងខ្ញុំ វិនិទ្រា ជាម្ចាស់រឿង “បាត់ខ្លួន២១ឆ្នាំ” នាងមានអារម្មណ៍សប្បាយរីករាយជាខ្លាំងដែលរឿងរបស់នាងខ្ញុំបានចូលដល់ Top14 នៅក្នុងខែនេះ ថ្វីដ្បិតថាត្រូវចំណាយពេលយូរគួរសមដើម្បីឡើងមកដល់ត្រឹមនេះ ក៏នាងខ្ញុំនៅតែសប្បាយរីករាយចំពោះការព្យាយាមរហូតមានលទ្ធផលដូចជាពេលនេះ។ ជាចុងក្រោយសូមអោយមិត្តអ្នកទាំងអស់គ្នានៅតែបន្តអានស្នាដៃរបស់អ្នកនិពន្ធដទៃទៀតដើម្បីឱ្យពួកគេមានកម្លាំងចិត្តដើរបន្តទៅទៀត។

សូមអរគុណ!

៦. អ្នកនិពន្ធ ចាន់ លីហ័រ ម្ចាស់រឿង «សំណែនស្រីក្រមុំ»

ក្រោយពេលឃើញការប្រកាសពីកម្មវិធី  MST Writer ដំបូងពេលនោះអ្វីដែលខ្ញុំចាប់អារម្មណ៍គឺមានអ្នកចូលរួមច្រើន ដែលទាក់ទាញចំណាប់អារម្មណ៍ខ្ញុំក្នុងការអានដោយសារខ្ញុំចូលចិត្តអាន  ហើយជំហានបន្ទាប់ខ្ញុំចាប់ផ្តើមសរសេរសាច់រឿងប្រលោមលោកមួយដើម្បីចូលរួមផងដែរ។  មូលហេតុដែលខ្ញុំសម្រេចចិត្តយករឿងរបស់ខ្ញុំមកដាក់ផ្សាយពីព្រោះខ្ញុំចង់បង្ហាញស្នាដៃរបស់ខ្ញុំជាសាធារណៈដើម្បីឱ្យអ្នកគ្រប់គ្នាបានអាននិងទទួលស្គាល់ផងដែរ  អ្វីដែលរឹតតែពិសេសនោះខ្ញុំចង់លើកកម្ពស់ការអានដល់ប្រជាជនកម្ពុជា។  រឿងរបស់ខ្ញុំនិយាយអំពីក្មេងស្រីម្នាក់បានលះបង់ជីវិតខ្លួនឯងដើម្បីជួយគ្រួសារនិងមនុស្សជុំវិញខ្លួនដោយការថ្វាយខ្លួនជាសំណែននៅក្នុងភូមិគ្រឹះមួយដែលការរស់នៅក្នុងសម័យអតីតកាល។  កម្លាំងបណ្តូលចិត្តនោះពុំមានជាអ្វីធំដុំនោះទេគឺដោយសារការអានច្រើនពីសៀវភៅនានា  និងការស្វែងយល់ពីសង្គមទើបបណ្តាលឱ្យមានកម្លាំងចិត្តនិងគំនិតក្នុងការបំផុសរឿងនេះ។ 

ក្រោយពីបានចេញផ្សាយរឿងនេះហើយខ្ញុំពិតជាសប្បាយចិត្តឥតឧបមា ដោយមិននឹកស្មានថាខ្លួនអាចសរសេររឿងនេះបានយ៉ាងរលូននិងដាក់ផ្សាយជាសាធារណៈ។  ខ្ញុំក៏ធ្លាប់គិតថាសាច់រឿងរបស់ខ្ញុំអាចចូលបានដល់ Top 10 ឬ Top 5 ដែរប៉ុន្តែក្តីសង្ឃឹមនេះមានតែ 40-50%នោះទេ  ពីព្រោះជាសាច់រឿងមុនដំបូងដែលខ្ញុំសរសេរអាចថានៅមានចំណុចខ្វះខាត។  ក្រោយពីបានចូលដល់ Top 15 នាងខ្ញុំមានសេចក្តីសប្បាយយ៉ាងខ្លាំងរកពាក្យថ្លែងមិនឃើញដោយមិននឹកស្មានថារឿងខ្ញុំទទួលបានការអានយ៉ាងច្រើនលើសលប់ខុសពីការដែលរំពឹងទុក។  វិធីដែលខ្ញុំអាចជួយឱ្យរឿងរបស់ខ្ញុំមានអ្នកអានគឺខ្ញុំគិតទៅលើអក្ខរាវិរុទ្ធ  អត្ថន័យនិងអត្ថរសជាដើម។  ជាចុងក្រោយនេះដែលខ្ញុំគ្មានពាក្យអ្វីក្រៅពីអគុណដល់អ្នកអានទាំងអស់ជាទីស្រឡាញ់  ហើយយ៉ាងណាមិញសម្រាប់អ្នកដែលអ្នកចង់បញ្ចេញនូវស្នាដៃខ្លួនដោយមិនដឹងធ្វើបែបណាគួរតែកុំភ្លេច MST Writer ដែលពួកគាត់អាចសម្រេចក្តីសុបិនយើងបាន។

គួរបញ្ជាក់ផងដែរថា រដូវកាលទី១បានឈានមកដល់ទីបញ្ចប់ហើយ! ក្រុមការងារ MST Writer សូមអរគុណជាពន្លឹកដល់អ្នកនិពន្ធម៉ីសន សុធារី ដែលជឿទុកចិត្ត ផ្តល់ឱកាស បទពិសោធ ព្រមទាំងបង្ហាត់បង្ហាញ ចែករំលែកនិងអនុគ្រោះក្នុងការបំពេញការងារកន្លងមកប្រកបដោយភាពកក់ក្តៅ។ យើងខ្ញុំសូមអរគុណជាអនេកដល់អ្នកនិពន្ធទាំងអស់ ដែលបានចូលរួមជាមួយយើងខ្ញុំដោយស្វិតស្វាញ ដើម្បីដើរទៅមុខជាមួយគ្នាបន្តទៀត។ ក្រុមការងារសូមសម្ដែងការអរគុណដោយស្មោះអស់ពីដួងចិត្ត និងអភ័យទោសរាល់កំហុសបច្ចេកទេសត្រង់ប្រការណាមួយដោយចៃដន្យឬអចេតនាក្តី។ ជាពិសេសសូមថ្លែងអំណរគុណដល់ប្រិយមិត្តអ្នកអាន ដែលតែងតែមានវត្តមានផ្តល់ជាកម្លាំងចិត្តជាពិសេសទៅអ្នកនិពន្ធរបស់យើង ឱ្យសម្រេចបានស្នាដៃដែលច្រើនលើសពីការរំពឹងទុក។

ខាងក្រោមនេះជាសារខ្លីៗពីអ្នកនិពន្ធម៉ីសន សុធារីក្នុងការបញ្ចប់រដូវកាលទី១នេះ ៖

«សួស្តីទាំងអស់គ្នា! កម្មវិធី MST writer រដូវកាលទីមួយ “អ្នកនិពន្ធក្រៅសាលា” បានបញ្ចប់ហើយនៅយប់ចុងក្រោយនៃឆ្នាំ២០២១ នេះ! សង្ឃឹមថា កម្មវិធី MST Writer លើកក្រោយនឹងនាំមកនូវប្រធានបទថ្មី  ជំរុញទឹកចិត្ត ជាងលើកនេះ ថែមទាំង មានអ្នកចូលរួមកាន់តែច្រើនឡើង! សម្រាប់អ្នកដែលបានប្រគល់ប្រលោមលោក និងបានចេញផ្សាយស្នាដៃរួចហើយ នៅតែបន្តមានឱកាសទទួលបានរង្វាន់ជានិច្ច រហូតដល់មានសេចក្តីជូនដំណឹងជាថ្មី! រយៈពេលនេះដែរ ក្នុងករណីអ្នកនិពន្ធមានស្នាដៃនិងចង់ចូលរួមចេញផ្សាយនៅលើវេបសាយ យើងខ្ញុំនៅតែបន្តទទួលមកពិនិត្យនិងជូនរង្វាន់តាមរបៀបដដែល គឺ Top10 រង្វាន់50 ដុល្លារ និង Top5 រង្វាន់១០០ដុល្លារ ប្រចាំខែ។ ការចេញផ្សាយស្នាដៃក្រៅគម្រោង MST Writer នឹងដាក់បញ្ចូលក្នុងចង្កោមមាតិការឿងខ្លី ឬរឿងភាគ នៃ meysansotheary.com ជាមួយអ្នកនិពន្ធមានបទពិសោធផ្សេងៗជាច្រើនរូបទៀត។ 

សួស្តីឆ្នាំថ្មី២០២២!»

ចុចអាន MST Writerដែលមានអ្នកចូលអានច្រើនជាងគេប្រចាំខែវិច្ឆិកា

ដោយឡែកលទ្ធផលសម្រាប់ខែវិច្ឆិកានេះផ្ទាល់ ឃើញថាមានការប្រកៀកប្រកិតគ្នាជាខ្លាំង ហើយមានទាំងស្នាដៃបុគ្គលនិងក្រុមផងទទួលបានចំនួនអ្នកចូលអានច្រើនដាច់គេ ទាំងដែលពេលខ្លះបានតួលេខច្រើន វ៉ាដាច់រឿងរបស់អ្នកនិពន្ធម៉ីសនសុធារីមួយចំនួនថែមទៀតផង។

១.ស្នាដៃក្រុមឥន្រ្ទីយ៍ទាំង១០ «ធ្លាប់ជាសង្សារកាលមុននាងស្លាប់»

បន្ទាប់ពីទទួលបានការបណ្ដុះបណ្ដាលរួចមក យុវនិពន្ធទាំងដប់រូបបានដាក់ផ្សាយព្រមគ្នា នូវស្នាដៃរបស់ខ្លួនកាលពីថ្ងៃទី១កន្លងទៅ បន្ថែមពីលើរឿងខ្លី(បុគ្គល) ដែលធ្លាប់ចេញផ្សាយរួចមកហើយ ក្រោមការរំលេចចេញតាមបែបផែនពិសេសរៀងៗខ្លួន។ ត្រឹមរយៈពេល៣០ថ្ងៃដំបូងប៉ុណ្ណោះ ស្នាដៃក្រុមមួយនេះបានហក់ឡើងក្នុងមាតិកាកំពូលទី៦របស់ខែវិច្ឆិកា ហើយខាងក្រោមនេះជាចំណាប់អារម្មណ៍របស់ក្រុមឥន្រ្ទីយ៍ជូនដល់អ្នកគាំទ្ររបស់ខ្លួន៖

«ខ្ញុំមានអារម្មណ៍រំភើបរីករាយជាខ្លាំង ដែលបានចូលរួមសរសេរសាច់រឿង “ធ្លាប់ជាសង្សារកាលមុននាងស្លាប់” វគ្គ “ឈាមស្រែកស្បែកហៅ” ហើយត្រូវបានមិត្តអ្នកអានពេញចិត្ត និងបានជាប់នៅក្នុងចំណោម Top 10 ព្រមទាំងទទួលបាននូវប្រាក់រង្វាន់ពិតៗ។ ខ្ញុំសូមថ្លែងអំណរគុណចំពោះបងស្រី ម៉ីសន សុធារី ដែលបានបង្កើតកម្មវិធីនេះឡើង ផ្តល់ឱកាសឱ្យពួកខ្ញុំបានចូលរួមរៀនវគ្គនិពន្ធរយៈពេលខ្លី តែទទួលបាននូវចំណេះដឹងជាច្រើន ពីការតែងនិពន្ធនិងគន្លឹះសំខាន់ៗ ស្គាល់ពីគុណតម្លៃរបស់អ្នកនិពន្ធ បណ្តុះគំនិតអប់រំ ការចែករំលែក ការផ្តល់ឱ្យដោយមិនទាមទារផលតបស្នងពីមិត្តអ្នកអាន ធ្វើដោយឆន្ទៈក្តីស្រលាញ់ពិតៗ។» ជិន សូនីន

«នាងខ្ញុំរីករាយដែលបានដាក់ស្នាដៃ ក្នុង MST Writer និងទទួលបាន វគ្គសិក្សាស្ដីពីការតែងនិពន្ធជាមួយអ្នកគ្រូ។ ក្រោយបញ្ចប់វគ្គ ក្រុមឥន្រ្ទីយ៍យើងទាំង១០នាក់បាន សរសេររឿង “ធ្លាប់ជា សង្សារកាលមុននាងស្លាប់” ម្នាក់មួយចំណងជើង។ នាងខ្ញុំពិតជាសប្បាយចិត្តដែលស្នាដៃក្រុមយើង ចេញផ្សាយ១ខែដំបូងនេះទទួលបានអ្នកអានច្រើន ឈរនៅលេខរៀងទី៦នៃតារាង» ហេង អ៊ីឈង

«នាងខ្ញុំពិតជាសប្បាយចិត្តមែនទែនដែលបានចូលរួមជាមួយក្រុមឥន្រ្ទីយ៍ ជាពិសេសទទួលបានការសិក្សាវគ្គខ្លីទៅលើប្រធានបទមួយគឺ “សិក្សារចនាសម្ព័ន្ធរឿងវគ្គដំបូង” ជាមួយអ្នកគ្រូដោយផ្ទាល់។ ខ្លួនខ្ញុំផ្ទាល់ពិតជារីករាយជាខ្លាំងចំពោះស្នាដៃរបស់ក្រុមយើងដែលមានចំនួនអ្នកអានច្រើន រហូតធ្វើឱ្យសាច់រឿងឈរនៅលេខរៀងទី៦នៃតារាងប្រចាំខែវិច្ឆិកា» ឆេន សុខណេត

«ខ្ញុំបាទជាសមាជិកក្រុមឥន្ទ្រីយ៍ MST Writer ជំនាន់ទីមួយ ហើយខ្ញុំពិតជាមានអារម្មណ៍សប្បាយរីករាយយ៉ាងខ្លាំងដែលបានចូលរួមជាមួយ និងបានបញ្ចាប់វគ្គសិក្សាស្តីអំពីការតែងនិពន្ធ ព្រមទាំងទទួលបានចំណេះដឹងជាច្រើន ហើយបានដាក់ផ្សាយ Assignment ក្រោយពីវគ្គសិក្សាបញ្ចប់ ហើយបានឈរនៅក្នុង Top 10 ទៀតផង។ ខ្ញុំសូមអគុណអ្នកគ្រូនិងបងៗដែលបានរៀបចំឱ្យមានកម្មវិធីនេះឡើង  ដើម្បីឱ្យអ្នកដែលស្រលាញ់ការតែងនិពន្ធមានឱកាសបញ្ចេញស្នាដៃរបស់ខ្លួន» សៀក  ម៉ាវិន

«នាងខ្ញុំមាននាមប៉ាកកា ទំព័រមយូរ៉ា ជាសមាជិកនៅក្នុងក្រុមឥន្រ្ទីយ៍ មានសេចក្ដីរំភើបចិត្តណាស់ដែលស្នាដៃតែងនិពន្ធរបស់ក្រុមឥន្ទ្រីយ៍យើងខ្ញុំបានទទួលការគាំទ្ររហូតឈានទៅដល់ Top10 ហើយវាក៏ជាអនុស្សាវរីយ៍ដ៏ល្អមួយដែលសមាជិកទាំង១០រូបមានឱកាសបង្កើតស្នាដៃរៀងខ្លួន ក្រោមប្រធានបទតែមួយ។ ខ្ញុំសូមអរគុណដល់អ្នកនិពន្ធ អ្នកគ្រូម៉ីសន សុធារី ដែលបានចំណាយពេលវេលាដ៏មានតម្លៃសម្រាប់វគ្គបណ្តុះបណ្តាលដោយឥតគិតថ្លៃ ជាកិត្តិយសណាស់ដែលនាងខ្ញុំមាន​ឱកាស​បានចូលរួមរៀនអំពីការតែងនិពន្ធជាមួយអ្នកគ្រូដោយផ្ទាល់» ឆុង ធឿន

«នាងខ្ញុំមាននាមប៉ាកកា កូន ជ្រូកខ្មៅ ស្ថិតក្នុងក្រុមឥន្ទ្រីយ៍។ ខ្ញុំពិតជារីករាយខ្លាំងណាស់ដែលមានឱកាសបានបញ្ចេញស្នាដៃសំណេររបស់ខ្ញុំទៅកាន់មិត្តបងប្អូនអ្នកអាន ក្នុងនោះទៀតសោតរឿងដែលភ្ញាក់ផ្អើលបានកើតឡើងសម្រាប់ស្នាដៃក្រុមឥន្ទ្រីយ៍របស់ខ្ញុំ គឺបានទទួលការចូលអានច្រើនស្ថិតក្នុង Top10។ រួមនឹងក្តីរំភើបនេះ ខ្ញុំពិតជាអរគុណអ្នកគ្រូ ម៉ីសន សុធារីជាខ្លាំង ដែលអ្នកគ្រូបានបើកឱកាសនេះដល់អ្នកដែលគាត់ស្រលាញ់ការសរសេរ និងមានបំណងចង់បង្ហាញស្នាដៃរបស់ខ្លួន តែមិនដឹងថា គួរធ្វើយ៉ាងណាឱ្យក្តីស្រមៃរបស់ខ្លួនក្លាយជាការពិត។ ចូលរួមនៅ MST Writer អ្នកនឹងដឹងថា ក្តីស្រមៃរបស់អ្នក គឺនៅជិតខ្លួនអ្នក! តែសូមប្រាប់រឿងមួយទៀតណា៎ បើសាច់រឿងយើងមានអ្នកចូលអានច្រើន នោះនឹងមានរង្វាន់លើកទឹកចិត្តទៀត ក្រុមឥន្ទ្រយ៍បើករួចរាល់ហើយ» ម៉ែន ស្រីពៅ

«នាងខ្ញុំមាននាមប៉ាកកាវិនិទ្រា ដែលស្ថិតក្នុងក្រុមឥន្ទ្រីយ៍ ពិតជាមានអារម្មណ៍រំភើបជាអនេកដែលស្នាដៃរួមក្រុមរឿង “ធ្លាប់ជាសង្សារកាលមុននាងស្លាប់” ក្នុងវគ្គ “បាត់ខ្លួន២១ឆ្នាំ” ត្រូវបានឈានជើងចូលតារាង Top 10 ក្នុងខែនេះ។ សូមអរគុណសម្រាប់ការគាំទ្រនិងចូលរួមអាន អរគុណអ្នកគ្រូដែលផ្ដល់ឪកាសអោយអ្នកជំនាន់ក្រោយបានបញ្ចេញស្នាដៃរបស់ខ្លួន និងអរគុណអ្នកគ្រប់គ្នាដែលស្ថិតនៅក្រោយភាពជោគជ័យមួយនេះ» ទឹម ផល្លីនដា

«ខ្ញុំបាទមាននាមប៉ាកកា ទឹកភ្នែកសម្ងាត់ គឺជាសមាជិកមួយរូបនៅក្នុងក្រុមឥន្ទ្រីយ៍ ពិតជាមានអារម្មណ៍ភ្ញាក់ផ្អើលយ៉ាងខ្លាំងនៅពេលដែលដឹងថាស្នាដៃរួមគ្នាទាំង១០រឿងនៅក្នុងក្រុមឥន្ទ្រីយ៍ដែលមានប្រធានបទ “ធ្លាប់ជាសង្សារកាលមុននាងស្លាប់” ដែលមានស្នាដៃរបស់ខ្ញុំផងដែរក្រោមចំណងជើង”សត្រូវស្នេហា” ទទួលបាននូវចំណាត់ថ្នាក់លេខ៦ ប្រចាំខែវិច្ឆិកា។ ខ្ញុំសូមគោរពអរគុណអ្នកគ្រូ ម៉ីសន សុធារី និងបងៗក្រុមការងារទាំងអស់ចំពោះការបង្កើតនូវកម្មវិធីមួយនេះឡើង។ MST Writer គឺពិតជារួមចំណែកឱ្យយុវជនជំនាន់ក្រោយបានបញ្ចេញនូវក្ដីស្រលាញ់និងទេពកោសល្យនៃការតាក់តែងនិពន្ធរបស់ពួកគាត់ទៅកាន់មិត្តអ្នកអាន។ នេះគឺជាមធ្យោបាយមួយដែលកាន់តែធ្វើឱ្យពួកគាត់ទទួលបាននូវចំណេះដឹងនិងបទពិសោធថ្មីៗដើម្បីអភិវឌ្ឍខ្លួនឱ្យមានភាពរីកចម្រើនលើវិស័យតែងនិពន្ធថែមមួយកម្រិតទៀត។» សុំ សុធារ៉ា

«ខ្ញុំបាទពិតជាមានក្តីសោមនស្សរីករាយជាពន្លឹក ស្របពេលដែលការងារជាក្រុមរបស់ខ្ញុំក្រោយពីបានសិក្សាវគ្គខ្លីជាមួយអ្នកគ្រូ ក្រោមចំណងជើងថា “ធ្លាប់ជាសង្សារកាលមុននាងស្លាប់” ទទួលបានអ្នកអានច្រើនរហូតចូល Top 10។ ខ្ញុំសូមអរគុណដល់អ្នកគ្រូនិងក្រុមការងារដែលមានចំណាយពេលវេលាដ៏មានតម្លៃដើម្បីរៀបចំកម្មវិធីនេះឡើង ហើយក៏សូមអរគុណដល់អ្នកអានទាំងអស់គ្នាដែលបានគាំទ្រស្នាដៃជាសហនិពន្ធរបស់ខ្ញុំផងដែរ។» ហ៊ុយ សារ៉ាត់

២.អ្នកនិពន្ធ សុំ សុធារ៉ា ម្ចាស់រឿង«កេសាចងពៀរ»

ខ្ញុំបាទសុំ សុធារ៉ា មាននាមប៉ាកកា “ទឹកភ្នែកសម្ងាត់” គឺជាម្ចាស់ស្នាដៃរឿង “កេសាចងពៀរ” និងរឿង “ម៉ែយាយ” ដែលបានចេញផ្សាយនៅ MST Writer ហើយខ្ញុំក៏ជាសមាជិកមួយរូបនៅក្នុងក្រុមឥន្ទ្រីយ៍ MST Writer រដូវកាលទីមួយនេះផងដែរ។ ខ្ញុំពិតជាមានអារម្មណ៍ភ្ញាក់ផ្អើលនិងរីករាយរំភើបជាអតិបរមានៅពេលដែលខ្ញុំបានដឹងថារឿង “កេសាចងពៀរ” របស់ខ្ញុំបានជាប់ក្នុងលំដាប់លេខរៀងទី១០ក្នុងខែវិច្ឆិកាដែលកន្លងទៅថ្មីៗ។ នេះគឺជារឿងមួយដែលខ្ញុំមិននឹកស្មានដល់ព្រោះវាគឺជាលើកទីមួយសម្រាប់ខ្ញុំដែលទទួលបាននូវរង្វាន់លើកទឹកចិត្តពីអ្នកគ្រូចំពោះរឿង “កេសាចងពៀរ” ដែលជាប់ក្នុងលំដាប់លេខរៀងទី១០បែបនេះ។

គួររំឭកផងដែរថាកម្មវិធី MST Writer គឺជាកម្មវិធីមួយដែលអនុញ្ញាតឱ្យមិត្តៗដែលស្រឡាញ់នូវវិស័យតែងនិពន្ធមានឱកាសបានបញ្ចេញនូវស្នាដៃរបស់ខ្លួនតាមរយ:ការសរសេរសាច់រឿងដាក់ផ្សាយក្នុង MST Writer ដែលមានរយ:ពេលចាប់ពីខែកញ្ញាដល់ខែមករា។ ចំពោះស្នាដៃជាសាច់រឿងរបស់ពួកយើងនោះទៀតសោតគឺមិនត្រូវបានកំណត់ប្រធានបទនោះទេពោលគឺមានន័យថាពួកយើងជាអ្នកនិពន្ធអាចសរសេរនូវសាច់រឿងមួយដែលរំលេចនូវប្រធានរឿងមូលបញ្ហារឿងនិងប្រភេទរឿងបែបណាក៏បានមិនថាជាសាច់រឿងបែបមនោសញ្ចេតនាស្នេហា បែបអភិនីហារ បែបឧក្រិដ្ឋកម្មស៊ើបអង្កេត បែបព្រឺព្រួចភ័យរន្ធត់តក់ស្លុត ឬជាសាច់រឿងបែបអប់រំក្ដី។ ម្យ៉ាងវិញទៀតពួកយើងអាចសរសេរសាច់រឿងរបស់យើងដោយមិនកំណត់ចំនួនទំព័រនោះឡើយ (អាចជាប្រភេទរឿងខ្លី ឬប្រលោមលោកខ្នាតខ្លី)។ ក្រុមការងារខាង MST Writer និងជួយសម្រួលពួកយើងទៅលើការកែលម្អសាច់រឿងរបស់យើងមុននឹងចេញផ្សាយ ការរចនាក្របរឿងនិងយុទ្ធនាការផ្សព្វផ្សាយស្នាដៃប្រកបដោយតម្លាភាពជាដើម។ កាន់តែពិសេសទៅទៀតនោះ ចំពោះសាច់រឿងរបស់យើងដែលបានចេញផ្សាយនៅលើ MST Writer នឹងមានការបូកសរុបរៀងរាល់ចុងខែម្ដង ដែលក្នុងពេលនោះបើសិនជាសាច់រឿងរបស់យើងទទួលបាននូវការទស្សនាច្រើនឈានចូលដល់លំដាប់លេខរៀងពីលេខ១ដល់លេខ១០នោះយើងនឹងទទួលបាននូវរង្វាន់លើកទឹកចិត្តជាទឹកប្រាក់ដូចជារឿង “កេសាចងពៀរ” របស់ខ្ញុំជាឧទាហរណ៍ស្រាប់។ បន្ថែមពីនេះទៀតចំពោះរឿងដែលស្ថិតក្នុងលំដាប់ពីលេខរៀងទី11ដល់លេខរៀងទី15ក៏មានឱកាសទទួលបាននូវរង្វាន់លួងចិត្តផងដែរ។

អ្វីដែលគួរកត់សម្គាល់នឹងរំភើបជាងនេះទៅទៀតនោះគឺពួកយើងជាម្ចាស់រឿងមានឱកាសបានចូលរៀនវគ្គតែងនិពន្ធខ្លីមួយជាមួយអ្នកគ្រូ “ម៉ីសន សុធារី” ដែលជាស្ថាបនិកកម្មវិធី MST Writer និងជាអ្នកនិពន្ធដែលពោរពេញដោយសមត្ថភាព ទេពកោសល្យនិងប្រជាប្រិយភាព។ នៅក្នុងឱកាសនោះពួកយើងនឹងអាចទទួលបាននូវចំណេះដឹងនិងបទពិសោធថ្មីៗជាច្រើនពីអ្នកគ្រូម៉ីសនសុធារីពាក់ព័ន្ធនឹងការងារតែងនិពន្ធដូចជា សីលធម៌វិជ្ជាជីវ:ក្នុងនាមជាអ្នកនិពន្ធ ការកសាងបុគ្គលិកលក្ខណ:តួអង្គ ការកសាងរចនាសម្ព័ន្ធនៃការផ្ដើមរឿងជាដើម។

ស្ថិតក្នុងឱកាសនេះផងដែរ ខ្ញុំបាទសុធារ៉ា(ទឹកភ្នែកសម្ងាត់) សូមថ្លែងអំណរគុណយ៉ាងជ្រាលជ្រៅចំពោះអ្នកគ្រូម៉ីសនសុធារីដែលបានបង្កើតកម្មវិធី MST Writer នេះឡើងមកដែលអនុញ្ញាតឱ្យខ្ញុំបានចូលរួមបញ្ចេញនូវសមត្ថភាពតែងនិពន្ធក្នុងចេតនាដើម្បីកសាងខ្លួនជាអ្នកនិពន្ធអាជីពមួយរូបនៅពេលខាងមុខ។ ខ្ញុំបាទក៏សូមគោរពដឹងគុណចំពោះអ្នកគ្រូជាថ្មីម្ដងទៀតដែលខិតខំចំណាយពេលវេលាដ៏មានតម្លៃបង្ហាត់បង្ហាញខ្ញុំរយ:ពេលមួយសប្ដាហ៍ដែលធ្វើឱ្យខ្ញុំកាន់តែយល់ច្បាស់ពីវិធីសាស្ត្រតែងនិពន្ធបានមួយកម្រិតទៀត។ មួយអន្លើទៀត ខ្ញុំសូមគោរពអរគុណចំពោះបងៗក្រុមការងារក្នុងកម្មវិធី MST Writer ទាំងអស់ដែលបានជួយសម្រួលសាច់រឿងរបស់ខ្ញុំនិងរចនាក្របរឿងដើម្បីចេញផ្សាយរហូតដល់ទទួលបានជ័យលាភីក្នុងលំដាប់លេខរៀងទី១០។ សូមគោរពជូនពរអ្នកគ្រូម៉ីសនសុធារីនិងបងៗក្រុមការងារទាំងអស់មានសុខភាពល្អ សំណាងល្អនិងជោគជ័យគ្រប់ភារកិច្ច។

៣. អ្នកនិពន្ធ រ៉ាហ្ស៊ី ម្ចាស់រឿង«ទូរសព្ទចាស់»

សួស្ដីខ្ញុំបាទមាននាមប៉ាកកា រ៉ាហ្ស៊ី។ ខ្ញុំពិតជាមានអារម្មណ៍ត្រេកអរនិងរីករាយមែនទែន ពេលដែលដឹងថាស្នាដៃរបស់ខ្លួន “រឿង ទូរសព្ទចាស់” មានអ្នកអានច្រើនរហូតបានទទួលជាប់ជាស្នាដៃ Top 11 ក្នុងចំណោម Top15 ក្នុងបញ្ជីប្រចាំខែវិច្ឆិកា ។ “រឿង ទូរសព្ទចាស់” មិនមែនជាស្នាដៃទី១របស់ខ្ញុំ ដែលបានដាក់ចូលរួមក្នុងកម្មវិធីនេះទេ តែវាជាស្នាដៃទី៣ បន្ទាប់ពីស្នាដៃដទៃទៀតដែលខ្ញុំបានផ្ញើជូនបង្ហោះក្នុងគេហទំព័ររបស់អ្នកគ្រូដូចជា ស្នាដៃទី១នោះគឺអត្ថបទរឿងខ្លី “បើសិនក្លាយជាប្ដីគេ” ស្នាដៃទី២  រឿងខ្លី “មនុស្សសំខាន់” និងស្នាដៃទី៤ រឿងខ្លី “មនុស្សក្នុងចិត្ត”។ 

តាំងពីខែកញ្ញានៃការចាប់ផ្ដើមបើកដំណើរការដំបូងនៃកម្មវិធីមួយនេះ ខ្ញុំបានឃើញថាមានអ្នកនិពន្ធក្មេងៗជាច្រើន បានចូលរួមបង្ហាញស្នាដៃរបស់ខ្លួនឯង បានបង្ហាញគំនិត អារម្មណ៍និងទស្សនៈរបស់ខ្លួន តាមសំណេរសាច់រឿង បែបផែន សិល្ប៍វិធីផ្ទាល់ខ្លួនរបស់ពួកគេ ហើយអត្ថបទនិងសាច់រឿងមួយៗ សុទ្ធតែមានការទាក់ទាញ ប្លែកៗទៅតាមរសនិយមរបស់អ្នកអាន និងចំណូលចិត្តរបស់អ្នកនិពន្ធ ដែលនេះជារឿងមួយដែលខ្ញុំមិននឹកស្មានពីមុនថា ប្រទេសយើងសម្បូរទៅដោយអ្នកស្រលាញ់ចូលចិត្តខាងវិស័យនិពន្ធច្រើនដល់ថ្នាក់នេះ ជាពិសេសយុវជនក្មេងៗតែម្ដង។ ម្យ៉ាងទៀត ស្នាដៃសាច់រឿងរបស់ពួកគាត់ សុទ្ធតែល្អៗ ហើយទាក់ទាញ ប្លែកៗ អ៊ីចឹងហើយ ខ្ញុំពិតជាមិននឹកស្មានថាស្នាដៃខ្លួនអាចនឹងមានអ្នកចូលចិត្តច្រើនដល់បែបនេះ។ 

ប្រសិនជាអ្នកមានស្នាដៃ សាច់រឿងរបស់ខ្លួនហើយ ប៉ុន្ដែអ្នកមិនទាន់បានចូលរួមក្នុងកម្មវិធីនេះទេ ខ្ញុំលើកទឹកចិត្តឱ្យអ្នករូតរះធ្វើការបង្ហោះផ្ញើស្នាដៃរបស់ខ្លួនឯងជូនទៅក្រុមការងាររបស់អ្នកគ្រូពិនិត្យ កុំមានការព្រួយបារម្ភឬគិតថាស្នាដៃរបស់ខ្លួននៅមានកម្រិត ឬសាច់រឿងរបស់ខ្លួននៅមិនល្អនោះ ព្រោះនេះជាឱកាសដ៏មានតម្លៃមួយ ដែលសម្រាប់អ្នកដែលស្រលាញ់ក្នុងការតែងនិពន្ធមិនគួរមើលរំលងនោះឡើយ…ការចូលរួមក្នុងកម្មវិធីមិនតម្រូវឱ្យមានការចំណាយប្រាក់អ្វីឡើយ ហើយក៏មិនមានការកំណត់អាយុឬប្រកាន់ពីភេទ តួនាទី ឋានៈអ្វីដែរ។ 

ជាសារចុងក្រោយ ខ្ញុំពិតជាអរគុណដល់អ្នកគ្រូម៉ីសន សុធារីនិងក្រុមការងាររបស់អ្នកគ្រូ ដែលបានផ្ដួចផ្ដើមបង្កើតកម្មវិធីមួយនេះឡើង និងតែងតែជួយជ្រោមជ្រែង ខិតខំខ្នះខ្នែង សម្រួលឱ្យកម្មវិធីមួយនេះឱ្យកាន់តែរលូនទៅមុខជានិច្ច មិនតែប៉ុណ្ណោះ តែងតែជួយបង្ហាត់បង្រៀនបន្ថែមពីសិល្ប៍វិធីក្នុងការតាក់តែងនិពន្ធនិងចែករំលែកបទពិសោធដ៏មានតម្លៃរបស់ខ្លួន។ 

អូហ៍…ភ្លេចអរគុណដល់មិត្តអ្នកអាន ដែលតែងតែគាំទ្រ អានសាច់រឿងរបស់ខ្ញុំ ការអាននិងមតិយោបល់របស់អ្នក វាពិតជាអំណោយដ៏អស្ចារ្យមួយសម្រាប់ខ្ញុំ ព្រោះវាកម្លាំងចលករជម្រុញឱ្យខ្ញុំកាន់ប៊ិករបស់ខ្លួនសរសេរបន្ដទៅមុខទៀត។ អរគុណជាខ្លាំងសម្រាប់មិត្តអ្នកអាន ហើយសង្ឃឹមថាអ្នកនឹងនៅគាំទ្រអានស្នាដៃដទៃរបស់ខ្ញុំបន្ដទៀត…

ពីខ្ញុំរ៉ាហ្ស៊ី!

៤. អ្នកនិពន្ធ អ៊ឹមអាន ដាដាណេត ម្ចាស់រឿង«យប់មួយនៅសាលាកណ្ដាលព្រៃ»

ជាដំបូងខ្ញុំសូមជម្រាបសួរ និងសួស្តីដល់បងៗក្នុងក្រុមMST writer ទាំងអស់គ្នា! ខ្ញុំឈ្មោះអ៊ឹម អានដាដាណេត បានចូលរួមក្នុងកម្មវិធីMST writer រដូវកាលទី១ និងជាសមាជិកនៃក្រុម នាគា។ ក្នុងរដូវកាលនេះដែរខ្ញុំទទួល ចំណាត់ថ្នាក់ Top 12 និងទទួលបានប្រាក់រង្វាន់ពីក្រុមការងារ លើសពីនេះទៅទៀតខ្ញុំក៏ទទួលបាននូវបទពិសោធយ៉ាងច្រើនពាក់ព័ន្ធជាមួយការសរសេររឿងនិងធាតុចំនួនបីធំៗជាមួយការសរសេររឿងនៅទំព័រដំបូង ។ បន្ថែមពីនេះទៅទៀតខ្ញុំបានកសាងទំនាក់ទំនងជាមួយអ្នកនិពន្ធដ៏ទៃទៀតមកពីគ្រប់បណ្តាខេត្តដែលអាចអោយពួកយើងធ្វើការជាក្រុមនិងចែករំលែកបទពិសោធគ្នាទៅវិញទៅមក ព្រមទាំងចែករំលែកគំនិតក្នុងការសរសេររឿងអោយកាន់តែស៊ីជម្រៅ ពីមួយភាគទៅមួយភាគដោយមានជំនួយពីក្រុមការងារMST writer ។ ក្រោយពីបានសិក្សាវគ្គតែងនិពន្ធមួយរយៈនេះខ្ញុំសង្កេតឃើញថា ខ្ញុំនិងសមាជិកក្នុងក្រុមពិតជាបានអភិវឌ្ឈសមត្ថភាពផ្នែកសរសេរនិងនិពន្ធអោយកាន់តែរីកចម្រើនជាងមុនមួយកម្រិតទៀត។

ជាចុងក្រោយ ខ្ញុំសូមថ្លែងអំណរគុណ ដល់សមាជិកក្រុមអ្នកនិពន្ធMST Writer និងសមាជិកក្រុមនាគាទាំងអស់ដែលចូលរួមយ៉ាងសកម្មក្នុងកម្មវិធីសិក្សាវគ្គខ្លីអ្នកនិពន្ធក្រៅសាលានេះ។

៥. អ្នកនិពន្ធ ហោ សុជាតា ម្ចាស់រឿង«កញ្ចក់ខ្មោច»

ជាបឋមនាងខ្ញុំសូមថ្លែងអំណរគុណដល់អ្នកគ្រូ និងបងៗក្រុមMST writerទាំងអស់ដែលបានបង្ហាត់បង្ហាញ ណែនាំអំពីការតែងនិពន្ធ ក៏ដូចជាផ្តល់យោបល់ដល់សាច់រឿងរបស់នាងខ្ញុំផងដែរ។

នាងខ្ញុំពិតជាមានក្តីសោមនស្សរីករាយជាខ្លាំងដែលសាច់រឿងរបស់ខ្ញុំបានជាប់ក្នុង Top14 ទាំងនេះក៏សុទ្ធតែបានអ្នកគ្រូ និងបងៗផ្តល់ការណែនាំ និងមិត្តអ្នកអានទាំងអស់ជួយគាំទ្រស្នាដៃការសរសេររបស់ខ្ញុំផងដែរ ទើបធ្វើឱ្យខ្ញុំទទួលបានឱកាស​ជោគជ័យនេះ ជាចុងក្រោយនាងខ្ញុំសូមអរគុណដល់អ្នកគ្រូ បងៗ និងមិត្តអ្នកអានទាំងអស់ដែលគាំទ្រស្នាដៃរបស់ខ្ញុំកន្លងមក នាងខ្ញុំនឹងខិតខំប្រឹងប្រែងអភិវឌ្ឍន៍ស្នាដៃរបស់ខ្លួនឱ្យកាន់តែល្អជាងនេះទៅទៀត។

ចុចអាន MST Writerដែលមានអ្នកចូលអានច្រើនជាងគេប្រចាំខែតុលា

១. អ្នកនិពន្ធហ៊ុយ សារ៉ាត់ ម្ចាស់រឿង«ព្រហ្មចារី»

ជាដំបូងខ្ញុំសូមអរគុណដល់អ្នកនិពន្ធម៉ីសន សុធារីដែលបានបង្កើតកម្មវិធីនេះឡើងដែលជាឱកាសឱ្យខ្ញុំបាទ និងអ្នកដែលចង់ដាក់ស្នាដៃជាសាធារណៈអាចចេញផ្សាយ។ ចំពោះរឿងខ្ញុំបាទដែលមានចំណងជើងថាព្រហ្មចារី បានជាប់ក្នុងចំណោមTop 5 ក្នុងខែតុលានេះ ខ្ញុំបាទពិតជារំភើបខ្លាំងមែនទែនក្រោយពីបានទទួលដំណឹងភ្លាមៗ ហើយខ្ញុំពិតជាមិននឹកស្មានទាល់តែសោះថាអាចទទួលបានលទ្ធផលបែបនេះ ព្រោះនៅក្នុងវេបសាយរបស់អ្នកគ្រូពិតជាមានរឿងច្រើនរបស់អ្នកនិពន្ធក្មេងៗបានចេញផ្សាយរឿងរបស់ពួកគាត់ដូចគ្នា ជាពិសេសរឿងរន្ធត់ឃើញថាមានការនិយមចូលចិត្តច្រើន។

ចំពោះការដាក់រឿងព្រហ្មចារី ដំបូងឡើយខ្ញុំគ្រាន់តែចង់ទទួលបានបទពិសោធបន្ថែមពិការតែងនិពន្ធ និងការបណ្ដុះបណ្ដាលផ្សេងៗជាមួយអ្នកគ្រូតែប៉ុណ្ណោះ។ ចំពោះអ្នកដែលមានបំណងចង់ចេញផ្សាយស្នាដៃរបស់ខ្លួន អាចផ្ញើស្នាដៃនោះមកកាន់ក្រុមការងាររបស់ MST Writer ដើម្បី​បានទទួលបានឱកាសដូចជារូបខ្ញុំបាទ។

២. អ្នកនិពន្ធជេន ម្ចាស់រឿង«ភូមិគ្រឹះដែលខ្ញុំធ្វើការ»

ចំណាប់អារម្មណ៍ខ្ញុំក្រោយបានចេញផ្សាយរឿងក្នុង MST Writer គឺសប្បាយផងនិងបារម្ភផង។ សប្បាយព្រោះអាចបង្ហាញស្នាដៃរបស់ខ្លួនអោយអ្នកដទៃបានអាន តែក៏បារម្ភចំពោះកំហុសឆ្គងផ្សេងៗព្រោះមិនទាន់ជាអ្នកនិពន្ធពូកែម្នាក់នៅឡើយ ហើយក៏មិនធ្លាប់គិតដែរថាស្នាដៃខ្លួនអាចចូលក្នុង Top 11 ប្រចាំខែ ព្រោះដំបូងៗគ្រាន់តែបានដាក់ស្នាដៃចូលរួមហ្នឹងគឺរីករាយណាស់ហើយ។ បន្ទាប់ពីចូលក្នុងចំណោម Top 15 មានអារម្មណ៍ថារំភើបខ្លាំងមែនទែន ហើយក៏កាន់តែមានជំនឿជាក់លើខ្លួនឯងជាងមុន ពិសេសចង់បន្តទៅមុខអោយបានល្អបែបនេះជាដរាបទៀត។ សម្រាប់ខ្ញុំវិធីដែលអាចជួយឱ្យរឿងរបស់យើងមានអ្នកអានទីមួយគឺគុណភាពរឿងផ្ទាល់តែម្ដង ទីពីរគឺការជ្រើសរើសចំណងជើងខ្លឹមដែលទាក់ទាញនិងមានអត្ថន័យក្តោបក្តាប់សាច់រឿងទាំងមូលបាន និងទីបីអាចថាជាផ្សព្វផ្សាយអោយបានទូលំទូលាយជាដើម។ ជាចុងក្រោយខ្ញុំសូមអរគុណដល់មិត្តអ្នកអានដែលបានចំណាយពេលអានរឿងរបស់ខ្ញុំពីដើមដល់ចប់ និងសង្ឃឹមថាពួកយើងអាចជួបគ្នានៅថ្ងៃខាងមុខជាមួយស្នាដៃថ្មីរបស់ខ្ញុំដែលខ្ញុំបានអភិវឌ្ឃន៍ឱ្យកាន់តែល្អជាងមុនមួយកម្រិតទៀត ក៏ចង់ផ្ដាំផ្ញើដល់បងប្អូនដែលចង់ចេញផ្សាយស្នាដៃរបស់ខ្លួនសូមរួសរាន់កុំអោយឱកាសដ៏ល្អនេះកន្លងផុតទៅអោយសោះ ព្រោះមិនត្រឹមតែយើងអាចបង្ហាញស្នាដៃឱ្យអ្នកដទៃបានស្គាល់ប៉ុណ្ណោះ តែក៏អាចចាត់ទុកថាជាឱកាសមួយដែលយើងអាចទទួលបានមតិស្ថាបនាផ្សេងៗដើម្បីអភិវឌ្ឍការសរសេរតទៅមុនផងដែរ។

៣. អ្នកនិពន្ធលី គីមសួ ម្ចាស់រឿង«Crush ខ្ញុំមិនមែនមនុស្ស»

អារម្មណ៍ក្រោយពេលចេញផ្សាយ គឺមានអារម្មណ៍មួយសប្បាយព្រោះដឹងថាមានមិត្តអ្នកអានច្រើនអាចនិងចាប់អារម្មណ៍ក្នុងរឿងមួយនេះ។ ហើយក៏មិនដែលគិតដែរថាមានទទួលបានការអានច្រើនរហូតដល់ Top12 បែបនេះ។ នៅពេលដែលក្រុមការងារបានប្រកាសវា ទើបដឹងថាអារម្មណ៍ពេលនោះវារំភើបយ៉ាងណាហើយក៏កាន់តែមានកម្លាំងចិត្តបន្តការសរសេររឿងបន្តទៀត។ ចុងក្រោយសូមអរគុណដល់ក្រុមការងារ MST Writer ដែលចំណាយពេលវេលារៀបចំកម្មវិធីនេះឡើង។ ជាពិសេសអរគុណដល់អ្នកដែលបានអានទាំងអស់គ្នាដែលបានអានរឿងរបស់ខ្ញុំមួយនេះរហូតដល់មានចំណាត់ថ្នាក់នឹងគេដែរ។

សម្រាប់អ្នកដែលចង់ផ្សាយស្នាដៃរបស់ខ្លួនសូមមេត្តាក្លាហានឡើង កុំគិតច្រើន។ ពួកយើងត្រូវចូលរួមទាំងអស់គ្នាដើម្បីបន្តប្រលោមលោកខ្មែរឱ្យកាន់តែល្បីឡើង។

ជាការពិតសម្រាប់ខែតុលានេះ មានតែចំណងជើងរឿង«ព្រហ្មចារី»តែប៉ុណ្ណោះដែលអាចចូលក្នុងកំពូលតារាងទាំង១០ប្រចាំខែ ក៏ប៉ុន្ដែដើម្បីជាការលើកទឹកចិត្តចំពោះការខិតខំប្រឹងប្រែងរបស់អ្នកនិពន្ធវ័យក្មេង រួមជាមួយសំទុះគាំទ្រ ចុចអានយ៉ាងប្រកៀកប្រកិតគួរឱ្យតាមដានសង្កេតបន្ត ក្រុមការងារបានសម្រេចបន្ថែមការលើកទឹកចិត្តទៅដល់មាតិកាកំពូលទាំង១៥ (Top 15) ប្រចាំខែតុលាដ៏ស្វិតស្វាញ ជាទីចាប់អារម្មណ៍។

សម្រាប់អ្នកដែលមិនទាន់បានចូលក្នុងកំពូលតារាងទាំង១០ប្រចាំខែ កុំទាន់អស់សង្ឃឹមអីណា ការលើកទឹកចិត្តនៅតែបន្តរហូតដល់ចប់រដូវកាលទី១។ ចំណែកអ្នកនិពន្ធដែលមានបំណងចេញផ្សាយស្នាដៃខ្លួនជាផ្លូវការ កុំភ្លេចចូលរួមជាមួយកម្មវិធី MST Writer ​ឥឡូវនេះ ព្រោះឱកាសនៅតែបន្តរហូតដល់បំណាច់ខែធ្នូ ឆ្នាំ២០២១។

ចុចអាន MST Writerដែលមានអ្នកចូលអានច្រើនជាងគេប្រចាំខែកញ្ញា